Lumans 1:9 - The New Testament in the Babanki language

⁹ Ma jɨ̀mə̀ a ghə̀ŋ to məzhʉ̀ ə ntsèm. Nyìngòŋ ghèn a ma shyèʼ a wen nə̀ ətyɨm ə ghomə no tsèm, shə̀ʼtə̀ ntɨm ə jùŋ kumə Wàyn, ghə kɨ kənyʉ̀ kenkə a ma gàʼ lə̀.

Lumans 1:9 Iomraidhean Croise

Ŋwàʼlə̀ Mak 1:1

Kènkə diʼ kənzìtə kə ntɨm jùŋə Yesò Klistò, ə Wàyn Nyìngòŋ.

Ŋwàʼlə̀ Luk 18:1

Yesò bè mò tò mu ngàyn tsen à ndzɨ̀mtə̀ sə bàm wen ə ziʼi vəwenə la vəwenə diʼi jɨ̀mə̀ tò məzhʉ tsèm, kò ve lù bwaʼa.

Shwèʼ 12:5

Və ghʉ Bità a ngə̀ŋ mfɨŋ, alì ntsèntə̀ viʼi vəbyɨməvə vi faŋ a bàm sə jɨ̀mə̀ à Nyìngòŋ nə̀ tətyɨm tə vəwenə no tsèm à wen.

Shwèʼ 19:21

A bàmə nyʉ̀ avenə, Kəzhwì kə ŋwòʼəkə nè, Bol ghʉ la ghə̀ a chò fa shyə loʼ Macedonia bènə̀ fa Akayà ə dyʉ̀ zaʼa a Jelusalèm. Ghə̀ bè ghʉ̀ la ghə̀ a tsìtə tsu ə mu chò dyʉ̀ a Lum.

Shwèʼ 24:14

Kənyʉ̀ kì kə mùʼ a mà zì mà byɨmə dìʼ tò la, mà kuʼsə Nyìngòŋ, dzɨ̀mtə̀ Jìsə shì a Bobo kəŋə la viʼi ntsi fa tsu no tè ando vəwenə gàʼà la àdìʼ jisə ndzɨ̀ŋsə. Nyìngòŋ aghèn a mà ghoʼsə̀ lə̀ dìʼ yì a vətìʼ və vəghəŋ nghoʼsə̀ fa mbi. Mà be byɨmə a nyʉ̀ vyi a və nyòʼò a soʼ Mosìs no tsèm bènə̀ vi a və nyòʼò a vəŋwàʼlə̀ və nshə̀ʼtə̀sə səghoʼkəsə.

Shwèʼ 27:23

Mà gàʼà alə̀ byìʼàndo à tə ndiʼ nəntʉʼʉ lan, ntsɨ̀ŋ ngə̀ŋ Nyìngòŋ yì a ghə̀ kiʼì mo a be diʼ wen a mà kuʼsə̀ vì à mò,

Shwèʼ 3:26

Nyìngòŋ mù tsuʼ wù shyèʼ wen ə̀ tɨ̀m à ghə̀ŋ a mbì ndi ghə̀ bwaʼsə ne la no tè ndò à ghə̀ŋ a ntìntìn ghʉsə jisə byɨsə wen.”

Lumans 9:1

Ma kəŋ ə gàʼ kənyʉ̀ luwen kə diʼ to no nəmwèʼè, fʉ̀ to no fa mo tyɨm, à diʼi Kəzhwì kə Ŋwoʼkə. Ma gàʼa to nəmwèʼè byìʼì ando ma diʼi to kənyʉ̀ kə mùʼ yo Yesò.

2 Kolìntyàns 1:23

Mà tə faŋ ke be ə vi a Kolìn byìʼì ando ma ko tə ə kòŋ ə vi ə kəŋkə̀ ghə̀ŋ a kənyʉ̀. Nyìngòŋ ə kɨ la ma gàʼà to nəmwèʼè.

2 Kolìntyàns 11:31

Tìʼ Bobo Yesò, ə Nyìngòŋ yi a və diʼ nkuʼsə wen to məzhʉ̀ ə tsèm ə kɨ la ma ko zhò ndzɨŋ.

Gàlesìyà 1:20

Kənyʉ̀ kèn a ma nyòʼò a ghə̀ŋ lə diʼ to nə̀ nəmwèʼè. Nyìngòŋ ə kɨ la ma ko zhò ndzɨ̀ŋ!

Efisyàns 6:18

Ghə̀ŋ sə ne nyʉ̀ a venə, ghə̀ŋ ə njɨ̀mə̀ a Nyìngòŋ to məzhʉ̀ ə tsèm, ando kəzhwì kə wen kə ə tisə ghə̀ŋ. Jɨ̀mə̀ la Nyìngòŋ gyamtə ghə̀ŋ no gho a ghə̀ŋ kəŋ. Ghə̀ŋ ə̀ tùʼmə̀, kə wìʼ ne ə lyesə ə jɨ̀m. Ghə̀ŋ mbe ə njɨ̀mə̀ a viʼi Nyìngòŋ no və tsèm.

Filìbàyns 1:3

Ma kù kəzòŋ a Nyìngòŋ a ma kuʼsə no zhʉ̀ko a mà kwòʼtə ghə̀ŋ,

Filìbàyns 1:4

Ma diʼ nə̀ saŋlə a zhʉ ma jɨ̀mə̀ a ghə̀ŋ no zhʉ̀ko.

Filìbàyns 2:22

No nkàntə̀ ghə̀ŋ ə kɨ əshwèʼ Timotì. Ghə̀ shyèʼè li yo wen ənè la viʼi byɨmə ntɨm ə jùŋ to ndə̀ŋndəŋ ji a wàyn nə̀ shyèʼè à tìʼ wen.

Filìbàyns 3:3

A dìʼ nə yes a yes ə kuʼsə to a ji kəzhwì kə Nyìngòŋ kə tisə yes fa tsu, à diʼ yes a və shətə li ndyə̀ yes nəmwèʼè. Yes ə tsi to kənyʉ̀ a Yesò Klistò ə ne li a yes. Kèn la yes ə choʼsə la wìʼ zi ghə̀ gyamtə yes.

1 Tèsàlonyà 1:2

Yès sə ku kəzòŋ a Nyìngòŋ to məzhʉ̀ ə tsèm be jɨ̀mə̀ toŋtə təzhiʼ təŋtə.

1 Tèsàlonyà 3:10

Yes ə loynə fa Nyìngòŋ no məzhʉ̀ ə tsèm nə̀ ətyɨm ə yes ə tsèm la ghə̀ nè yo wen yen ghə̀ŋ ə ku kənyʉ̀ ki a ghə̀ŋ ko ə kiʼi a ghə̀ŋ əbyɨmə a Yesò.

1 Tèsàlonyà 5:17

jɨ̀mə̀ a Nyìngòŋ ə to məzhʉ̀ ə tsèm.

1 Timotì 2:7

Və ntsuʼ mò byìʼì kənyʉ̀ a kenkə a nə̀ wù ə ntɨm la mà shə̀ʼtə̀ kənyʉ̀ kə Nyìngòŋ bè ziʼi viʼi ətɨm nə̀ kənyʉ̀ ki a kə diʼi nəmwèʼè. Kənyʉ̀ kənkə a ma gàʼà lə ə diʼ tò no nəmwèʼè. Mà ko wamə wamə.

2 Timotì 1:3

Mà ku kəzòŋ à Nyìngòŋ a ma shwèʼ a wen byìʼì wù, nə̀ ətyɨm ə mùʼ ando vətiʼi vwomə ə nlu sə shyèʼè. Mà jɨ̀mə̀ à wù nò məzhʉ ntsèm.

Filimùyn 1:4

Filimùyn, ma zhʉsə ə njɨ̀mə̀ no zhʉ̀ko ma sə toŋtə əzhiʼ ə wu, ku kəzòŋ a Nyìngòŋ.