Lumans 1:8 - The New Testament in the Babanki language

⁸ Ma cho mbi, əku kəzòŋ a Nyìngòŋ yi a ma kùʼsə̀ be shyèʼ a wen əchò fa a Yesò Klistò ando ghə̀ ne viʼi sə gaʼa kumə əbyɨmə ə ghəŋə to mbyi ə tsèm.

Lumans 1:8 Iomraidhean Croise

Matìyò 24:14

Və lu shə̀ʼtə̀ ntɨm jùŋə byìʼì soʼ Fòyn Nyìngòŋ a mbi ghèn no tsèm ndi viʼi təloʼ no tətsèm kɨ nəmwèʼè fa yi a bàm zhʉ mu kwʉ̀ʼ ə mbi me.

Ŋwàʼlə̀ Luk 2:1

A bè ndiʼ a tʉʼ ayì mu fòyn Augustus kuli soʼ la və nyoʼ təzhiʼ tə viʼi no vətsèm a tə̀loʼ tə̀tsèm a ti nə̀ Lum.

Shwèʼ 11:28

ghə̀ tsen diʼ a vəwenə a ntìntìn, a zhiʼ wen ndìʼ Agabus. Kəzhwì kə ŋwòʼəkə tensə wen, ghə̀ gàʼ a ntsèntə̀ ando jɨ̀ŋ byɨ ne ku təloʼ tətsèm. Jɨŋ ayì lù ku a tʉʼ a andiʼ Klodùs diʼ foyn ə ghoʼo.

Shwèʼ 28:22

Yès ə kəŋə zhʉ kwòʼtə̀ wu byìʼàndo yès ə chò no tè fa fe, zhʉ ando və gàʼà nyʉ̀ byɨvə byìʼì nkì nòyn ghenə a wu dìʼì tsu lə̀.”

Lumans 10:18

Ma sətsen ə bèm la, kə le diʼ la viʼi Jus ko zhʉ̀ kənyʉ̀ kə Nyìngòŋ mu? Vəwenə zhʉ li to no zhʉ, to ndə̀ŋndəŋ ando və nyoʼ li a Ŋwàʼlə̀ Nyìngòŋ la: “Və zhʉ li gɨsə nshə̀ʼtə̀sə to shì ə tsèm a mbi. Vəwenə shə̀ʼtə̀ li kənyʉ̀, və zhʉ to tətàŋ tə mbi tə tsèm.”

Lumans 16:19

Nò ndò zhʉ li ji yì a ghə̀ŋ zhʉ̀ ntɨm ə jùŋ fa tsù, no ma sə saŋlə no nànto kumə ghə̀ŋ. Ma kəŋ la ghə̀ŋ ntofə a nyʉ̀ vyi a və bòŋ, kə ghə̀ŋ a kiʼi kənyʉ̀ ə ne nə̀ mbyɨ.

Lumans 6:17

Vəghəŋ diʼ ə ku kəzòŋ a Nyìngòŋ byìʼì ando a ndiʼ a tʉʼ tseghə, ghə̀ŋ diʼ əkòs a mbyɨ ali ə lu zhʉ ziʼi yì a və ziʼi a ghə̀ŋ ə byɨmə nə̀ tyɨm ə ghəŋə no tsèm.

1 Kolìntyàns 1:4

Ma kù kəzòŋ a Nyìngòŋ to məzhʉ̀ ə tsèm kumə ghə̀ŋ byìʼì ətyɨm ə jùŋə ghə̀ yi a ghə̀ diʼi a ghə̀ŋ chò fa Yesò Klistò.

2 Kolìntyàns 2:14

Alì, ma ku kəzòŋ kə Nyìngòŋ. Ghə̀ tisə yès to məzhʉ̀ ə tsèm, yès ə ndzɨ̀mtə̀ fa bàm ə Yesò zhɨ no gho na yì a yes ə nè. Ghə̀ ne yès ə gətə ntɨm ə Yesò, viʼi kɨ wen, ntɨm ayi saykə dyʉ̀ to shì ə tsèm to nə̀ kəlemtəkə kələŋkə.

Efisyàns 1:15

A lə kənyʉ̀ ki a ma sə ku kəzòŋ a Nyìngòŋ, byìʼì ghə̀ŋ a mò a jɨ̀m to məzhʉ̀ ə tsèm fa chʉʼ a mà nzhʉ əbyɨmə a ghə̀ŋ kiʼi a Bobo vəghəŋ Yesò Klistò, nə̀ kòŋ yì a ghə̀ŋ kiʼi a viʼi Nyìngòŋ no vətsèm.

Efisyàns 3:21

Əbayn ə ghoʼo ghə̀ Nyìngòŋ sə vi faŋ to faŋ a viʼi və byɨməvə vyi a və diʼ wenə və Yesò Klistò to məzhʉ̀ ə tsèm! Amèyn.

Efisyàns 5:20

Ghə̀ŋ ə̀ ku kəzòŋ a Nyìngòŋ ə Tìʼ no mənzhʉ̀ ntsèm kùmə̀ no tèbe ghò a ghə̀ fʉ̀. Ghə̀ŋ nku kəzòŋ a wen a zhiʼ Bobo vəghəŋ ə Yesò Klistò.

Filìbàyns 1:11

Kə sətsen ə ndiʼ alə̀ Yesò Klistò a nè, ghə̀ŋ ne ntsi ntsìnə̀ ə tɨmə, ndi viʼi yen ə ku əkuʼsə a Nyìngòŋ ə, be bwomsə wen.

Filìbàyns 1:3

Ma kù kəzòŋ a Nyìngòŋ a ma kuʼsə no zhʉ̀ko a mà kwòʼtə ghə̀ŋ,

Kòlòsyàns 1:3

Yès sə ku kəzòŋ a Nyìngòŋ Tìʼ Bobo vəghəŋ Yesò Klistò no zhʉ̀ko a yes ə jɨ̀mə̀ kumə ghə̀ŋ.

1 Tèsàlonyà 1:2

Yès sə ku kəzòŋ a Nyìngòŋ to məzhʉ̀ ə tsèm be jɨ̀mə̀ toŋtə təzhiʼ təŋtə.

1 Tèsàlonyà 2:13

Yes ə ku kəzòŋ a Nyìngòŋ to məzhʉ̀ ə tsèm byìʼì ando à ndiʼ ando yès nvi ə shə̀ʼtə̀ ntɨm ə yì a Nyìngòŋ ə gàʼa la yes vi shə̀ʼtə̀ a ghə̀ŋ, ghə̀ŋ zhʉ̀ ə byɨmə la à diʼi ntɨm mu ghə̀ lù to no fa Nyìngòŋ, a kodiʼ fa wìʼ. Ntɨm na ghèn ə shyèʼ a ghə̀ŋ a ntìntìn ə viʼi və byɨməvə.

2 Tèsàlonyà 1:3

Vəlemə, yès nə̀ ku kəzòŋ a Nyìngòŋ to məzhʉ̀ ə tsèm byìʼì ghə̀ŋ. A diʼ to no kənyʉ̀ kə jùŋ kə a yès ə nè alə byìʼì ando əbyɨmə ə ghəŋə a Yesò ə kwi dyʉ̀ to ambì, ə kòŋ ə ghəŋə be kwi dyʉ̀ to ambì.

2 Timotì 1:3

Mà ku kəzòŋ à Nyìngòŋ a ma shwèʼ a wen byìʼì wù, nə̀ ətyɨm ə mùʼ ando vətiʼi vwomə ə nlu sə shyèʼè. Mà jɨ̀mə̀ à wù nò məzhʉ ntsèm.

Filimùyn 1:4

Filimùyn, ma zhʉsə ə njɨ̀mə̀ no zhʉ̀ko ma sə toŋtə əzhiʼ ə wu, ku kəzòŋ a Nyìngòŋ.

Hibùlù 13:15

Vəghəŋ nku li kəku, kə kə kuʼsə a Nyìngòŋ to məzhʉ̀ ə tsèm chò fa Yesò, gàʼà fa vəghəŋ a chʉ la Nyìngòŋ diʼ Nyìngòŋ vəghəŋ.

1 Bità 2:5

Ghə̀ŋ be boŋsə diʼ to nə̀ nguʼsə a sə tsi. Kə le diʼi la və diʼ ə lyɨ̀ ghə̀ŋ ə bwòm ngə̀ŋ Nyìngòŋ tsu, la ghə̀ŋ ə diʼ vəpfèm ngə̀ŋ Nyìngòŋ və laynəvə, ku kəku kə kəzhwì a Nyìngòŋ a kə kʉʼʉ, chò fa a Yesò Klistò.

1 Bità 4:11

Wìʼ yi a ghə̀ shə̀ʼtə̀ kənyʉ̀ kə Nyìngòŋ, ghə̀ nshə̀ʼtə̀ to no kənyʉ̀ ki a kə lù fa Nyìngòŋ. Wìʼ yi a diʼ wù ə shwèʼè, ghə̀ ə shyèʼ to no nə̀ kədyòʼ kì a Nyìngòŋ ə kù li a wen. Ghə̀ŋ ə nè to alə ndiʼ viʼi ə kuʼsə Nyìngòŋ chò fa a Yesò Klistò. Ghə̀ kiʼi kùʼsə nə̀ kədyoʼkə to məzhʉ̀ ə tsèm. Amèyn.