Lumans 1:7 - The New Testament in the Babanki language

⁷ Ma nyoʼo ŋwàʼlə̀ ghèn a ghə̀ŋ viʼi Nyìngòŋ ə kòŋ a və tsi a ntə̀ʼ Lum no və tsèm. Nyìngòŋ ə dzàŋ li shisə ghə̀ŋ la ghə̀ŋ ndiʼ viʼi wen. Nyìngòŋ ə, Tìʼ vəghəŋ wenə Bobo Yesò Klistò ə ndiʼi ətyɨm ə jùŋə a ghə̀ŋ, ə kù mbwaʼmə a ghə̀ŋ.

Lumans 1:7 Iomraidhean Croise

Matìyò 5:16

A diʼ tò ndə̀ŋndəŋ ando ghə̀ŋ diʼi baynə a viʼi ndi viʼi yen nyʉ̀ jùŋ və vyi a ghə̀ŋ nè mù nkuʼsə tiʼi ghə̀ŋ yi a ghə̀ diʼi a kàŋ.”

Joyn 20:17

Yesò ə gàʼ a wen la, “kə wù ghaʼ mo byìʼì ando mà ko təmə bwenə ə dyʉ̀ a Tìʼ. Boŋsə dyʉ̀ gàʼ a vəlemə vwomə la ma bwenə dyʉ̀ ə yen Tìʼ ghom yi à be diʼ Tìʼ vəwenə, ə Nyìngòŋ ghom yi à diʼ Nyìngòŋ ə vəwenə.”

Shwèʼ 15:23

Və ntɨ̀m vəwenə a Antìyòk nə̀ ŋwàʼlə̀ ghə̀ gàʼà la: Yès viʼi ntɨm Yesò nə̀ vəchəʼ, à diʼì vəlèmə̀ vəŋə ə tɨmə̀ toŋtə à ghə̀ŋ viʼi tɨm vəbyɨməvə vi a və tsi a Antìyòk, nə̀ a loʼ Sylia bènə̀ a Silisiyà.

Shwèʼ 9:13

Ananyàs bwènsə̀ gàʼ la, “Bobo, viʼi shə̀ʼtə̀ li nyʉ̀ à mo byìʼì wìʼ aghèn no vəghoʼo, la ghə̀ jèʼè nè viʼi vye yenə ngəʼ a Jelusalèm no nànto.

Lumans 1:6

Və boŋ li dzàŋ ghə̀ŋ la ghə̀ŋ fʉ̀ vi ndiʼ viʼi Yesò Klistò.

Lumans 5:1

Ando Nyìngòŋ ə nlyɨ̀ li vəghəŋ a nə̀ viʼi və tɨməvə byìʼì əbyɨmə ə vəghəŋ, vəghəŋ və Nyìngòŋ sə tsi to no nə̀ mbwaʼmə luwen a ti kədyòʼ yi a Bobo vəghəŋ Yesò Klistò ə ku.

Lumans 5:5

Vəghəŋ zizi ko və lu ə gho kəfo na kènkə a və ki dyʉ̀sə̀ nə̀ kəwenkə lə byìʼì ando Nyìngòŋ ə kù li Kəzhwì kə Ŋwoʼkə, kə sə diʼi kòŋ ə wen a vəghəŋ.

Lumans 8:28

Vəghəŋ ə kɨ la à fʉ̀ no tèbe ghò, Nyìngòŋ ə shɨtə a sə diʼ njùŋ a viʼi vyi a və kòŋ wen, a diʼ viʼi vi a ghə̀ dzàŋ la vəwenə ə nè ando ghə̀ bàtə.

Lumans 8:39

kò à diʼi mbi yì a ghə diʼ akàŋ kò à diʼ yi a kə diʼ a ti ə nse, la no kəfo kə tsenkə zizi ko kə lu ə ghəsə vəghəŋ fa kòŋ yi a Nyìngòŋ ə diʼi li chò fa kənyʉ̀ yi a Bobo vəghəŋ Yesò Klistò ə nè a vəghəŋ.

Lumans 9:25

Nyìngòŋ ə ngàʼa a ti ŋwàʼlə̀ Hòseyà la: “Mà lu sə gàʼ kumə viʼi vyi a və ko tə ndiʼ viʼi vwomə ə tòŋtə vəwenə la, ‘viʼi vwomə,’ ə sə gàʼ kumə əloʼ yì a ma ko tə ə koŋə ə tòŋtə la, ‘lòʼ yì a ma kòŋ.’

1 Kolìntyàns 1:24

Alì a viʼi vyi a Nyìngòŋ ə tsùʼtə li, kò à diʼ viʼi Jus kò à diʼ viʼi ətɨm, vəwenə kɨ la Nyìngòŋ diʼi kədyòʼ kə wen nə̀ ətof ə wenə chò fa Yesò.

1 Kolìntyàns 16:23

Bobo Yesò ə ndiʼi ətyɨm ə jùŋə ə wen a ghə̀ŋ.

2 Kolìntyàns 13:14

Bobo Yesò Klistò ndiʼi ətyɨm ə jùŋə ghə̀ a ghə̀ŋ, Nyìngòŋ be ndiʼi əkòŋ a ghə̀ŋ, kəzhwì kə Ŋwoʼkə faŋ to ghə̀ŋ no vətsèm.

Gàlesìyà 6:18

Vəlemə vwomə a byɨmə, ma jɨ̀mə̀ la Bobo vəghəŋ Yesò Klistò diʼi ətyɨm ə jùŋ ghə̀ ə wen a ghə̀ŋ. Amèyn.

Efisyàns 1:2

Nyìngòŋ ə Tìʼ vəghəŋ wenə Bobo Yesò Klistò diʼi ətyɨm ə jùŋə a ghə̀ŋ, ku mbwaʼmə a ghə̀ŋ.

Efisyàns 6:23

Nyìngòŋ ə, Tìʼ wenə Bobo Yesò Klistò ə ku mbwaʼmə a ghə̀ŋ ə ne la ghə̀ŋ əkòŋmə̀ təwen ə tyəŋtə be mbyɨmə to Klistò.

Filìbàyns 1:2

Nyìngòŋ ə Tìʼ vəghəŋ wenə Bobo Yesò Klistò diʼi ətyɨm ə jùŋə ghə̀ a ghə̀ŋ, ə kù mbwaʼmə a ghə̀ŋ.

Filìbàyns 4:13

No kənyʉ̀ kə ko a kə fʉ̀ a mò, ma tɨmə ə tò byìʼì kədyòʼ ki kə a Yesò Klistò ə ku à mò.

Filìbàyns 4:20

Əghoʼsə ndiʼ à Nyìngòŋ ə Tìʼ vəghəŋ ə zaʼa no tè fa ze. Amèyn.

Filìbàyns 4:23

Əboŋə tyɨm ə̀ Bobo Yesò Klistò ə ndiʼ à ghə̀ŋ vətsèm.

Kòlòsyàns 1:2

Ŋwàʼlə̀ ghèn diʼ a ghə̀ŋ viʼi Nyìngòŋ vi a və diʼ a loʼ Kòlosè. Ghə̀ŋ diʼ vye və Klistò a kənyʉ̀ kə mùʼ, dzɨ̀mtə̀ wen no akayn. Nyìngòŋ ə Tìʼ vəghəŋ diʼi ətyɨm ə jùŋə wen a ghə̀ŋ, ə kù mbwaʼmə a ghə̀ŋ.

Kòlòsyàns 3:12

Ando ghə̀ŋ sə diʼ viʼi a Nyìngòŋ ə tsuʼ li a viʼi wen ə sə koŋə, ghə̀ŋ moʼ ntsìnə̀ ə jùŋ, tùʼmə̀ nə̀ viʼi, ə nshiʼsə təwenə təŋtə a nse, bwaʼmə, be wensə.

Kòlòsyàns 3:15

Ghə̀ŋ moʼtə mbwaʼmə yì a Yesò ku ghə̀ tisə təkwòʼtə̀ təŋtə, ə dzàŋ ghə̀ŋ la ghə̀ŋ fʉ̀ vi ə diʼ a wenə ə mùʼ, kiʼi mbwaʼmə be ku kəzòŋ a wen.

1 Tèsàlonyà 1:1

A nyòʼò mò Bol nə̀ Silàs nə̀ Timotì nyòʼtə̀ ŋwàʼlə̀ ghèn a ghə̀ŋ nòynə ə viʼi və byɨməvə vi a və diʼi a ntə̀ʼ Tèsàlonikà. Ghə̀ŋ diʼ viʼi Nyìngòŋ ə Tìʼ vəghəŋ nə̀ Bobo Yesò Klistò. Nyìngòŋ ə diʼi ətyɨm ə jùŋ ghə̀ a ghə̀ŋ ə nè la ghə̀ŋ ə tsi nə̀ mbwaʼmə.

1 Tèsàlonyà 1:3

Yes ə zhʉsə njɨ̀mə̀ a Nyìngòŋ ə, Tìʼ vəghəŋ, yes ə sə kwoʼtə ando ghə̀ŋ nè shyèʼ ə jùŋ ghə̀ byìʼì ando ghə̀ŋ byɨmə a Bobo vəghəŋ Yesò Klistò be kwoʼtə ando ghə̀ŋ tə nshyèʼ no nə̀ kədyoʼkə byìʼì ando ghə̀ŋ kòŋ wen. Yes be kwoʼtə ando ghə̀ŋ kəʼtə wen, kɨ kɨ la ghə̀ lu bwenə vi.

1 Tèsàlonyà 1:4

Vəlemə vyomə yes ə kɨ la Nyìngòŋ ə kòŋə̀ li ghə̀ŋ, ə tsuʼ ghə̀ŋ la ghə̀ŋ diʼ viʼi wen,

1 Tèsàlonyà 4:7

byìʼì ando Nyìngòŋ ə ko tə dzàŋ vəghəŋ la vəghəŋ fʉ vi ə kumə tsi to tsì nə̀ ki ko nə̀ lʉmə to mphen. Ghə̀ boŋsə dzàŋ la vəghəŋ fʉ vi ntsi to nə̀ viʼi Nyìngòŋ.

1 Tèsàlonyà 5:28

Bobo vəghəŋ Yesò Klistò ə diʼi ətyɨm ə jùŋ ghə̀ wen a ghə̀ŋ.

2 Tèsàlonyà 1:2

Nyìngòŋ ə, ə Ti wenə Bobo Yesò Klistò ə ndiʼi ətyɨm ə jùŋə ghə̀ a ghə̀ŋ, be kù mbwaʼmə a ghə̀ŋ.

2 Tèsàlonyà 3:16

Ma jɨ̀mə̀ luwen la Nyìngòŋ yi a ghə̀ kù mbwaʼmə nè ghə̀ŋ ə kiʼi mbwaʼmə to məzhʉ̀ ə tsèm, kò à fʉ no tèbe ghò. Bobo faŋ to a ghə̀ŋ vətsèm.

2 Tèsàlonyà 3:18

Bobo vəghəŋ Yesò Klistò diʼi ətyɨm ə jùŋə ə wen to a ghə̀ŋ və tsèm.

1 Timotì 1:2

Mà nyòʼo ŋwàʼlə̀ ghèn à wù a Timotì. Wù dìʼ to no ə nkàyntə̀ wàyn a mo byìʼì ando yowù ə kiʼ tò byɨmə ə mùʼ. Nyìngòŋ Tìʼ, wenə Yesò Klistò, ə Bobo vəghəŋ ə diʼi ətyɨm jùŋ ghə̀, nə̀ əkusə shinsə, bè nè wù ntsi nə̀ mbwaʼmə.

1 Timotì 6:2

Əkòs vi a və shyèʼ à viʼi, a diʼ viʼi və byɨməvə ə ko diʼ ə nchasə vəwenə byìʼì ando və tìʼ və shyèʼ a vi ə diʼ viʼi və byɨməvə to nə̀ vəwenə. Vəwenə ə diʼ ə mbòŋsə̀ shwèʼ nə̀ kədyòʼ kə byìʼì ando se a yi ə dyʉ̀ à wìʼ, a dìʼ wù ə byɨmə, vəwenə kòŋ wen. Wù dìʼ ə shɨ̀tə̀ ə ziʼi ənyʉ̀ a venə à vəwenə.

2 Timotì 1:2

Timotì, wàyn kòŋ ə̀ mò, Nyìngòŋ ə Tìʼ, wenə Yesò Klistò, ə Bobo vəghəŋ ə diʼi ətyɨm ə jùŋ ghə̀ à wù nə̀ əkusə shinsə, ə be ku mbwaʼmə a wù.

2 Timotì 4:22

Bobo a gyàmtə̀ wù. Nyìngòŋ ə diʼ ətyɨm ə jùŋ ghə̀ no a ghə̀ŋ və tsèm.

Taytùs 1:4

Mà nyòʼò à wù a Taytùs. Wù dìʼ no nkàyntə̀ wàyn ghom byìʼàndo yowù kìʼ tò byɨmə mùʼ. Nyìngòŋ wenə̀ mbwòŋsə̀ vəghəŋ ə Yesò Klistò a dìʼ ətyɨm ə jùŋ ghə̀ à wù ə ne la wu ntsi tò nə̀ mbwaʼmə̀.

Filimùyn 1:25

Bobo Yesò Klistò ə ndiʼi ətɨm ə jùŋ ghə̀ ə wen a ghə̀ŋ.

Filimùyn 1:3

Nyìngòŋ a diʼi Tìʼ ə vəghəŋ, nə̀ Bobo vəghəŋ Yesò Klistò ə diʼi ətyɨm ə jùŋə a ghə̀ŋ, ə be kù mbwaʼmə a ghə̀ŋ.

Jems 1:1

A nyòʼò mò ə Jems ə wù shyèʼ ə̀ Nyìngòŋ wenə̀ Bobo Yesò Klistò nyòʼò ŋwàʼlə̀ ghèn: Mà toŋtə̀ viʼi Islel vəbyɨməvə no vətsèm a və saykə li ə̀ ndyʉ̀ a tyì mbyi.

1 Bità 1:15

Ghə̀ŋ kɨli la Nyìngòŋ ghə̀ŋ a ghə̀ tə tsùʼtə ghə̀ŋ la ghə̀ŋ ə diʼ viʼi wen diʼ nə̀ laynə, ghə̀ŋ be diʼ ə̀ laynə no nyʉ̀ tsèm a ghə̀ŋ ə nè.

1 Joyn 3:1

Ghə̀ŋ yen ə kòŋ a Nyìngòŋ ə dìʼì à vəghəŋ no ghoʼo a ghə̀ ne li və sə dzàŋə̀ vəghəŋ nə̀ vunə Nyìngòŋ. A mu diʼ nəmwèʼè. Kənàʼ kə kənyʉ̀ a viʼi mbyi ko kɨ̀ vəghəŋ dìʼ la vəwenə nko kɨ Nyìngòŋ.

2 Joyn 1:3

Tìʼ wenə Wàyn wen ə Yesò Klistò, a diʼ boŋə tyɨm, nə̀ kusə nshinsə bènə̀ mbwaʼmə à vəghəŋ, a vəghəŋ tsi a tyì nəmwèʼè benə̀ ə̀kòŋ.

Kəmwetə 2:1

Ghə̀ gàʼ la, “Nyoʼo à ntsɨ̀ŋ ngə̀ŋ Nyìngòŋ a ngə̀ŋ ntsèntə̀ viʼi və byɨməvə a Efesùs la, Ghèn diʼi ntɨm fà wìʼ yì a ghə̀ ghaʼà mədzɨ̀ŋ mì sòmbo à wen ə kəvu kə kwoŋ ə toghə sə jèʼè kaʼa fa tì ə̀fo vi sòmbo a və tomtə̀ ə̀ nkàʼtə̀ tsu mu və shɨ̀tə̀ nə̀ gul lì.

Kəmwetə 2:12

Ghə̀ bè gàʼ à mò la, Nyoʼo à ntsɨ̀ŋ ngə̀ŋ Nyìngòŋ yì a ghə̀ diʼì a ntsèntə̀ viʼi və byɨməvə a Belgamum la: Ntɨm ghèn lù fà wìʼ yì a ghə̀ ə kiʼì nyì ngwoləŋ ə lyɨmə lì.

Kəmwetə 2:18

Nyòʼo à ntsɨŋ ngə̀ŋ Nyìngòŋ a ghə̀ ə diʼì ntsèntə̀ viʼi və byɨməvə a Tatiliyà la: Ghèn dìʼ ə ntɨm a ghə̀ lù fà wàyn Nyìngòŋ yì a ashɨ wen ə bàŋə̀ to nə̀ kəlwàŋ kə zhìʼ, aghʉ wen ə so to nə̀ kəkas a və buŋsə̀ a chɨ.

Kəmwetə 2:29

No ndò a ghə̀ kiʼi ətiʼitiʼi, ghə̀ ə ntùʼù zhʉtə̀ kənyʉ̀ a kəzhwì kə ŋwoʼəkə gàʼà à ntsèntə̀sə viʼi və byɨməvə.

Kəmwetə 2:8

Ghə̀ bè gàʼ la, “Nyoʼo à ntsɨ̀ŋ ngə̀ŋ Nyìngòŋ a ngə̀ŋ ntsèntə̀ viʼi və byɨməvə a Smylna la: Ghèn dìʼ ntɨm fà wìʼ yì a ghə̀ dìʼ ə mbì be diʼ ə̀ bàm, wìʼ yì a ghə̀ mpfʉ ə̀ bè bwènsə̀ lù fa pfʉ.

Kəmwetə 22:21

Bobo Yesò ndiʼi ətɨm ə jùŋə ghə̀ nə̀ wen a viʼi Nyìngòŋ və tsèm. Amèyn.

Kəmwetə 3:14

Ghə̀ bè gàʼ à mò la, “Nyòʼo à ntsɨ̀ŋ ə̀ ngə̀ŋ ə̀ Nyìngòŋ yì a ghə̀ ə diʼì a ntsèntə̀ viʼi və byɨməvə a Ladesiyà la: Ghèn diʼ ə ntɨm a ghə̀ lu fà wìʼ yì a dzàŋə̀ nə̀ Amèyn, à diʼ ə̀ wen diʼ wu jùŋ yì a diʼì wu yen nəmwèʼè byìʼì Nyìngòŋ. Nyìngòŋ ə̀ nshɨ̀tə no ghò a mbi ə chò fà wen.

Kəmwetə 3:22

No ndò a ghə̀ kiʼì ətiʼitiʼi, ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀ viʼi və byɨməvə.”

Kəmwetə 3:7

“Nyòʼo à ntsɨ̀ŋ ə̀ ngə̀ŋ Nyìngòŋ yì a ghə̀ diʼì a Fìlàdefìyà la: ənyʉ̀ venə gàʼ wìʼ yì a ghə̀ ŋwòʼə̀, diʼ nəmwèʼè be kiʼ kənzàs kə ngə̀ŋ fòyn Devìt a ghə̀ sətsen ə bòʼò kò ndiʼ la wìʼ zi ghə̀ shwìnə̀, be shwìnə̀ ko ndiʼ la zi ghə̀ bòʼò.