Lumans 1:3 - The New Testament in the Babanki language

³ Ntɨm ə jùŋ a ghèn ə gàʼà kumə Wàyn Nyìngòŋ, ə Bobo vəghəŋ Yesò Klistò. Ghə̀ nvi a nse a wìʼ, və bwi wen a ngwaʼ ngə̀ŋ ə Devìt.

Lumans 1:3 Iomraidhean Croise

Matìyò 1:1

Tèntə diʼ təzhiʼ tə vətìʼ Yesò Klistò, wàyn Devìt yì a tìʼì wen ndiʼ Ablaham.

Matìyò 1:16

Jàkob ndìʼ tìʼì Josèf a ghə̀ lu lyɨ̀ Mèli a nə̀ wì wen. Mèli lu bwi Yesò yi a və dzàŋ nə̀ Klistò.

Matìyò 1:6

Jesì ndiʼ tìʼì fòyn Devìt. Devìt ndiʼ tìʼì Sòlomùyn mu ghə̀ mbwi wen wenə wùwì yì a dìʼì wì Yùlayà a mbì,

Matìyò 12:23

No viʼi vətsèm a və ndiʼì tsu sə diʼ nə̀ kaynə ə̀ bèm la, “Wù lè gaʼa ghèn ko diʼ wàyn fòyn Devìt a vəghəŋ tə nkə̀ʼtə̀ lì a?.”

Matìyò 15:22

Wùwì Kanà tsen a ghə̀ ntsi boʼsə tsu vi à Yesò mù sə zɨmə dì gàʼà la,“Kusə nshinsə à mò a Bobo, wàyn fòyn Devìt! Wàyn ghom wùwì yenə ngəʼ no nànto byìʼàndo ghə̀ kiʼi kəzhwì kəbyɨkə.”

Matìyò 26:63

Yesò chiʼ tò la a kùʼ, kətʉ akì mù gàʼ à wen la, “Mà gaʼà à wù la wù gàʼ tò nəmwèʼè a zhiʼ Nyìngòŋ a ghə̀ faŋə̀ tò ghàyn mùʼ. Shə̀ʼtə à yès la wù dìʼ Wìʼ yì a Nyìngòŋ ntsuʼ li ə̀ ghʉ ə wàyn Nyìngòŋ yì mu lo?”

Matìyò 27:43

Ghə̀ choʼsə̀ à Nyìngòŋ be gàʼà la ghə̀ dìʼ wàyn wen. Vəghəŋ yen lì la Nyìngòŋ la gyàmtə̀ wen luwèn lo.”

Matìyò 3:17

Tò a zhʉ a ghèn, gɨ fʉ vì fa kàŋ ə gàʼ la,“Ghèn diʼ wàyn kòŋ mò, mà saŋlə byìʼì wen nə̀ kwoŋ.”

Matìyò 9:27

Yesò ə nlu li ə bè sə dyʉ̀, viʼi və shɨfkəvə vətsenəvə mu sə dyʉ̀ tò a wenə a bàm, və bò, dzàŋ gàʼa tò la, “Kusə shɨnsə a yès a Wàyn Fòyn Devìt!”

Ŋwàʼlə̀ Luk 1:35

Ntsɨŋ ngə̀ŋ Nyìngòŋ yì bwènsə̀ gàʼa a wen la “Kəzhwì kəŋwoʼkə ne shiʼi a wu kətʉ, kədyòʼ kə Nyìngòŋ kə chiʼitə wu no tsèm. Kə la diʼi la wàyn a ghèn ne to və dzàŋ wen la wàyn Nyìngòŋ.

Ŋwàʼlə̀ Luk 1:69

Ghə̀ kuli mbwòŋsə̀ ghoʼo a vəghəŋ à diʼ wù ngwaʼa ngə̀ŋ Devìt, wù shə wen,

Joyn 1:14

Ntɨm Nyìngòŋ na ghèn ə kaʼkə li sə diʼ wìʼ, ə vi tsitə a vəghəŋ a ntìntìn. Yès ə yen li kədyòʼ kə kaynəkə ə wen, kədyòʼ a ghə̀ kiʼi to nə̀ wàyn Nyìngòŋ a ghə̀ diʼ to əmùʼ li. Ghə̀ nlù fa ben ə Bobo ə vi kiʼi kusə nshinsə no mwènmwèn nə̀ no tèbe a ghò yi a ghə̀ diʼ nəmwèʼè kumə Nyìngòŋ.

Joyn 1:34

Ma diʼ mu ma yen li kənyʉ̀ na kènkə ando kə fʉ, ə sə shə̀ʼtə̀ a ghə̀ŋ la wìʼ na ghèn diʼ wàyn Nyìngòŋ.”

Joyn 1:49

Nàtanyèl ə mu gàʼ la, “ndìʼsə̀ wu diʼ wàyn Nyìngòŋ, wù diʼ Fòyn a viʼi Islel!”

Joyn 10:30

Yo Tiʼi ghom diʼ to kənyʉ̀ kə mùʼ.”

Joyn 10:36

a lu be kwitə no ndò to ando Bobo sə diʼ mù ghə̀ ntsuʼli mò a wen a wù ə ntɨm a mbyi a? Kə le diʼ alə̀, ghə̀ŋ sə be ghamə mò a gho gaʼa la mà telə Nyìngòŋ, byìʼì ando ma gàʼa la ma diʼ wàyn wen a?

Joyn 20:28

Tòmos ə toŋtə wen ə gàʼ la, “Bobo ghom, Nyìngòŋ ghòm!”

Joyn 20:31

Və nyoʼ kènkə alə ndiʼ ghə̀ŋ zhʉ̀, ə byɨmə la Yesò diʼ to no Klistò, ə Wàyn Nyìngòŋ, əbyɨmə ə na ghenə nè, ghə̀ŋ kiʼi ntsìnə̀ yì a ghə̀ ko lu mè a wen a əzhiʼ.

Joyn 5:25

Ma gaʼa a ghə̀ŋ tò no nəmwèʼè la kətsi kə sə boʼsə vi, ma gàʼ alì mu kə diʼ mu boʼsə li, viʼi vyi a və diʼi to nə̀ viʼi və pfʉkəvə zhʉ gɨ wàyn Nyìngòŋ, alì no ndò yi a ghə̀ ne zhʉ gɨ wen ghə̀ ne tsi.

Joyn 7:42

A Ŋwàʼlə̀ Nyìngòŋ gàʼ la Klistò lu fʉ̀ fa ngwaʼ ngə̀ŋ ə Fòyn Devìt, la və lu bwi wen a Betə̀lèhem a ntə̀ʼ nə̀ Devìt?”

Shwèʼ 2:30

Devìt ə̀ ndìʼ nshə̀ʼtə̀ ghoʼo Nyìngòŋ mu Nyìngòŋ nzhɨ li məkàyn wenə̀ wen la ghə̀ lu ŋwʉʼsə wù ngwaʼa ngə̀ŋ wen à wen a kəfwoyn.

Shwèʼ 3:13

Nyìngòŋ a vətìʼ və vəghəŋ və mbì a ndiʼì Ablaham, Izìk nə̀ Jàkob ə nkuʼsə li wù shyèʼ wen Yesò yì a ghə̀ŋ ə̀ nghaʼa wèn ə̀ kù à viʼi ə̀ bè mo wen a shɨ Bilate no tè ando Bilate nghʉ li la yì a mòʼtə wen ə ghə̀ dyʉ̀.

Shwèʼ 8:36

Vəwenə sə jèʼè dyʉ̀ ə dyʉ̀ zaʼa a kəshi kətsenkə, ə̀ yèn mu, wù shwèʼ yì gàʼ à Filib la, “Yen mu a shèn a, ale zì à taʼsə no gho luwèn la kə mà shi mu a?”

Shwèʼ 9:20

mù zìtə̀ lù fa tsu dyʉ̀ a aloʼ ntsèntə̀sə ə̀ shə̀ʼtə̀ ntɨm jùŋ byìʼì Yesò gàʼà la, “Ghə̀ dìʼ Wàyn Nyìngòŋ.”

Lumans 1:9

Ma jɨ̀mə̀ a ghə̀ŋ to məzhʉ̀ ə ntsèm. Nyìngòŋ ghèn a ma shyèʼ a wen nə̀ ətyɨm ə ghomə no tsèm, shə̀ʼtə̀ ntɨm ə jùŋ kumə Wàyn, ghə kɨ kənyʉ̀ kenkə a ma gàʼ lə̀.

Lumans 4:1

Vəghəŋ zizi və gàʼ la gho luwen byìʼì Ablaham ə tìʼ vəghəŋ a?

Lumans 9:3

Ma zizi mà ə kòŋ la Nyìngòŋ ə telə mo, ko mà be ə kiʼi kənyʉ̀ kətsen kə ə ne yo Yesò byìʼì vəlemə vwomə. Ma gaʼa vəlemə vwomə, viʼi lòʼ ə yès. Ma zi mà ə kòŋ ə lè azhʉ̀ a kə zi kə a gyamtə la vəwenə bwòŋ.

Lumans 9:5

Vətiʼi və vəwenə ə ndiʼ viʼi Nyìngòŋ. Yesò no nə̀ wenə wen ə nvi a nse to nə̀ wù əloʼ vəwenə. Nyìngòŋ ə ndiʼ a kətʉ kə əfo ə tsèm, viʼi diʼ ə nkuʼsə wen to məzhʉ̀ ə tsèm. Amèyn.

1 Kolìntyàns 1:9

Nyìngòŋ ə ghʉ̀ no tèbe ghò, ghə̀ ne to ando ghə̀ yi ghʉ. A diʼ wen a ghə̀ dzàŋ ghə̀ŋ la ghə̀ŋ ndiʼ vye və Wàyn wen ə Bobo vəghəŋ Yesò Klistò amuʼ.

1 Kolìntyàns 10:18

Ghə̀ŋ yen viʼi Islel a! Vəwenə ə ngə̀tə̀ kəfo kì a və kù a kwi kəbaŋ kəku ə zhɨ̀, kə sə diʼi la vəwenə tsentə li wenə və Nyìngòŋ.

Gàlesìyà 4:4

Əzhʉ lu kuʼ kwʉ̀ʼ, Nyìngòŋ ə tɨm Wàyn wen. A mbwi wùwì bwi wen, ghə̀ kwi kuʼ a tyi Əsoʼ viʼi Jus,

1 Tèsàlonyà 1:10

Vəwenə be ə shə̀ʼtə̀ ando ghə̀ŋ kəʼtə la Wàyn Nyìngòŋ lù bwenə vi fa akàŋ. Wàyn Nyìngòŋ na ghèn diʼ Yesò mu ghə̀ ə nè li ghə̀ lù fa pfʉ. Ghə̀ bwoŋsə li vəghəŋ la kə Nyìngòŋ lù kù ngəʼ a vəghəŋ a kətsi kə nsòʼ.

1 Timotì 2:5

Kə diʼ a jì a ghèn byìʼì ando Nyìngòŋ ə diʼ tò mùʼ, wìʼ ə bè dìʼ tò muʼ a viʼi ə cho fa wen, dyʉ̀ a Nyìngòŋ. Wìʼ a ghèn ə diʼ Yesò Klistò.

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

2 Timotì 2:8

Kwòʼtə̀ Yesò Klistò. Ghə̀ nfʉ̀ fa ngwaʼ ə ngə̀ŋ ə̀ Devìt. Nyìngòŋ ə lusə li wen fa ə pfʉ, a diʼ ntɨm ə jùŋ yi a ma shə̀ʼtə̀.

1 Joyn 1:3

Yès ə gàʼà ənyʉ̀ a ghə̀ŋ a diʼi ənyʉ̀ a yès ə yen li ə bè zhʉ ndi vəghəŋ ə ntsèntə̀ diʼ a kənyʉ̀ kə mùʼ vəghəŋ və Tìʼ bènə̀ Wàyn wen ə Yesò Klistò.

1 Joyn 3:23

Əsoʼ ə Nyìngòŋ aghenə diʼ la vəghəŋ byɨmə a zhiʼ ə̀ wàyn wen ə Yesò Klistò, ə̀ bè nkòŋmə̀ təwen tə vəghəŋ tò ando ghə̀ gàʼà.

1 Joyn 3:8

A ə nè tè ndò nè mbyɨ mu ghə̀ dìʼ wù Deblə̀, byìʼàndo Deblə̀ ə ne li mbyɨ fa kənzìtə. Kənàʼ kə kənyʉ̀ a wàyn Nyìngòŋ ə̀ mvi a mbi dìʼ la ghə̀ mvi əbyɨsə təshyèʼ tə Deblə̀.

1 Joyn 4:15

A byɨmə tè ndò ə̀ be nshə̀ʼtə̀ la Yesò dìʼ Wàyn Nyìngòŋ mu ghə̀ dìʼ wenə̀ Nyìngòŋ a kənyʉ̀ kə mùʼ.

1 Joyn 5:1

No ndò a ghə̀ byɨmə la Yesò dìʼ Klistò mu wìʼ ayì dìʼ wàyn Nyìngòŋ. No ndò a ghə̀ kòŋə̀ tìʼ ə bè kòŋə wàyn a tìʼ ayì ə kiʼi.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

1 Joyn 5:5

A zì a zhɨ ndo ə̀ zhɨ mbi əchò wìʼ a ghə̀ byɨmə la Yesò dìʼ wàyn Nyìngòŋ a?

2 Joyn 1:7

Viʼi ndzɨ̀ŋsə no vəghoʼo ə fʉ li sə jèʼè tò mbi tsèm à diʼ viʼi a və ko byɨmə la Yesò ə mvi li a nse a wèn ə wìʼ. Nki wìʼ ayi diʼ wù ndzɨ̀ŋsə be diʼ wù kəbàyn ə̀ Klistò.

Kəmwetə 2:18

Nyòʼo à ntsɨŋ ngə̀ŋ Nyìngòŋ a ghə̀ ə diʼì ntsèntə̀ viʼi və byɨməvə a Tatiliyà la: Ghèn dìʼ ə ntɨm a ghə̀ lù fà wàyn Nyìngòŋ yì a ashɨ wen ə bàŋə̀ to nə̀ kəlwàŋ kə zhìʼ, aghʉ wen ə so to nə̀ kəkas a və buŋsə̀ a chɨ.