Lumans 1:26 - The New Testament in the Babanki language

²⁶ A le kənyʉ̀ ki a kə nè Nyìngòŋ ə kyemə vəwenə ati nyʉ̀ ə tʉ diʼvə a vəwenə ə kòŋ ə nè. Ki vəwenə bwensə li sə tsi nə̀ vətsevə. Ko kə yi ndiʼ ə ndiʼ ali.

Lumans 1:26 Iomraidhean Croise

Lumans 1:24

A lə kənyʉ̀ ki a kə nè Nyìngòŋ ə kyemə vəwenə ati təkwòʼtə̀ tə byɨtə ə vəwenə a ghèn, vəwenə sə nè nyʉ̀ ə fwaʼlə və nə̀ təwen tə vəwenə, byɨbsə təwen tə vəwenə.

Lumans 1:28

Ando vəwenə tyenli əbyɨmə Nyìngòŋ, ghə̀ moʼtə li vəwenə a ntìntìn kwoʼtə ə nəkwoŋ ə vəwenə a ghèn, vəwenə sə kumə tsì, ne nyʉ̀ a və ko kwʉʼʉ.

1 Kolìntyàns 6:9

Kə le diʼ la ghə̀ŋ ko kɨ la viʼi vyi a və ko diʼ viʼi kənyʉ̀ kətɨməkə ko lu zhɨ̀ tebè kəshi kəfoyn ə Nyìngòŋ mu? Kə wìʼ na ə lobtə wèn ə wen. Viʼi vyi a və tsi nə̀ ki kò wenə lʉ̀mə, a ko kiʼi vəwenə, nə̀ viʼi a və kùʼsə nshəʼsə kò viʼi a və kwaʼ əsoʼ ə làm nə̀ lʉ̀mə vyi a və bwensə tsì nə̀ vətsevə,

Efisyàns 4:19

Vəwenə maʼa li təwen tə vəwenə ə sə tsi to nə̀ bʉ̀sə, ko andiʼ la və be diʼsə kətʉ, kwetə tèbe nki nyʉ̀ fwaləvə kò ne dyʉ̀ to dyʉ̀, ntsìnə̀ ayi ə fwomə dyʉ̀ to ambì.

Efisyàns 5:12

A diʼ nyʉ̀ ə kətʉ̀ kədiʼkə ə̀ ngàʼà no tèbe gaʼa kumə nyʉ̀ vyi a viʼi nyʉ̀ ə byɨvə a venə ə nè a kənlyomtə.

1 Tèsàlonyà 4:5

Kə Wìʼ a ku wenə wen a nyʉ̀ njòsə wèn to nə̀ viʼi vyi a və ko kɨ kənyʉ̀ ki a Nyìngòŋ əkəŋ la kə və lu nè.

1 Timotì 1:10

Və shɨtə à viʼi vyi a və tsi nə̀ ki, a ko diʼ ki vəwenə, nə̀ lyʉmə, a ko diʼ vəlɨm və vəwenə, ə bè shɨtə a lyʉmə vi a və kaʼsə tsi nə̀ lyʉmə vətsenvə, nə̀ viʼi vyi a və tsòŋ viʼi baʼlə̀, nə̀ viʼi kənwam, nə̀ nchò nsoʼ sə kənlobtə̀, nə̀ vi a və nè no te ghò ə tsen a əziʼi nəmwèʼè ə tensə.

Ŋwàʼlə̀ Jud 1:10

Alì viʼi venə ə sə gàʼà nyʉ̀ byɨvə kumə nyʉ̀ vyi a vəwenə ə zhʉ, ko və lu kɨ. Vəwenə kwoʼtə ənyʉ̀ to nə̀ nyamsə tətòʼ, a diʼ nyʉ̀ a venə a və byɨsə vəwenə.

Ŋwàʼlə̀ Jud 1:7

Ghə̀ŋ be kwòʼtə̀ loʼ Sodòm nə̀ loʼ Gòmolyà nə̀ tə loʼ tə tsen titə a tə mboʼsə təloʼ a tentə. Ghə̀ŋ lyɨ̀ a kəchʉtə to ando viʼi loʼ a venə ə tsì to tsì a nyʉ̀ byɨvə ə vəwenə wenə ki, lyʉmə be tsi nə̀ lyʉmə. Nyìngòŋ mbyibsə li vəwenə nə̀ zhiʼ ndi kə ndiʼ a nə̀ kəchʉtə kə a viʼi vətsenvə və la Nyìngòŋ lu soʼ ə byɨbsə vəwenə nə̀ zhiʼi a ghə̀ ko lu mè.