Lumans 1:23 - The New Testament in the Babanki language

²³ Vəwenə lyɨ̀ li əkuʼsə yì a və diʼ ə kuʼsə Nyìngòŋ yi a ghə̀ fàŋ to aghayn mùʼ ə sə boŋsə ku a nshəʼsə mu və shɨtə nə̀ avu, və sə fʉsə̀ viʼi, be fʉsə̀ mənyinə nə̀ nyamsə nə̀ əfo ə ŋaŋləvə.

Lumans 1:23 Iomraidhean Croise

Shwèʼ 10:12

Andìʼ a tì ndisə ayì, nyamsə diʼ tsu tò tənkì tətsèm,nə̀ fo ŋaŋləvə bènə̀ mənyinə

Shwèʼ 17:29

Ando vəghəŋ diʼì vunə Nyìngòŋ, vəghəŋ ko diʼ nlyɨ̀ la Nyìngòŋ diʼ kəfo a wìʼ ŋwʉʼʉ ghə̀ kwòʼtə ə̀ ti no tè nə̀ nki kəkas kə kò, ko ghə̀ tsɨf a ngùʼ.

Lumans 1:25

Vəwenə byɨmə li dzɨŋ ə boŋsə tensə kənyʉ̀ ki a kə diʼ kənyʉ̀ nəmwèʼè kumə Nyìngòŋ, ə se kuʼsə Vənyìngòŋ və ndzɨ̀ŋsə. Vəwenə moʼtə li Nyìngòŋ yi a ghə̀ diʼi nəmwèʼè ə sə boŋsə kuʼsə be gumlə əfo mu à shɨtə Nyìngòŋ ali ko və kuʼsə tebè Nyìngòŋ yi a ghə̀ shɨtə əfo a vi, a diʼ wen yi a və diʼi və nkuʼsə no to wen no məzhʉ̀ ntsèm! Amèyn.

1 Kolìntyàns 12:2

Ghə̀ŋ kɨli la a ndiʼ ando ghə̀ŋ bo bu ko ghə̀ŋ lu tɨmə diʼ viʼi və byɨməvə, və nlobtə ghə̀ŋ, lyɨ dyʉ̀ nə̀ ghə̀ŋ a nshəʼsə, a və ko gàʼà.

1 Bità 4:3

Ghə̀ŋ sə diʼ mù ghə̀ŋ byɨsə li əzhʉ̀ ə ghoʼo ghə, tsi ntsìnə̀ yì a viʼi vyi a və ko kɨ Nyìngòŋ ə kòŋə. Ghə̀ŋ tə ntsi ətsìnə̀sə kəfwaʼlə, ashɨ a ghəŋə bàŋbàŋ, ghə̀ŋ nyʉ məlʉ̀ʼ bomə, ghə̀ŋ ə dyʉ̀ akəshi kə kəzhɨ, ghə̀ŋ sə nè to nə̀ bʉ̀sə. Ghə̀ŋ tə ə kuʼsə nshəʼsə, ko əsoʼ ə Nyìngòŋ ə byɨmə.

Kəmwetə 9:20

Viʼi vətsenvə vi a ngəʼsə asènsə nko zhwì vəwenə lì, tyen la vəwenə ko a kwitə fà vəwenə mbyɨsə. Vəwenə mfaŋ li sə ghoʼsə̀ tò vədeblə̀ bènə̀ mənyo mì a və shɨtə̀ nə̀ gul nə̀ silva bènə̀ kəkas kətsen a kə bàŋə̀ baŋə, ə̀ shɨ̀tə̀ mətsenə nə̀ ngùʼ, bè shɨ̀tə̀ mətsenə nə̀ nkòʼ, à diʼ ə̀fo və ko yenə shi, ko ə nzhʉ ənyʉ̀ kènla və jèʼè.