Lumans 1:21 - The New Testament in the Babanki language

²¹ Vəwenə kɨ Nyìngòŋ ali ko və kuʼsə tebè wen ando və diʼ ə nkuʼsə, ko və ku tebè kəzòŋ a Nyìngòŋ. Təkwòʼtə̀ tə vəwenə diʼ to təkwòʼtə̀ tə nəkwoŋ, vəwenə ko be kwoʼtə tebè kənyʉ̀ kə nəmwèʼè bɨ̀lə̀ to bɨ̀lə̀.

Lumans 1:21 Iomraidhean Croise

Joyn 3:19

Nyìngòŋ ə lu soʼo viʼi byìʼàndo əbayn ə tə vì a mbyi, viʼi ko kòŋ, ali əkòŋ to kəbəŋ kə fenəkə, byìʼàndo vəwenə ə nè mbyɨsə.

Shwèʼ 26:18

Wù ne bòʼtə ashɨ vəwenə be shìsə vəwenə fà ti mfɨnə̀ ə kwensə a tì bayn. Wù ne nè, vəwenə fʉ fà tì soʼ Satan ə̀ dyʉ̀ à Nyìngòŋ ndi və lyesə kù nyʉ̀ byɨvə vəwenə bè nè vəwenə nkiʼ kəshi a tì nòyn viʼi vi a Nyìngòŋ tsuʼli byìʼì byɨmə yi a vəwenə kiʼ à mò.’

Lumans 1:19

Nyìngòŋ ə fwisə tin a vəwenə byìʼì ando ghə̀ diʼi li no nyʉ̀ ə tsèm vi a vəwenə diʼ ə kɨ kumə wen to a ndayn.

Lumans 1:28

Ando vəwenə tyenli əbyɨmə Nyìngòŋ, ghə̀ moʼtə li vəwenə a ntìntìn kwoʼtə ə nəkwoŋ ə vəwenə a ghèn, vəwenə sə kumə tsì, ne nyʉ̀ a və ko kwʉʼʉ.

Lumans 11:10

Ghə̀ ə gaʼa kwʉ̀ʼsə la ghə̀ kəŋ la, “Nyìngòŋ ə mòʼ kənfyɨf a vəwenə ashɨ, vəwenə ndiʼ ko və lu yen ə̀ shi, la ghə̀ we vəwenə a ngəʼ vəwenə kaʼ ə lu kwaʼkə to a ntìntìn ngəʼ.”

Lumans 15:9

Ghə̀ nvi ndi nè la viʼi ətɨm ə kuʼsə Nyìngòŋ kumə kusə shɨnsə ə wen to ndə̀ŋndəŋ ando və nyoʼo li a Ŋwàʼlə̀ Nyìngòŋ la: “Byìʼì nakèn kə, mà na kuʼsə wù a ntìntìn ə viʼi kətɨm. Mà na zhɨmə ə dzaŋsə kuʼsə zhiʼ ə wu.”

2 Timotì 3:2

Viʼi lu ə ntùʼmə̀ tò nə̀ təwen tə vəwenə, kòŋ ə ko no a nànto, ghaŋsə əwen, ko və lu lyɨ la wùtsen ə diʼ kəfo. Vəwenə lu ə telə̀ viʼi, bè to kətʉ fà vətìʼ vəwenə nə̀ vəlì vəwenə. Vəwenə ko lu nku kəzòŋ à wìʼ byìʼì no kənyʉ̀ kə tyetəkə kətsenkə a wìʼ ə ne à vəwenə, ko mfwàynə̀ Nyìngòŋ.

1 Bità 1:18

Ghə̀ŋ kɨli la Nyìngòŋ ə loʼ li shisə ghə̀ŋ fa ntsìnə̀ ə mu yi a vətiʼi və vəghəŋ ə ntsi. Nyìngòŋ ə nko ə zen ghə̀ŋ nə̀ kəfo kə to nə̀ əko mu ghə̀ zizi ghə̀ byɨf.

1 Bità 2:9

Alì, fa ghə̀ŋ, ghə̀ŋ diʼ viʼi a Nyìngòŋ ə tsuʼ li. Ghə̀ŋ diʼi a nə̀ vəpfèm və ngə̀ŋ Nyìngòŋ, shyèʼè a fòyn. Ghə̀ŋ diʼ viʼi və laynəvə mu Nyìngòŋ ə lyɨ̀ li ghə̀ŋ a viʼi wen ndiʼ ghə̀ŋ ə shə̀ʼtə̀ nyʉ̀ ə kaynəvə vi a ghə̀ nè. Ghə̀ dzàŋə li ə shisə ghə̀ŋ fa a ntìntìn kəbəŋ kəfenəkə ə kwensə ghə̀ŋ a ntìntìn əbayn ə kaynəghə ə wen.

Kəmwetə 14:7

Ntsɨ̀ŋ ngə̀ŋ ə̀ Nyìngòŋ ayì ə̀ nzɨmə̀ gàʼà no a gɨ̀ to la, “Ghə̀ŋ ə̀ nghoʼsə̀ Nyìngòŋ byìʼe əzhʉ kwʉʼ li ə ghə̀ soʼ viʼi. Ghə̀ŋ ghoʼsə̀ wen yì a ghə̀ ə̀ nshɨ̀tə̀ kaŋ nə̀ nse nə̀ ə̀mu mə ghoʼomə̀ bènə̀ ashɨ a mu nfʉ fa tsu.”

Kəmwetə 15:4

Tìʼ, a lè à faŋ ndo ke mfànə̀ be ghoʼsə̀ əzhiʼ ə̀ wu a? Adìʼ tò wunyɨŋ diʼ wu ŋwòʼə. Viʼi təloʼ tə tsèm ə lù vi ghoʼsə̀ wù byìʼàndo viʼi vətsèm ə yen li a ndayn la əshyèʼ wu diʼ əshwèʼ ə tɨməghə.”