Lumans 1:1 - The New Testament in the Babanki language

¹ A nyòʼò mò Bol nyòʼò ŋwàʼlə̀ ghèn. Ma diʼ wu ə shwèʼè ə Yesò mu à tsuʼ Nyìngòŋ tsuʼ mo a wù ə ntɨm, ə ghʉ̀ la mà ə nshə̀ʼtə̀ ntɨm ə jùŋ ə Nyìngòŋ.

Lumans 1:1 Iomraidhean Croise

Ŋwàʼlə̀ Mak 1:14

A ndìʼ ando və nwè Joyn a mfɨŋ, Yesò bwènə̀ kuʼ dyʉ̀ a Galìlì sə shə̀ʼtə̀ ntɨm jùŋ Nyìngòŋ tsu,

Joyn 12:26

No ndo sətsen ə nshyèʼ a mò, mu ghə̀ diʼ ə dzɨ̀mtə̀ ghom diʼ yowù ə shwèʼè ə mò ne diʼ to akəshi kə mùʼ. Tìʼ ghom ə na ku əmoʼtə a wìʼ yi a ghə̀ shyèʼ a mò.”

Joyn 15:15

Mà ko be toŋtə tebè ghə̀ŋ luwen la viʼi ə shyèʼ byìʼàndo wu ə shwèʼ ko nə̀ kɨ kənyʉ̀ kì a tì shyèʼ wen nə̀ nè. Ma toŋtə ghə̀ŋ luwen la doŋ shomsə byìʼàndo mà shə̀ʼtə li nyʉ̀ vyi a mà zhʉ fa Tìʼ ghom a ghə̀ŋ no ətsèm.

Joyn 15:20

Kə ghə̀ŋ lyesə kənyʉ̀ ki a mà tə ziʼi a ghə̀ŋ la, ‘wù ə shwèʼ ko tɨmə chò tìʼ shyèʼ wen.’ Vəwenə sətsen ə ndi mu vəwenə ə ntsuʼ li kəghʉ ə kòmkə, vəwenə be a ntsuʼ kənkə to ndə̀ŋndəŋ. Vəwenə sətsen ə ndiʼ mu vəwenə ə zhʉtə əziʼi ə ghomə, vəwenə be a zhʉtə əziʼi ghəŋə to alì.

Shwèʼ 13:9

Kəzhwì kə ŋwòʼəkə lwin a tyɨm Saul a zhiʼ wen bè ndìʼ Bol, ghə̀ ki dyʉ̀sə̀ nə̀ wù shəŋə fənyoʼ yì tò fəchìʼ,

Shwèʼ 20:24

A kòŋ à cho tè ghò nə̀ mò, mà diʼi myètə shwèʼ yi a Bobo Yesò tə kù la mà ə nè. Shyèʼ ayi diʼ la mà shə̀ʼtə̀ ntɨm jùŋ byìʼì boŋə tyɨmə a Nyìngòŋ kìʼ a viʼi.

Shwèʼ 21:40

Kətʉ kə vəsugyèʼ kì ku ji, Bol tɨmə a nsəʼsə əkuʼ a kəbəŋ ayì ə chìʼ viʼi nə̀ kəvu kəwenkə. Vəwenə nè chɨmə mè no a zhʉ̀ kò, ghə̀ gàʼ à vəwenə a gaʼà Hibùlù la:

Shwèʼ 22:21

Bobo bè gàʼ à mò tò la, ‘Lu, byìʼàndo ma tɨm wù no kəghaf à viʼi tɨm.’”

Shwèʼ 22:7

Mà fəŋ a nse ə̀ zhʉ̀ ando wìʼ toŋtə̀ mò ə ngaʼ la, ‘Saul, Saul, wù tsuʼu kəghʉ komkə alə̀ byìʼì ghò?’

Shwèʼ 26:1

Aglibà gàʼ à Bol la, “Və ku li kəshi à wù la wù gàʼ kənyʉ̀ byìʼì wen wu.” Bol tsòʼsə̀ kəvu kə wen a kàŋ ə̀ zìtə̀ əgàʼ ndi gyàmtə̀ wenə wen la:

Shwèʼ 26:14

Yès fəŋkə a nse tò vətsèm, mà zhʉ ando gɨ̀ ə gàʼà à mò a gaʼa Hibùlù la, ‘Saul, Saul, wù tsuʼu kəghʉ komkə alə̀ byìʼì ghò? Wù zhuŋsə wen ə wu tò kədyàŋ gàʼà la wù soynə mò.’

Shwèʼ 27:23

Mà gàʼà alə̀ byìʼàndo à tə ndiʼ nəntʉʼʉ lan, ntsɨ̀ŋ ngə̀ŋ Nyìngòŋ yì a ghə̀ kiʼì mo a be diʼ wen a mà kuʼsə̀ vì à mò,

Shwèʼ 9:15

Bobo gàʼ à Ananyàs la, “Dyʉ̀ tò dyʉ̀ byìʼàndo ma tsuʼ li wen la ghə̀ shyèʼ à mò ə nè la viʼi tɨm nə̀ təfòyn tə bènə̀ viʼi Islel, kɨ mo.

Lumans 1:16

Ma diʼ nə̀ saŋlə byìʼì ntɨm ə jùŋ a ghèn ando ghə̀ diʼi kədyòʼ ki a Nyìngòŋ ə̀ bwòŋsə viʼi və byɨməvə tsu no və tsèm. Ghə̀ bwoŋsə viʼi və byɨməvə, zìtə̀ nə̀ viʼi Jus a ambì, kùmtə̀ nə̀ viʼi ətɨm.

Lumans 1:5

Nyìngòŋ ə kiʼi ətyɨm ə jùŋə a mò ə ghʉ̀ mò a wù ə ntɨm la mà njèʼè shə̀ʼtə̀ ntɨm ə jùŋ kuʼsə Yesò ndi viʼi zhʉ ə byɨmə to təloʼ tə tsèm. Ghə̀ ne alə̀ chò fa a Yesò Klistò.

Lumans 1:9

Ma jɨ̀mə̀ a ghə̀ŋ to məzhʉ̀ ə ntsèm. Nyìngòŋ ghèn a ma shyèʼ a wen nə̀ ətyɨm ə ghomə no tsèm, shə̀ʼtə̀ ntɨm ə jùŋ kumə Wàyn, ghə kɨ kənyʉ̀ kenkə a ma gàʼ lə̀.

Lumans 11:13

Mà sə gaʼa a ghə̀ŋ viʼi ətɨm luwen. Ghə̀ŋ kɨli la ma diʼ wù ə ntɨm a Nyìngòŋ ə tsuʼ la mà ə̀ shə̀ʼtə̀ kənyʉ̀ kə wen a ghə̀ŋ, ma diʼ nə̀ saŋlə kumə ə shwèʼè na ghenə.

Lumans 15:16

Ghə̀ nè la mà ə̀ diʼ wù ə shwèʼè ə Yesò Klistò, shyèʼ a viʼi ətɨm. Ma shyèʼ to nə̀ pfem ə ngə̀ŋ Nyìngòŋ, shə̀ʼtə̀ ntɨm ə jùŋ Nyìngòŋ a viʼi ətɨm kə diʼ alə̀ to nə̀ kəku a Nyìngòŋ, kəzhwì kə Ŋwoʼkə shʉ̀ laynsə vəwenə, nè la Nyìngòŋ be shi kəku a kì nə̀ saŋlə ghə̀.

Lumans 15:29

Ma kɨli la ma sə nvi ghayntə ghə̀ŋ ə Yesò tsentə bwaʼsə vəghəŋ no nànto.

Lumans 16:18

Tənki tə viʼi na tèntə ə ko shyèʼ a Bobo vəghəŋ Yesò. Vəwenə kəŋ to ə nə̀ nè nyʉ̀ vyi a və nfwomə a vəwenə. Vəwenə gàʼa nyʉ̀ ə fwoməvə to ə lobtə viʼi vyi a və ko shɨtə kɨ nyʉ̀.

Lumans 16:25

Əkuʼsə ə dyʉ̀ a Nyìngòŋ. Ghə̀ kiʼi kədyòʼ ə ne la ghə̀ŋ ə tò a ghə̀ŋ əbyɨmə to ndə̀ŋndəŋ ando ntɨm ə jùŋ yì a ma shə̀ʼtə̀ kumə Yesò Klistò ə ngàʼa. Ghə̀ nè li vəghəŋ kiʼi ntɨm ə jùŋ na ghèn, mu ghə̀ ə nlyomtə li fa viʼi vətsenvə no fa kəgaf,

1 Kolìntyàns 1:1

A nyòʼò mò Bol nyòʼò ŋwàʼlə̀ ghèn. A tsuʼ Nyìngòŋ ntsuʼ mo fa wen a kòŋ la mà ndiʼ wù ə ntɨm ə Yesò Klistò. Ma nyòʼò ŋwàʼlə̀ ghèn yo lèmə̀ vəghəŋ Sòstinìs.

1 Kolìntyàns 9:1

Ma diʼ no wù ə ntɨm, diʼ fa mo a ngəŋ. Kə lə diʼ la ma nkò ə yen Yesò ə Bobo vəghəŋ mu? Ghə̀ŋ bwin kəvu kəshyèʼ mò ashɨ Bobo?

2 Kolìntyàns 1:1

A nyòʼò mo Bol ə wù ə ntɨm ə Yesò Klistò mu à ntsuʼ Nyìngòŋ ntsuʼ mo fa wen a kòŋ. Ma nyoʼo ŋwàʼlə̀ ghèn a ntsèntə̀sə viʼi Nyìngòŋ vyi no vətsèm a və tsi a Kolìn, be nə̀ a ghə̀ŋ viʼi Nyìngòŋ vyi a ghə̀ŋ tsi ashə Akayà no vətsèm. Ma diʼ yo Timotì ə lèmə̀ ə vəghəŋ a byɨmə.

2 Kolìntyàns 11:5

Viʼi ntɨm a venə a ghə̀ŋ ghʉ la à diʼ no viʼi ntɨm və to və lə̀ ə ko chò mò no te kənyʉ̀ kətsen.

2 Kolìntyàns 11:7

Kə le diʼ la mà tə shiʼsə wen ghomə ne ghə̀ŋ, ghə̀ŋ sə kuʼmə ə nshə̀ʼtə̀ ntɨm ə jùŋ ə Nyìngòŋ a ghə̀ŋ, ko ma bèmə̀ tebè kəfo, a diʼ mbyɨ mu?

2 Kolìntyàns 12:11

Ma yi gàʼa to nə̀ kəkoynkə mu a ndiʼ mu à ten ghə̀ŋ la mà ngàʼà alì. Ma bwomsə li wenə ghomə, mu a yi ndiʼ kəshi ə kəŋkə̀ ghə̀ŋ bwomsə mò, ghə̀ŋ faŋ kò ghə̀ lə bwomsə. Ma ko kwʉ̀ʼ ə tèbe a kənyʉ̀ ali viʼi ntɨm venə a və lyɨ la və kuʼmə no nànto ə ko chò tebè mò no fa mpfen.

2 Kolìntyàns 2:12

Andiʼ ando mà nvi zaʼa a Tɨ̀luwàs sə shə̀ʼtə̀ ntɨm ə jùŋ byìʼì Yesò, ma yen la Nyìngòŋ ə sə diʼ mù ghə̀ boʼtə li ji la mà shə̀ʼtə̀,

2 Kolìntyàns 4:5

Ghə̀ŋ ə kɨ la, yès zhʉsə nshə̀ʼtə̀ ntɨm ə jùŋ a ghèn, ko yès nə nshə̀ʼtə̀ kumə təwen tyetə. Yès ə shə̀ʼtə̀ to la Yesò Klistò diʼ Bobo, yès ə be ku wenə yèsə a viʼi shyèʼ a ghə̀ŋ byìʼì wen.

Gàlesìyà 1:1

A nyòʼò mò Bol nyòʼò ŋwàʼlə̀ ghèn. Ma diʼ wù ə ntɨm ko andiʼ la à ghʉ viʼi. A ko tsuʼ wìʼ tsuʼ mo. A tsuʼ Yesò Klistò wenə Nyìngòŋ ə Tìʼ yi a ghə̀ nlùsə wen fa pfʉ ntsuʼ mo la ma ndiʼ wù ntɨm.

Efisyàns 1:1

A nyòʼò mò Bol nyòʼò ŋwàʼlə̀ ghèn a ghə̀ŋ viʼi Nyìngòŋ vyi a ghə̀ŋ ti a ghə̀ŋ əbyɨmə a Yesò Klistò, tsi a Efesùs. Ma diʼ wù ə ntɨm ə Yesò Klistò mu à tsuʼ Nyìngòŋ fa wenə kòŋ.

Efisyàns 1:13

Nyìngòŋ ə shisə li ghə̀ŋ viʼi Efesùs ə bwòŋsə̀ ghə̀ŋ chò fa a Yesò ando ghə̀ŋ zhʉ ntɨm ə jùŋ yì a ghə̀ diʼi nəmwèʼè ə byɨmə. A ndiʼ ando ghə̀ŋ mbyɨmə, ghə̀ chʉ̀tə̀ ghə̀ŋ nə̀ Kəzhwì kə Ŋwoʼkə kì a ghə̀ ə nghʉ̀,

Efisyàns 4:11

A ndiʼi wen yi a ghə̀ ə ku məku. Ghə̀ ntsuʼ viʼi vətsenvə ə ghʉ̀ a viʼi ntɨm, ə tsuʼ vətsevə ə ghʉ̀ a nshə̀ʼtə̀sə ghoʼkəsə, ghə ntsuʼ vətsevə ə ghʉ̀ la və ə nshə̀ʼtə̀ kənyʉ̀ kə Nyìngòŋ to ashi ashi ə be tsuʼ vətsevə la və ə ndiʼ nshə̀ʼtə̀sə ngə̀ŋ Nyìngòŋ ə tsuʼ vətsevə a ndìʼsə̀sə.

Filìbàyns 1:1

A nyòʼò mò Bol yo Timotì nyoʼo ŋwàʼlə̀ ghèn, yes diʼ viʼi əshwèʼ ə Yesò Klistò. Yes nyòʼò a ghə̀ŋ vyi a ghə̀ŋ kù li təwenə tyəŋtə a Nyìngòŋ a Filìbay no və tsèm ə sədiʼ ghə̀ŋ və Yesò Klistò. Yes ə nyoʼo tamə a ghə̀ŋ ə tʉtʉ ngə̀ŋ Nyìngòŋ nə̀ viʼi və shyèʼ və.

Filìbàyns 2:11

No tè ndò be ə ngàʼà a ndayn la Yesò Klistò dìʼ Bobo gàʼà a lì, ghoʼsə̀ Nyìngòŋ a diʼì Nyìngòŋ ə̀ Tìʼ.

Kòlòsyàns 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə ntɨm ə Yesò Klistò mu à tsuʼ Nyìngòŋ ando ghə̀ nghʉ. Yo Timotì lèmə̀ vəghəŋ a byɨmə toŋtə ghə̀ŋ.

Kòlòsyàns 1:25

Nyìngòŋ be tsuʼ mo a wù ə shwèʼ a viʼi və byɨmə ə Klistò. Əshwèʼè a ghənə diʼ la mà shə̀ʼtə̀ mwetə ntɨmə Nyìngòŋ na ghèn a ghə̀ŋ.

1 Tèsàlonyà 2:2

Ghə̀ŋ kɨ li la a ndiʼ mibu yès vi a Tèsàlonikà mu yès ə yen li ngəʼ no nànto, və be telə yès no nànto a ntə̀ʼ Filìbay. Nyìngòŋ ə vəghəŋ nè la yès shə̀ʼtə̀ ntɨm ə jùŋ a ghə̀ŋ mu ghə̀ lù fa Nyìngòŋ no nə̀ ətyɨm ə to ghə̀, no tèbe ando viʼi ə ko ə kòŋ ə zhʉtə.

1 Tèsàlonyà 2:8

Yes ə shə̀ʼtə̀ ntɨm ə jùŋ a ghə̀ŋ mu à ku Nyìngòŋ, be ku təwen ə tyetə a ghə̀ŋ, byìʼì ando yes ə kòŋ ghə̀ŋ no nànto.

1 Tèsàlonyà 2:9

Vəlemə, ghə̀ŋ kɨli ando yes ə nshyèʼ no nə̀ kədyoʼkə. Yes ə nshyèʼ nə̀nchwì shyèʼ nətʉʼ ndi kə ghə̀ŋ faŋ nlè kəfo a yes a kətʉ ando yes ə shə̀ʼtə̀ ntɨm ə jùŋ na ghèn a ghə̀ŋ a Nyìngòŋ ə ku la yes ə shə̀ʼtə̀.

1 Timotì 1:1

A nyòʼò mò Bol, nyòʼo ŋwàʼlə̀ ghèn mu à tsuʼ Nyìngòŋ wenə Yesò Klistò ntsuʼ mo la mà ə ndìʼ wù ə ntɨm ə̀ Yesò Klistò. A dìʼ Nyìngòŋ yì a ghə̀ mbwòŋsə̀ vəghəŋ fa mbyɨsə wenə Yesò Klistò yì a vəghəŋ ə kə̀ʼtə̀ wen, kɨ nəmwèʼè la ghə̀ vì.

1 Timotì 2:7

Və ntsuʼ mò byìʼì kənyʉ̀ a kenkə a nə̀ wù ə ntɨm la mà shə̀ʼtə̀ kənyʉ̀ kə Nyìngòŋ bè ziʼi viʼi ətɨm nə̀ kənyʉ̀ ki a kə diʼi nəmwèʼè. Kənyʉ̀ kənkə a ma gàʼà lə ə diʼ tò no nəmwèʼè. Mà ko wamə wamə.

2 Timotì 1:11

Nyìngòŋ ə ntsuʼ mò la mà ə ndiʼ wù ə ntɨm, shə̀ʼtə̀ ntɨm ə jùŋ a ghèn, bè ziʼi viʼi.

Taytùs 1:1

A nyòʼo mò ə Bol ə nyòʼo ŋwàʼlə̀ ghèn. Mà dìʼ wù shyèʼ ə̀ Nyìngòŋ be diʼ wù ntɨm ə̀ Yesò Klistò. Və̀ ntsùʼ mo ə̀ tɨ̀m la mà gyamtə nè la byɨmə viʼi vi a Nyìngòŋ ə ntsuʼ li ə nto, ə be nè la vəwenə nkɨ jì nəmwèʼè yì a ghə̀ nè la viʼi ntsi a ji yì a Nyìngòŋ ə kəŋə.

Hibùlù 5:4

Kənyʉ̀ kətsen kə ə be diʼ la wìʼ zizi ko ghə̀ lu tsuʼ wenə wen a pfèm ə ngə̀ŋ Nyìngòŋ ə ŋaŋtə a nə̀ shwèʼ kuʼmə ghə̀ na yi. A ntsuʼ to Nyìngòŋ to ndə̀ŋndəŋ ando ghə̀ ə ntsuʼ Alòyn.

Hibùlù 7:26

A diʼ to Yesò ə pfèm Nyìngòŋ ə ŋanŋtə yì a ghə̀ kwʉ̀ʼ li ə gyàmtə̀ vəghəŋ. Ghə̀ laynə kwʉ̀ʼ, ko ndiʼ la ghə̀ kiʼi kənyʉ̀ a və zizi və gham ə wen tsu, ko ndiʼ la ghə̀ kiʼi mbyɨ, mu Nyìngòŋ ə shisə li wen fa ntìntìn viʼi nyʉ̀ ə byɨvə ə kuʼsə ghʉ̀ wen akàŋ a kəkɨ kə ghoʼo kə.

Jems 1:1

A nyòʼò mò ə Jems ə wù shyèʼ ə̀ Nyìngòŋ wenə̀ Bobo Yesò Klistò nyòʼò ŋwàʼlə̀ ghèn: Mà toŋtə̀ viʼi Islel vəbyɨməvə no vətsèm a və saykə li ə̀ ndyʉ̀ a tyì mbyi.

1 Bità 4:17

Kə diʼ alə̀ byìʼì ando zhʉ̀ kʉʼʉ li a Nyìngòŋ a soʼ mbi, ghə̀ diʼ ə zìtə̀ nə̀ viʼi wen. Ghə̀ lə sətsen ndiʼ boŋsə zìtə̀ ə soʼ vəghəŋ a ambì, kə lə na ndiʼ ale a viʼi a və ko byɨmə ntɨm ə jùŋ a?

2 Bità 1:1

A nyoʼo mò Saymun Bità nyoʼo ŋwàʼlə̀ ghèn. Ma diʼ wù ə shwèʼè ə Yesò Klistò be diʼ wù ə ntɨm ə wen. Ma nyoʼo ŋwàʼlə̀ na ghèn a ghə̀ŋ vi a ghə̀ŋ byɨmə li a Yesò Klistò to nə̀ yes. Əbyɨmə na ghenə ə boŋə a ghə̀ŋ to ndə̀ŋndəŋ ando ghə̀ bòŋə a yès. Yesò Klistò ə ne vəghəŋ kiʼi əbyɨmə na ghenə byìʼì ando ghə̀ diʼi wu kənyʉ̀ kətɨməkə. Ghə̀ diʼ Nyìngòŋ ə vəghəŋ mu ghə̀ mbwòŋsə̀ li vəghəŋ fa mbyɨsə.

Ŋwàʼlə̀ Jud 1:1

A nyòʼò mò Jud ə lèmə̀ Jems ə nyòʼtə̀ ŋwàʼlə̀ ghèn a ghə̀ŋ. Mà diʼ wù ə shwèʼè ə Yesò Klistò. Ma nyòʼò ŋwàʼlə̀ ghèn a ghə̀ŋ a vəlemə və jùŋ və vyi a və ndzàŋ li ə shisə, ghə̀ŋ sə tsi a tyì əkòŋ Nyìngòŋ Tìʼ, Yesò Klistò ə sə lye ghə̀ŋ.

Kəmwetə 1:1

Ŋwàʼlə̀ ghèn dìʼ byìʼì ənyʉ̀ a Yesò Klistò ə̀ ndìʼi a ndayn. Nyìngòŋ ə̀ nku ənyʉ̀ avenə la ghə̀ diʼ à viʼi shwèʼ ə wen ənyʉ̀ vyi a və sə̀ laʼtə̀ ə fʉ̀. Klistò ə̀ ne Joyn kɨ ənyʉ̀ avenə chò fà ntsɨ̀ŋ ə̀ wen a ghə̀ ntɨmə̀ à Joyn.

Kəmwetə 22:6

Ntsɨŋ Nyìngòŋ ayi ə mu gàʼ a mò la, “Ənyʉ̀ venə a mà gàʼa lə ne diʼ to no nəmwèʼè, kwʉ̀ʼʉ̀ ando no ndo byɨmə. Bobo Nyìngòŋ yi a ghə̀ kù kəzhwì kə wen a nshə̀ʼtə̀ sə ghoʼsə tɨmə Ntsɨŋ Nyìngòŋ la ghə̀ diʼ nyʉ̀ vyi a və sə kəŋ ə fʉ̀ a viʼi və shyèʼ və nə̀ Nyìngòŋ ndiʼ vəwenə nə̀ kɨ.”

Kəmwetə 22:9

Alì ghə̀ gàʼ a mò la, “kə wù mwomsə! Ma shyèʼ a Nyìngòŋ ə to nə̀ wù nə̀ vəlemə vyə, mu à le nshə̀ʼtə̀ sə ghoʼsə nə̀ viʼi və tsèm vi a və zhʉ ə wʉ̀ nyʉ̀ vyi a və diʼi a ŋwàʼlə̀ ashə. Wu gumlə to Nyìngòŋ!”