Kòlòsyàns 4:2 - The New Testament in the Babanki language

² Ghə̀ŋ ne njɨ̀mə̀ to jɨ̀mə̀, kə ghə̀ŋ a bwaʼ, ku kəzòŋ a Nyìngòŋ.

Kòlòsyàns 4:2 Iomraidhean Croise

Filìbàyns 4:6

Kə tətyɨm ə təŋtə a lɨmə kənyʉ̀ kətsenkə, alì ghə̀ŋ ə njɨ̀mə̀ tò jɨ̀mə̀ loynə no tè ghò a ghə̀ŋ ə kəŋə fà Nyìngòŋ. Ghə̀ŋ sə nloynə ghə̀ŋ ə nku kəzòŋ à Nyìngòŋ.

Efisyàns 6:18

Ghə̀ŋ sə ne nyʉ̀ a venə, ghə̀ŋ ə njɨ̀mə̀ a Nyìngòŋ to məzhʉ̀ ə tsèm, ando kəzhwì kə wen kə ə tisə ghə̀ŋ. Jɨ̀mə̀ la Nyìngòŋ gyamtə ghə̀ŋ no gho a ghə̀ŋ kəŋ. Ghə̀ŋ ə̀ tùʼmə̀, kə wìʼ ne ə lyesə ə jɨ̀m. Ghə̀ŋ mbe ə njɨ̀mə̀ a viʼi Nyìngòŋ no və tsèm.

Lumans 12:12

Ghə̀ŋ saŋlə kumə nyʉ̀ vyi a ghə̀ŋ kɨ la və diʼ ambì. Ngəʼsə nvi a ghə̀ŋ, ghə̀ŋ wensə to wensə be jɨ̀mə̀ to məzhʉ̀ ə tsèm.

Matìyò 26:41

Ghə̀ŋ ntsi kə̀ʼə̀ be jɨ̀mə̀ ndi la kə mwòmsə̀ à vì à ghə̀ŋ. Mà kɨ la tətyɨm təŋtə kòŋə̀ ənè kənyʉ̀ a mà gàʼà alì təwen təŋtə bwaʼa.”

Ŋwàʼlə̀ Luk 18:1

Yesò bè mò tò mu ngàyn tsen à ndzɨ̀mtə̀ sə bàm wen ə ziʼi vəwenə la vəwenə diʼi jɨ̀mə̀ tò məzhʉ tsèm, kò ve lù bwaʼa.

Ŋwàʼlə̀ Luk 21:36

Ghə̀ŋ ŋwʉʼ no məzhʉ̀ tsèm bvʉ̀tə tò bvʉ̀tə be jɨ̀mə̀ la Nyìngòŋ ku kədyòʼ ghə̀ŋ cho fa tyì nyʉ̀ no tsèm a və lu nfʉ̀ tò nə̀ bwaʼmə ə tɨmə a kəshi kə nsoʼ ashɨ Wàyn Wìʼ.”

1 Bità 4:7

Ghə̀ŋ ə shɨtə ghaʼa təwen ətəŋtə be bvɨtə ə njɨ̀mə̀ byìʼì ando kəmwetəkə mbi kə boʼsə li.

Kòlòsyàns 1:9

Kənyʉ̀ na kènkə ənè li, yès sə jɨ̀mə̀ to jɨ̀mə̀ a ghə̀ŋ fa achʉʼ a yès əzhʉ, loynə la Nyìngòŋ ə ku ətof ə be ne ghə̀ŋ nzhʉ kɨ nyʉ̀ ə tsèm vi a kəzhwì kə Ŋwoʼkə ne viʼi kɨ ndiʼ ghə̀ŋ kɨ mwetə kənyʉ̀ ki a ghə̀ kəŋ.

Ŋwàʼlə̀ Mak 13:33

Ghə̀ŋ ntùʼmə̀ be bvʉ̀tə̀ byìʼàndo ghə̀ŋ ko kɨ zhʉ a nyʉ̀ avenə lu lyɨ kəshi.

Kòlòsyàns 3:17

Ghə̀ŋ nè no tèbe ghò, kò ghə̀ŋ gaʼa gaʼa, ghə̀ŋ gàʼa to a azhiʼ Bobo Yesò, ku kəzòŋ a Nyìngòŋ, ə Tìʼ chò fa wen.

Kòlòsyàns 2:7

Ghə̀ŋ we aghaŋ, be bwom wenə ghə̀ŋ ghə̀ to a wen. Ghə̀ŋ bwòm ntsìnə̀ ə ghəŋə a wen a wen ando və bwomə ngə̀ŋ akwi kəchɨ kə ngə̀ŋ kə jùŋə kə, shɨtə ghaʼ byɨmə yi a və tə ziʼi a ghə̀ŋ, ghə̀ŋ a to dyʉ̀ to nə̀ mbì. Ghə̀ŋ a lwin ne ku kəzòŋ a Nyìngòŋ no nànto.

Kòlòsyàns 4:12

Èbafàlàs yi a ghə̀ diʼi tamə wù ənòyn ə ghə̀ŋ, be diʼ wù ə shwèʼè a Yesò Klistò gaʼa li la mà toŋtə ə ghə̀ŋ. Ghə̀ zhʉsə jɨm no zhʉ̀ko, ghə̀ sə kwoʼtə ghə̀ŋ a wen a jɨ̀m no akayn, sensə la Nyìngòŋ ə nè ghə̀ŋ faŋ to ati əbyɨmə ghə̀ŋ, ə kwi tsù, ə shɨtə kɨ be ne nyʉ̀ ə tsèm vi a ghə̀ kəŋ.

Kòlòsyàns 3:15

Ghə̀ŋ moʼtə mbwaʼmə yì a Yesò ku ghə̀ tisə təkwòʼtə̀ təŋtə, ə dzàŋ ghə̀ŋ la ghə̀ŋ fʉ̀ vi ə diʼ a wenə ə mùʼ, kiʼi mbwaʼmə be ku kəzòŋ a wen.

Shwèʼ 1:14

A ndìʼ a lì, vəwenə nghoʼo zhùŋtə̀ əjɨ̀m a ntsèntə̀ wenə̀ ki vətsenvə nə̀ Mèli ə lì Yesò bènə̀ vəlèmə̀ və wen.