Joyn 9:16 - The New Testament in the Babanki language

¹⁶ Viʼi Falàsi vətsenvə gàʼ la, “Wìʼ a ghèn ko diʼ wù ə Nyìngòŋ byìʼàndo ghə̀ ko bamə tebè kətsi kə tʉʼ lòʼ.” Alì vətsevə sə gàʼa la wù nyʉ̀ ə byɨvə zizi ko ghə̀ lu ə nè nyʉ̀ kaynə və alə. Nò zhʉ̀ko, kəngəsə kə fʉ̀ a və wenə a ntìntìn.

Joyn 9:16 Iomraidhean Croise

Matìyò 12:10

wutsen diʼ tsu mu kwoŋ wen tsenghə pfʉ li. Viʼi vətsenvə sə kəŋ jì ə ghàm Yesò mù bèm à wen la, “Soʼ lè byɨmə la və chʉʼ wìʼ a kətsi kəzhʉtəkə mu ghə̀ ko byɨmə lo?”

Matìyò 12:2

Və Falàsi vətsenvə nè yen sə gàʼà à Yesò la, “Yen kənyʉ̀ a ndzɨ̀mtə̀sə bàm wù sə nè a kətsi kəzhʉtəkə a, soʼo yes ə ko byɨmə a lì.”

Ŋwàʼlə̀ Luk 13:14

Alì kətʉ kə ngə̀ŋ ntsentə a kyì sə fwisə tin fambwo Yesò nchʉʼ wìʼ a kətsi kəzhʉ̀tə kə vəwenə mù gàʼ à viʼi la, “Mətsi mə shyèʼ diʼi ntʉfə a woŋ mpfen, ghə̀ŋ a kətsi kəzhʉ̀tə kə.”

Joyn 10:19

Ghə̀ ngaʼa ali, viʼi Jus vyi ə be zìtə̀ kəgumə to a vəwenə a ntìntìn.

Joyn 14:11

Ghə̀ŋ byɨmə ando mà gàʼa la, yo Tìʼ diʼ to kənyʉ̀ kə mùʼ, a bwen ali, ghə̀ŋ byɨmə lì to no byìʼì nyʉ̀ ə kaynəvə vyi a ghə̀ŋ yèn li.

Joyn 15:24

A tə ndiʼ la mà ko ə nè nyʉ̀ a vəwenə a ghə̀ŋ ntìntìn, ko andiʼ la wìʼ ə tɨmə nè, mu kə diʼi la vəwenə nè li mbyɨ ando kə diʼi luwen. Luwen ə sə diʼ mù vəwenə yen li nyʉ̀ ə kaynə və venə ali be bàynə̀ mò to bàynə̀ boʼsə nə̀ Tìʼ ghom.

Joyn 2:11

Wokenkə ndiʼ mbì kənyʉ̀ kəkaynəkə a Yesò ə ne a ntə̀ʼ Kanà a loʼ Galìlì, ə diʼ kədyòʼ kə wen. Ndzɨ̀mtə̀sə bàm ə wen sə mu byɨmə ə wen.

Joyn 3:2

Ghə̀ ə vi li a Yesò nə̀ ntʉʼ ə tsen ə gaʼa a wen la, “Ndìʼsə̀, yès ə kɨli la wù diʼ ndìʼsə̀ a ghə̀ lu fa Nyìngòŋ byìʼì wìʼ ko diʼ a ghə̀ zizi ghə̀ nè nyʉ̀ ə kaynə venə a wù ne lə̀ a bwen la Nyìngòŋ diʼ wenə wen.”

Joyn 5:10

Tʉtʉ viʼi Jus vətsevə ə nyen li, ə wen mu gàʼ a wen la, “Layn diʼ ə Chʉʼ lòʼ, Əsoʼ ə ko byɨmə la wù ə jèʼe chò nə̀ ghamə.”

Joyn 5:36

Ma kiʼi nchwò nsòʼ, ghə̀ chò Joyn. Nchwò nsòʼ na ghèn diʼi nyʉ̀ vyi a Tìʼ ku li la mà ə nè. A diʼ kəwenkə a kə diʼi làynsə la à tɨm Tìʼ ntɨm mo.

Joyn 6:52

Yesò ə gàʼa alì, kənyʉ̀ a kì kə zaf viʼi Jus na vi, vəwenə kəŋkə̀ no nànto ə bèm la, “Wìʼ ghèn ə gàʼ la ghə̀ zizi ghə̀ ku wen ə wen a ale la vəghəŋ zhɨ a nə̀ fozhɨvə a?”

Joyn 7:12

Andiʼ ali, viʼi diʼ tsu no to kədə̀ŋ, nyoʼtə nyoʼtə gàʼa kumə wen. Vətsevə gàʼ la, “Ghə̀ diʼ no wù ə jùŋ.” Vətsevə tensə gaʼa la, “ghə̀ jèʼè lobtə viʼi to kədyàŋ.”

Joyn 7:23

Və sətsen ə ndiʼ mu və zizi və shətə wàyn a tʉʼ lòʼ ndi lwinsə Əsoʼ ə Mosìs, ghə̀ŋ sə be fwisə tyin tò ando mà chʉ wìʼ a kətsi kə chʉʼ lòʼ byìʼì ghò?

Joyn 7:43

Ando və gàʼa tsu li, kəngəsə kə fʉ̀ kumə Yesò.

Joyn 9:24

Vəwenə na be nkumtə dzàŋ wen ə gàʼ a wen la, “Kàynə li zhiʼ ə Nyìngòŋ la wù gàʼa to nəmwèʼè. Yès ə kɨ la wìʼ ghèn diʼ wu nyʉ̀ ə byɨvə.”

Shwèʼ 14:4

Viʼi vi a və ndìʼ a ntə̀ʼ ayì sə kiʼi kəngə̀sə̀, viʼi vətsenvə tɨmə a bàm viʼi Jus, vətsenvə tɨmə a bàm viʼi ntɨm Yesò vi.