Joyn 8:6 - The New Testament in the Babanki language

⁶ Vəwenə ə mbèmə ali, mwòmsə la Yesò gaʼa ə shwè, vəwenə kiʼi kənyʉ̀ ə ghamə wen fa tsu. Alì, Yesò ə laŋtə a nse ə sə nyòʼtə fo ə wen a kəbyìʼ nə̀ nyì kəvu.

Joyn 8:6 Iomraidhean Croise

Matìyò 10:16

“Ghə̀ŋ ə kɨ la ma tɨmə ghə̀ŋ alə̀, ghə̀ŋ dìʼ ə dyʉ̀ ə ndiʼ to nə̀ byisə njɨ̀ a ntìntìn nyamsə kəbo. Kə diʼ la ghə̀ŋ kiʼ ə tofə to nə̀ zhusə alì bè mbwaʼmə to nə̀ làto.

Matìyò 15:23

Kò Yesò lù gàʼ kənyʉ̀ a wen. Ndzɨ̀mtə̀sə bàm wen sə vì a wen mù sə sensə̀ wen gàʼà la, “Dzɨ̀mə̀ wen fa vəghəŋ a bàm. Ghə̀ jèʼè zɨmə alə̀ chiʼsə̀ tiʼitiʼi viʼi.”

Matìyò 16:1

Viʼi Falàsi bènə̀ Vəsadùsis vətsenvə vì à Yesò sə kəŋə jì əghaʼ wen fa tsu mù gàʼ la ghə̀ ne kənyʉ̀ kə kaynə kə kətsen kə ədìʼ kəchwitə la kədyòʼ kə wen kə lù fà Nyìngòŋ.

Matìyò 19:3

Və Falàsi vətsenvə vì ə zhʉtə chʉ wen mù bèm à wen la, “No kənyʉ̀ kətsenkə bè dìʼ à vəghəŋ a soʼ a kə gàʼà la wìʼ zì ghə̀ dzɨ̀m wì wen tsu ando ghə̀ kòŋə̀?”

Matìyò 22:18

Yesò kɨ mənàŋ mì a vəwenə nkwiʼi mù gàʼ à vəwenə la, “Ghə̀ŋ viʼi kəmbɨ̀lə̀ venə! ghə̀ŋ zhʉtə̀ chʉ̀ ghomə byìʼì ghò?

Matìyò 22:35

Wìʼ muʼ fà vəwenə a ntìntìn, andìʼ ndìʼsə̀ soʼ mwòmsə̀ Yesò bèm à wen la,

Matìyò 26:63

Yesò chiʼ tò la a kùʼ, kətʉ akì mù gàʼ à wen la, “Mà gaʼà à wù la wù gàʼ tò nəmwèʼè a zhiʼ Nyìngòŋ a ghə̀ faŋə̀ tò ghàyn mùʼ. Shə̀ʼtə à yès la wù dìʼ Wìʼ yì a Nyìngòŋ ntsuʼ li ə̀ ghʉ ə wàyn Nyìngòŋ yì mu lo?”

Ŋwàʼlə̀ Mak 10:2

Və Falàsi vətsenvə vì əzhʉtə chʉ wen mù bèm à wen la, “Soʼo lè byɨmə la wìʼ dzɨ̀mə̀ wì wen a?”

Ŋwàʼlə̀ Mak 12:15

Yesò yèn ə̀ kɨ̀ la vəwenə yi mbɨ̀lə̀ bɨ̀lə̀ əbèm kənyʉ̀ a kèn mù bèm à vəwenə la, “Ghə̀ŋ zhʉtə̀ chʉ̀ ghomə byìʼì ghò? Ghə̀ŋ lyɨ ko kəkas vì dìʼ à mò mà yen à.”

Ŋwàʼlə̀ Mak 3:2

Viʼi ghʉ ashɨ a wèn Yesò əyen la ghə̀ a chʉʼ wìʼ ayì a kətsi kə zhʉtəkə ndi vəwenə kiʼi jì ghàmə̀ wen lo.

Ŋwàʼlə̀ Mak 8:11

Və Falàsi vətsenvə vì à Yesò ə̀ zìtə̀ sə soʼtə̀ nyʉ̀ wenə̀ vəwenə, kuʼsə̀ jì əghaʼa wen tsu, mù gàʼ à wen la ghə̀ ne kənyʉ̀ kə kaynəkə kətsenkə a nə̀ kəchwitə ədìʼ la kədyòʼ kə wen kə lù fà Nyìngòŋ.

Ŋwàʼlə̀ Luk 10:25

Ndìʼsə̀ soʼ tsen tɨmə a kàŋ sə mwòmsə Yesò ə̀ bèm la,“Ndìʼsə̀, ma nè no ghò ndi kiʼi bwòŋ yi a ghə̀ ko lu mè lì?”

Ŋwàʼlə̀ Luk 11:16

Viʼi vətsen və tò nòyn ayì sə kəŋ jì əkuʼsə ghaʼ Yesò fa tsu mù gàʼ à Yesò la ghə̀ nè kənyʉ̀ kə kaynə kətsenkə a nə̀ kəchʉtə ədìʼ la kədyòʼ kə wen kə lù fa Nyìngòŋ.

Joyn 8:2

Ətʉʼ ə be ne sə laynə mu ghə̀ sə be diʼ a kəbəŋ kə ngə̀ŋ Nyìngòŋ, viʼi vì ŋwʉʼtə ə kaʼsə a wen a ben, ghə̀ shiʼi nyʉ̀ʼmə ə sə ziʼi vəwenə.

1 Kolìntyàns 10:9

Vəghəŋ ə ko diʼ ə mwomsə Bobo ando vəwenə vətsenvə ə mwomsə, kənyʉ̀ na kì kə ne, zhusə lɨmlə ə zhwilə vəwenə.