Joyn 8:31 - The New Testament in the Babanki language

³¹ Yesò ə ngaʼa li a viʼi Jus vyi a və byɨmə a wen la, “Ghə̀ŋ sətsen ghaʼ ziʼi ə ghomə mu ghə̀ŋ lutə diʼ to no ndzɨ̀mtə̀sə bàm ə mo.

Joyn 8:31 Iomraidhean Croise

2 Joyn 1:9

A ndyʉ̀ tè ndò nə̀ mbì, ə faŋ ke ntsi ando əziʼi Klistò ə gàʼà, mu ghə̀ ko diʼ wenə Nyìngòŋ. A ntsi tè ndò ando əziʼi ayi gàʼà dìʼ wenə Nyìngòŋ be diʼ wenə wàyn.

2 Timotì 3:14

Alì fa wù, faŋə mbyɨmə tò nəmwèʼè yi a və tə ziʼì wù tsu li. No wù ə nkɨ ndìʼsə̀ shi a sə tə ziʼì wù nə̀ kənyʉ̀ a kenkə.

Jems 1:25

No ndò a ghə̀ zhʉ soʼo Nyìngòŋ a diʼi ngesə̀ soʼ a ghə̀ shìsə̀ viʼi fa mbyɨsə bènə̀ fa pfʉ, ə̀ faŋ ə nè ando ə̀soʼ ayi ə kəŋ mu Nyìngòŋ ne bwaʼsə wen no a gho yì a ghə̀ nè. Nki wìʼ aghèn ko zhʉtə̀ kənyʉ̀ kə Nyìngòŋ tò zhʉtə̀ alì ghə̀ mwòmsə̀ ə nghʉ a kəne.

1 Timotì 4:16

Wù tùʼmə̀ nə̀ wen ə wu, be tùʼmə̀ nə̀ jì yi a wù ziʼi viʼi fatsu. Wu sətsen ə ne tò alə, ə Nyìngòŋ ə bwòŋsə wù, bè bwòŋsə no viʼi vi a wù ziʼi.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

Hibùlù 3:14

Vəghəŋ sətsen tɨmə to a vəghəŋ a əbyɨmə ə ti to ando vəghəŋ ə mbyɨmə fa ambì ə sə ti ə zàʼa fa kəmwètə, a ne diʼ la vəghəŋ diʼ to no vəghəŋ və Yesò nəmwèʼè.

Shwèʼ 14:22

ə tomsə viʼi vəbyɨməvə la vəwenə nghaʼa tyɨmə a vəwenə a byɨmə. Vəwenə bè gàʼ la, “Vəghəŋ diʼi chò fa tì ngəʼsə no sə ghoʼo mibu kwen a kəshi kə fòyn Nyìngòŋ.”

1 Joyn 2:24

Ghə̀ŋ ne la kənyʉ̀ kì a ghə̀ŋ ə̀ nzhʉ fa kənzìtə faŋ à ghə̀ŋ a tətyɨm. Kənyʉ̀ kì a ghə̀ŋ ə nzhʉ fa kənzìtə sətsèn ə̀ fàŋ à ghə̀ŋ ə tətyɨm mu ghə̀ŋ a ndiʼ a kənyʉ̀ kə mùʼ vè və Wàyn wenə̀ Tìʼ.

Lumans 11:22

Ghə̀ŋ kɨ la Nyìngòŋ ə tùʼmə̀ nə̀ viʼi ali, əsoʼ ə wenə to tò ali. Əsoʼ ə wenə ə to a viʼi vyi a və ə wʉ̀sə ji ə tɨmə, ali ghə̀ tùʼmə̀ nə̀ ghə̀ŋ azhʉ̀ a ghə̀ŋ zhʉ̀ tò fa wen, a bwen ali, ghə̀ be a maʼa ghə̀ŋ.

Lumans 2:7

Nyìngòŋ ə lu ku əbwòŋ yì a ghə̀ ko lu mè a viʼi vyi a və ghaʼa tyɨm ati shwèʼè ə jùŋ ghə̀, kəŋ to la ghə̀ ku əghoʼ a vəwenə nə̀ zhiʼ ə jùŋ ghə̀. Viʼi a vyi lu kiʼi əbwòŋ a ghèn nə̀.

Matìyò 24:13

No ndò a ghə̀ sətsèn lù wensə nyʉ̀ avenə əzaʼa kəmwètə lu bwoŋ.

Joyn 8:36

Sətsen Wàyn Wìʼ shisə wù fa kəkòs, mù wù li mù bwòŋ.

Joyn 6:55

byiʼàndo əwenə ghomə diʼ to no nkàyntə̀ kəfo kə zhɨkə, mənlyuŋ ə mwomə diʼ no nkàyntə̀ kəfo kə nyʉ̀ kə.

Shwèʼ 13:43

Viʼi nè gə̀sə̀ fà ngə̀ŋ ntsèntə̀ yì, viʼi Islel dzɨ̀mtə̀ dyʉ̀ nə̀ Bol wenə̀ Balnabas no vəghoʼo. Vəwenə ndìʼ wenə̀ viʼi tɨm vətsenvə a və kwitə li sə diʼ tò nə̀ viʼi Jus. Bol wenə̀ Balnabas sensə viʼi a vyi la vəwenə ghʉ tətyɨm tə vəwenə ntsi tò a ti boŋə tyɨm Nyìngòŋ.

1 Joyn 2:19

Viʼi kəbàyn ə̀ Klistò avenə mfʉ tò fà vəghəŋ ə ntìntìn alì tətyɨm tə vəwenə nko lutə̀ su dìʼ vəghəŋ vəwenə. Tətyɨm tə vəwenə tu ndiʼ vəghəŋ və vəwenə mu vəwenə tə fàŋ vəghəŋ və vəwenə. Alì vəwenə tə mfʉkə ndi ədìʼ a ndayn la vəghəŋ və vəwenə ko diʼ a kənyʉ̀ kə mùʼ.

Hibùlù 8:9

Məkàyn a mèyn ko be lu ndiʼ to nə̀ myimə a ma ə nzhɨ̀ yo vətiʼi və vəwenə a tʉʼ a ma ə nfʉsə vəwenə fa loʼo ə Ijìb. Vəwenə nko ə jèʼ fa ji yi a məkàyn a mèyn ə nkəŋ byìʼì Wokèn kə, ma nyaŋ vəwenə. A gàʼa mò Bobo.

1 Timotì 2:15

Alì Nyìngòŋ lu bwòŋsə no te wùwì ko a ghə̀ bwi vunə, a zhʉ a ghə̀ nkwiʼ ətyɨm ə faŋ ə nto tò to a wen a byɨmə bè kòŋ viʼi vətsenvə bè tsi ntsìnə̀ yi a ghə̀ ko kiʼ məghàm. Ghə̀ diʼ ə ne ənyʉ̀ a venə nə̀ ətof.

Joyn 1:47

Yesò yen to ando Nàtanyèl ə vi ə gàʼ la, “A diʼ to no nkàyntə mbwìnə̀ Islel a ghə̀ vi lə. Ghə̀ gàʼa to nəmwèʼè.”

Shwèʼ 26:22

alì Nyìngòŋ ngyàmtə̀ mò ə kuʼ ə zaʼa lan, mà sə ti a shə̀ luwèn a nə̀ wu yenə əshə̀ʼtə̀ nyʉ̀ venə à viʼi vətsèm, a viʼi vətyetəvə nə̀ vəghoʼkəvə. Kənyʉ̀ a ma gàʼà bè dìʼ tò ndə̀ŋndəŋ kənyʉ̀ a Mosìs bènə̀ nshə̀ʼtə̀sə səghoʼkəsə ndìʼ mu vəwenə shə̀ʼtə̀ li la kə lu chò.

Joyn 2:2

Andìʼ ali, mu və be boŋ ə laʼa lam a ghenə a Yesò wenə ndzɨ̀mtə̀sə bàm ə wen.