Joyn 8:12 - The New Testament in the Babanki language

¹² Yesò ə ne be sə ngaʼa a viʼi Falàsi ə gàʼ la, “Ma diʼ əbayn mbyi. No ndo a ghə̀ dzɨ̀mtə̀ mo, mu ghə̀ a kiʼi əbayn a wen a ntsìnə̀, ko ghə̀ ə be a njèʼ fa kəbəŋ kəfenəkə”.

Joyn 8:12 Iomraidhean Croise

Matìyò 5:14

Ghə̀ŋ dìʼ tò nə̀ baynə à viʼi mbyì. Ntə̀ʼ a ghə̀ diʼi a kwi pfen zì kò ghə̀ lu lyòmtə̀.

Ŋwàʼlə̀ Luk 2:32

Bayn yì a ghə̀ a diʼ jì wu a viʼi a və ko kɨ Nyìngòŋ, be vì nə̀ kuʼsə a viʼi vyə a loʼo Islel.”

Joyn 12:35

Yesò ə mu gàʼ a vəwenə la, “Ghə̀ŋ na bo kiʼi əbayn to a fəshinə fə zhʉ̀ alə. Ghə̀ŋ ə jèʼè, shì ə bo baynə, kə kəbəŋ kə fenəkə na tyin ghə̀ŋ. Wìʼ ə jèʼe a kəbəŋ kə fenəkə, ko ghə̀ lu yenə la ghə̀ dyʉ̀ fè lo?

Joyn 12:36

Ghə̀ŋ byɨmə əbayn, ghə̀ bo diʼ a ghə̀ŋ a ntìntìn ndiʼ ghə̀ŋ ndiʼ vunə əbayn.” Yesò ə gàʼa nyʉ̀ venə alə ə nyɨŋ dyʉ̀ lyòmtə̀.

Joyn 12:46

Mà vi a mbyi to nə̀ əbayn ndiʼ wìʼ faŋ kò ghə̀ lə be ndiʼ a kəbəŋ kə fenəkə, mu ghə̀ byɨmə li a mò.

Joyn 14:6

Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu.

Joyn 3:19

Nyìngòŋ ə lu soʼo viʼi byìʼàndo əbayn ə tə vì a mbyi, viʼi ko kòŋ, ali əkòŋ to kəbəŋ kə fenəkə, byìʼàndo vəwenə ə nè mbyɨsə.

Joyn 7:17

No ndò a ghə̀ kòŋ ə ne kənyʉ̀ a Nyìngòŋ ə kəŋ, mu ghə̀ na yen əkɨ la ziʼi ə ghomə lù fa Nyìngòŋ mu ma ziʼi to kənyʉ̀ ə komkə lò.

Joyn 9:5

Ma diʼ ə ne nku əbayn a viʼi mbyi ə zàʼa to ando mà bo diʼ a mbyi.”

Shwèʼ 13:47

A lè kənyʉ̀ a Bobo gàʼa li ə̀ nku a soʼ à yès. Ghə̀ ngàʼa li la: ‘Mà nè la ghə̀ŋ ndiʼ bayn à viʼi tɨm ndi no viʼi vətsèm a mbi bwoŋ byìʼì ghə̀ŋ.’”

Shwèʼ 26:23

Vəwenə nlù gàʼ la, Wìʼ yì a Nyìngòŋ ntsuʼ li ə̀ ghʉ diʼi yenə ngəʼ ə pfʉ be ndiʼ mbì wìʼ əlù fa pfʉ əshə̀ʼtə̀ à Vəjew bènə̀ viʼi tɨm la və zì və bwoŋsə vəwenə, na kènkə ndìʼ to a nə̀ baynə à vəwenə.”

2 Bità 2:17

Ndìʼsə̀sə dzɨŋ a sensə ə diʼ to nə̀ ashɨ məghòm azhʉ̀ mə zɨmə. Vəwenə nə̀ diʼ to nə̀ mboʼsə a zhʉ̀ a təfwof tə totə nə̀ tenə chò. Nyìngòŋ ə sə diʼ mù ghə̀ shɨtə li kəshi a vəwenə, kə fenə to la lèm.

2 Bità 2:4

Ghə̀ŋ kɨli la Nyìngòŋ ə nko ə faŋ ke ə ku ngəʼ no tèbe a ətsɨŋsə wèn shisə a sə nè li mbyɨ. Ghə̀ ə mòʼo li shiʼsə nə̀ vəwenə akəshi kəbyɨkə ə kwiʼ ghàŋtə vəwenə a kəbəŋ kə fenəkə, vəwenə sə tsi to tsu kəʼtə kətsi kə nsòʼ.

1 Joyn 1:6

Vəghəŋ sətsèn ə ngàʼà la vəghəŋ dìʼ a kənyʉ̀ kə mùʼ vəghəŋ və Nyìngòŋ alì jèʼè a mfɨnə̀ mu vəghəŋ ə zhò ndzɨ̀ŋ be diʼ kò vəghəŋ ə lu ntsi ntsìnə̀ nəmwèʼè.

Ŋwàʼlə̀ Jud 1:13

Viʼi a venə ə diʼ to nə̀ əsɨŋ a mù a mə bwìnkə̀ a ti a mù mə ghoʼo mə. To ando mu nə̀ bwìnkə̀, tenə fo ə byɨvə shisə a wen a mù. A diʼ to ndə̀ŋndəŋ to ando nyʉ̀ ə byɨvə ə və wenə fʉ̀kə̀ a ndayn. Vəwenə ə diʼ to nə̀ mədzɨ̀ŋ a mə tenə viʼi a kù, diʼ mù Nyìngòŋ ə moʼtə li kəshi kə fenə to la lèm la mə faŋ tsu to ghayn əmùʼ.

Ŋwàʼlə̀ Jud 1:6

Ghə̀ŋ kwoʼtə ətsɨŋsə Nyìngòŋ shisə a vəwenə moʼtə kəshi kì a Nyìngòŋ ə nku a vəwenə, ə chò kədyòʼ kì a vəwenə ə nkiʼ ali Nyìngòŋ ə nè, və kwiʼ vəwenə nə̀ məkwinkwinə to ghayn əmùʼ ə moʼ a kəbəŋ kəfenəkə vəwenə sə diʼ tsu kə̀ʼtə̀ to kətsi kə nsoʼ kə ghoʼo kə ə Nyìngòŋ.

Kəmwetə 21:24

Viʼi təloʼ tə tsèm lu nə̀ jèʼe əbayn na ghenə, tə təfòyn tə mbi tə tsen əghoʼ ə vəwenə ə vi nə̀ kəwenkə tsu.