Bìoball air-loidhne

Joyn 6:2 - The New Testament in the Babanki language

² ghə̀ sə ndyàŋə̀, ə nòynə ə viʼi və tsenəvə ə dyàŋ fa wen abàm, to kədə̀ŋ byìʼàndo vəwenə ndiʼ mu və yen li nchwisə nyʉ̀ ə kaynə və vyi a ghə̀ nè viʼi və kwaʼkəvə, və to.

Faic an caibideil Dèan lethbhreac

dol air ais ⬆

Joyn 6:2
19 Iomraidhean Croise

Matìyò 12:15

Yesò nè kɨ̀ kənyʉ̀ a viʼi Falàsi mbaʼtə̀ ənè nə̀ wen, ə̀ lù fa kəshi ayì. Ngwàʼà wìʼ boʼsə wen, ghə̀ chʉʼ viʼi a və nkwaʼkə̀ fà vəwenə a ntìntìn no vətsèm,

Faic an caibideil

Matìyò 13:2

Viʼi no vəghoʼo vì tɨ̀mə kaʼa wen. Ghə̀ yen a lì ə̀ kwen dyʉ̀ ə̀ ŋwʉʼʉ ati nkànuʼ viʼi a vyi tɨmə a mbyɨ̀ à mù.

Faic an caibideil

Matìyò 14:14

Andìʼ a zhʉ a Yesò mfʉ a wèn à mù ghə̀ yèn nòyn viʼi no ghoʼo ə̀ kusə nshinsə à vəwenə mù sə̀ chʉʼʉ viʼi vəkwaʼkəvə a və ndiʼì à vəwenə a ntìntìn.

Faic an caibideil

Matìyò 8:1

A ndìʼ ando Yesò mbwènə̀ shiʼi fa kwi pfen, nòyn viʼi sə jèʼè fà wen a bàm.

Faic an caibideil

Ŋwàʼlə̀ Mak 1:45

Ghə̀ bòŋsə̀ dyʉ̀ sə kwe no ndo ghə̀ shə̀ʼtə̀ kənyʉ̀ akì tò shə̀ʼtə̀ à wen. Soʼgho ayì sàykə̀ a shi no tsèm, kə mù sə chò Yesò ə ghə̀ kwen a tì ntə̀ʼ ayì a dayn, ghə̀ mù sə jèʼè dyʉ̀ tò fa wenə̀ loʼ a nse zɨm. Alì viʼi be sə fʉ fa shi tsèm tò fʉ vi yenə wen tsu.

Faic an caibideil

Ŋwàʼlə̀ Mak 6:33

Nghoʼo viʼi bè yèn ando vəwenə ndyʉ̀, ə̀ kɨ la adìʼ vəwenə, bè fʉ̀ tò fa ntə̀ʼsə sətsèm ə̀ nyɨŋ dyʉ̀ tsu to kəghʉ a vəwenə a mbì.

Faic an caibideil

Joyn 11:47

Vəwenə ghaʼ ntsèntə̀ wenə tʉtʉ vəpfèm və ngə̀ŋ Nyìngòŋ sə ghoʼkəsə nə̀ viʼi və soʼ nsoʼsə ə bèm la, “vəghəŋ a nè ale? Yen nyʉ̀ ə kaynəvə vyi a wìʼ ə ghèn mwomə a.

Faic an caibideil

Joyn 12:18

Viʼi və ghoʼo və fʉ̀ ə yen wen byìʼàndo vəwenə ə zhʉ̀ la à lə kənyʉ̀ kə kaynəkə kì a ghə̀ nè.

Faic an caibideil

Joyn 12:37

Yesò ə nè no tèbe nyʉ̀ ə kaynəvə venə no ətsèm lə, vəwenə be tyenə to tyenə la və ko byɨmə a wen.

Faic an caibideil

Joyn 2:11

Wokenkə ndiʼ mbì kənyʉ̀ kəkaynəkə a Yesò ə ne a ntə̀ʼ Kanà a loʼ Galìlì, ə diʼ kədyòʼ kə wen. Ndzɨ̀mtə̀sə bàm ə wen sə mu byɨmə ə wen.

Faic an caibideil

Joyn 2:23

A ndiʼ to ando Yesò ə ndiʼ a Jelusalèm a mətsi mə kəzhɨ kə məzaʼsə, viʼi no və ghoʼo byɨmə la ghə̀ diʼ wìʼ yi a və ntsuʼ li byìʼì nyʉ̀ ə kaynəvə vyi a vəwenə yenə to ando ghə̀ nè.

Faic an caibideil

Joyn 20:30

Ənyʉ̀ ə kaynəvə ə tsenəvə diʼ, to kədə̀ŋ ando Yesò nè to no ashɨ ndzɨ̀mtə̀sə bàm wensə ko andiʼ la və nyoʼli a ŋwàʼlə̀ ashə.

Faic an caibideil

Joyn 3:2

Ghə̀ ə vi li a Yesò nə̀ ntʉʼ ə tsen ə gaʼa a wen la, “Ndìʼsə̀, yès ə kɨli la wù diʼ ndìʼsə̀ a ghə̀ lu fa Nyìngòŋ byìʼì wìʼ ko diʼ a ghə̀ zizi ghə̀ nè nyʉ̀ ə kaynə venə a wù ne lə̀ a bwen la Nyìngòŋ diʼ wenə wen.”

Faic an caibideil

Joyn 6:14

Viʼi na vi ə yen li kənyʉ̀ kə kaynəkə na kènkə a Yesò nè ə sə gàʼ la, “A diʼ to no Nshə̀ʼtə̀ ə ghoʼo yì a ghə̀ ndiʼ lu vì a mbyi.”

Faic an caibideil

Joyn 6:22

Ətʉʼ ə layn, ənòyn ə viʼi vyi ə kwoʼtə la, a tə ndiʼ to kəbaŋ kə mùʼ a ndzèn a mu, a diʼ kəwenkə a ndzɨ̀mtə̀sə bàm ə Yesò sə tə dyàŋ tsu, ə sə ndyàŋə̀ ali, Yesò faŋ kò ghə̀ lə dyʉ̀ wenə vəwenə.

Faic an caibideil

Joyn 6:26

Yesò ə bwensə gàʼ a vəwenə la, “Ma gaʼa a ghə̀ŋ to no nəmwèʼè la, ghə̀ŋ ə kəŋ mò to byìʼàndo mà tə ku fozhɨvə, ghə̀ŋ zhɨ kwiʼ, a ko diʼ byìʼàndo ghə̀ŋ tə yen nyʉ̀ ə kaynə və vyi a ma tə nè.

Faic an caibideil

Joyn 6:30

Vəwenə be bèm a wen la, “Wu le zizi wu nè no nchwi kənyʉ̀ kə kaynəkə kə kò ə diʼ la à tɨm Nyìngòŋ ə tɨm wù mibu yès yen, ə byɨmə a? Wù lə nè no ghò?

Faic an caibideil

Lean sinn:

Ceanglaichean taic

Sanasan

Sanasan