Joyn 5:3 - The New Testament in the Babanki language

^3-4 Yesò kuʼ dyʉ̀ ali, viʼi və kwaʼkəvə no vəghoʼo nyɨŋə a təto a ghèn, vətsevə diʼ mù və fɨfkəli, vətsevə diʼ mù və kwaʼakəli.

Joyn 5:3 Iomraidhean Croise

Matìyò 15:30

Ngwàʼà viʼi sə vì a wen. Vəwenə mvì nə̀ viʼi və kwaʼkəvə vəwenə, və ngesə̀ fwen, mfyɨ̀f, viʼi kənkwàʼkə̀, və bɨbɨ̀ bènə̀ viʼi a və nkwaʼa nə̀ tənkì tə təkwaʼa no tətsèm. Vəwenə ə̀ mvì nə̀ vəwenə a lì ghʉ ashɨ Yesò la ghə̀ chʉʼ vəwenə.

Matìyò 4:24

Soʼo gho kùmə̀ shwèʼ wen dyʉ̀ a loʼ Sylia no tsèm, viʼi mù sə̀ lyɨ̀ viʼi nə̀ tə nkì tə kwaʼa vì nə̀ vəwenə à Yesò. Və sə̀ vì nə̀ viʼi a və nzhʉ lɨ̀m njòsə wen no ŋàŋ, vì nə̀ vətsen və a və nkiʼi zhwì byɨvə bènə̀ viʼi kembvʉ bènə̀ viʼi mu və kwàʼkəli, Yesò chʉʼ vəwenə no vətsèm.

Ŋwàʼlə̀ Luk 7:22

Yesò bwènsə̀ gàʼ à vəwenə la, “Ghə̀ŋ dyʉ̀ ə shə̀ʼtə̀ nyʉ̀ vyì à Joyn a ghə̀ŋ yenli fa ghə̀ŋ ngeŋ be nzhʉ fa viʼi vətsenvə: Nfyɨf sə bwensə̀ yenə shi, viʼi kəkwàʼkə sə jèʼè, viʼi kənsòtə̀ nto, mpfʉ̀sə tʉ sə zhʉ nyʉ̀, viʼi və pfʉkəvə nlù fa pfʉ, və be shə̀ʼtə̀ ntəmə jùŋ a viʼi vyi a və ko təmə byɨmə.

Joyn 5:2

Kətsèm kə tsèn kə ndiʼ a Jelusalèm boʼsə a chʉ Mbàyn Byisə, və toŋtə la Bèsaydà a gaʼa ə Hibùlù, mu və bwòm li nkaʼsə nə̀ tətotə a yi ben, tə tàyn.

Lumans 8:25

Alì mu vəghəŋ sətsen ə ki dyʉ̀sə nə̀ kəfo kə a vəghəŋ ko təmə kiʼi, vəghəŋ a ndiʼ ə kəʼtə wensə, kɨ nəmwèʼè la və lu kiʼi.

Jems 5:7

Ghə̀ŋ ə nwensə̀ lì a vəlèmə̀ vwomə, ə zaʼa fa tʉʼ a Bobo lu vì. Ghə̀ŋ kwoʼtə ando wù shyèʼè sɨ̀m lu nkə̀ʼtə̀ la fo sɨm ə̀ wen ku ə̀ ndiʼ a mə̀ kəŋ. Ghə̀ lu wensə ə zaʼa fa zhʉ a mbì ghʉ̀ nə̀ kəmwètə̀ kə ghʉ̀ kə nə̀ vi əfo wen ə̀ kwi.