Joyn 4:53 - The New Testament in the Babanki language

⁵³ Tìʼ wàyn a ghèn ə kɨ la kətaʼ na kì kə tə bwaʼmə to zhʉ̀ yi a Yesò tə gàʼ a wen li la, “Wàyn wù ə tò li” no zhʉ̀ko wenə ngwaʼ ə ngə̀ŋ ə wen ə byɨmə to vətsèm.

Joyn 4:53 Iomraidhean Croise

Matìyò 8:13

Yesò gàʼ alì mù gàʼ à kətʉ kə vəsugyèʼ kì la, “Pfwo dyʉ̀. Və ne nè no ghò yì a wù byɨmə la mà zì mà nè à wù.” Tò a zhʉ ayì və chʉʼ, wù shyèʼ wen a yì.

Ŋwàʼlə̀ Luk 19:9

Yesò gàʼ à wen la, “Viʼi ngə̀ŋ a shə̀ bwoŋ li layn byiʼàndo nkàyntə̀ wen bè diʼ tò wàyn Ablaham.

Joyn 4:51

To ando ghə̀ bwenə sə dyʉ̀ ə bùmtə viʼi shyèʼ ə wen vəwenə gàʼ a wen la, “Wàyn wù to li.”

Joyn 4:52

Ghə̀ bèm a vəwenə la, kwaʼa na ghenə ə yi bwaʼmə a zhʉ ko? Vəwenə gàʼ la, “ghə̀ tə bwaʼmə zòyn nə̀nchwì.”

Shwèʼ 11:14

Ghə̀ a vì ə shə̀ʼtə̀ nyʉ̀ à wù, a və a bwòŋsə wù nə̀ ngwàʼa ngə̀ŋ wù, bènə̀ viʼi shwèʼ wù.’

Shwèʼ 16:15

Və ku mu à wen bènə̀ à viʼi vi a wenə̀ vəwenə ntsi a muʼu. Ghə̀ mù gàʼ à yès la, “Ghə̀ŋ vi lì ntsi a mò a ngə̀ŋ, ando ghə̀ŋ yen li la mà byɨmə li nəmwèʼè à Bobo lə̀.” Ghə̀ faŋ ə̀ sə̀ sensə̀ yès tò sensə, yès kaʼa dyʉ̀.

Shwèʼ 16:34

Wìʼ ayì lyɨ̀ Bol wenə̀ Silàs ə̀ dyʉ̀ wenə̀ vəwenə à wen a ngə̀ŋ ə̀ kù kəfo vəwenə zhɨ. Ghə̀ sə saŋlə̀ wenə̀ viʼi wen no nànto byìʼàndo vəwenə nsə̀ diʼ luwèn mu vəwenə byɨmə li à Nyìngòŋ.

Shwèʼ 18:8

Wutsen a andìʼ kətʉ kə ngə̀ŋ ntsèntə̀ akì a zhiʼi wen ndìʼ Klisbùs zhʉ ntɨm jùŋ a ghèn, wenə̀ viʼi ngwaʼa ngə̀ŋ wen, bènə̀ viʼi vətsenvə a Kolìn no və ghoʼo byɨmə à Bobo ə̀ shì mu.

Shwèʼ 2:39

Kəzhwì kə Ŋwoʼə kènkə a Nyìngòŋ nghʉ li la ghə̀ lu ku lə̀ ə dìʼ à ghə̀ŋ, nə̀ a vunə vəŋə bènə̀ à viʼi a və diʼì no kəghaf. A dìʼ viʼi vi no vətsèm a Bobo Nyìngòŋ dzàŋə̀ li la və vi à wen.”