Joyn 4:1 - The New Testament in the Babanki language

¹ Viʼi Falàsi ə nzhʉ li la Yesò sə kiʼi ndzɨ̀mtə̀sə, ku mu a vəwenə, sə ghoʼo chò sə Joyn sə.

Joyn 4:1 Iomraidhean Croise

Ŋwàʼlə̀ Luk 1:76

A wù a wàyn ghom, və lu dzàŋ wù nə̀ nshə̀ʼtə̀ ghoʼo Nyìngòŋ Tìʼ yi. Wù à dyʉ̀ a mbi Bobo ə shətə jì à wen,

Ŋwàʼlə̀ Luk 19:31

Ghə̀ŋ ne sə zàsə̀, tsèn wìʼ bèm la ghə̀ŋ zàsə̀ ənè gho tsu lo? Ghə̀ŋ gàʼa wen la, ‘Bobo kiʼi kənyʉ̀ ənè nə̀ wen lo.’”

Ŋwàʼlə̀ Luk 19:34

Vəwenə gàʼ la, “Bobo kiʼi kənyʉ̀ ənè nə̀ wen.”

Ŋwàʼlə̀ Luk 2:11

Və bwili mbwòŋsə̀ lan a ghə̀ŋ a loʼo fòyn Devìt a diʼi Klistò a ghə̀ diʼi Bobo.

Ŋwàʼlə̀ Luk 7:13

Bobo n-yen wùwì a ghèn sə kusə nshinsə à wen no ŋàŋ ə gàʼ à wen la, “Chɨmə, kə wu be dì.”

Ŋwàʼlə̀ Luk 7:19

Joyn dzàŋ sətsen sə la vəbò ə tɨm la vəwenə dyʉ̀ bèm a Bobo Yesò la, “A diʼ wù yì a wu ndiʼi ne vì mu, yès diʼi nkə̀ʼtə̀ wù kədyàŋ lo?”

Joyn 3:22

To ando Yesò ə gàʼa mwètə̀, wenə ndzɨ̀mtə̀sə bàm ə wen, əkwen dyʉ̀ a shə əloʼ ə Jùdiyà, ə tsitə tsu wenə vəwenə, ku mu a viʼi.

Joyn 3:26

Ndzɨ̀mtə̀sə bàm ə Joyn na shìsə ne dyʉ̀ ə yen ə wen, ə gàʼ a wen la, “Ndìʼsə̀, wù kwòʼtə wìʼ yi a ve wen tə ndiʼ a dzen a mu mə Jodàn, a wù ngaʼa byìʼì wen li a? Ghə̀ sə ku mu a viʼi luwen, ali viʼi vətsèm sə dzɨ̀mtə̀ tò wen luwen.”

Shwèʼ 10:36

Ghə̀ŋ kɨ li kənyʉ̀ byìʼì ntɨm yi a Nyìngòŋ tɨmə̀ à viʼi Islel, adiʼ ntɨm jùŋ yì a ghə̀ vì nə̀ mbwaʼmə̀ əchò fà Yesò Klistò. Yesò aghèn dìʼ Bobo viʼi vətsèm.

1 Kolìntyàns 1:17

Yesò ə ko ntɨm mo la mà vi əku mu a viʼi. Ghə̀ ntɨm la mà vi ə shə̀ʼtə̀ ntɨm ə jùŋ, shə̀ʼtə̀ ko ndiʼ nə̀ ətof ə viʼi. Ma nshə̀ʼtə̀ ali, ndi kə pfʉ ə wen a kəntò a le kədyòʼ kì a ghə̀ kiʼi.

1 Kolìntyàns 15:47

Wù mbì ndiʼ mu və shɨtə nə̀ kətsoʼ kə, wù bàm ə sə diʼ mu ghə̀ lu fa kaŋ.

1 Kolìntyàns 2:8

Nò wù ə soʼo ə mùʼ a mbyi a shèn ə nko kɨ ətof na ghenə. A tu ndiʼ la vəwenə nkɨ li, mu vəwenə nko ə bayntə Bobo yi a ghə̀ kiʼi kùʼsə.

2 Kolìntyàns 4:5

Ghə̀ŋ ə kɨ la, yès zhʉsə nshə̀ʼtə̀ ntɨm ə jùŋ a ghèn, ko yès nə nshə̀ʼtə̀ kumə təwen tyetə. Yès ə shə̀ʼtə̀ to la Yesò Klistò diʼ Bobo, yès ə be ku wenə yèsə a viʼi shyèʼ a ghə̀ŋ byìʼì wen.

Jems 2:1

Vəlèmə̀ vwomə, ando ghə̀ŋ ə diʼì viʼi vəbyɨməvə à Yesò Klistò ə Bobo kanə vəghəŋ, ghə̀ŋ ko diʼ nlyɨ̀ la wìʼ ə chò ghətsen.

Kəmwetə 19:16

Ndisə shìsə a ghə̀ ə̀ moʼò lì ə̀ ndìʼ mu və nyòʼò li əzhiʼ tsenghə tsu ə̀ bè shiʼi ə̀ nyòʼ à wen əkəbì la, “Fòyn ə̀ təfòyn, nə̀ Bobo ə̀ vəbobo.”