Joyn 3:13 - The New Testament in the Babanki language

¹³ Nò wìʼ ə mùʼ ə ko təmə kwèn akàŋ, chò to Wàyn Wìʼ a ghə̀ lu fa kàŋ ə shiʼi a nse.

Joyn 3:13 Iomraidhean Croise

Matìyò 28:20

ghə̀ŋ nziʼì vəwenə la vəwenə nghʉ nyʉ̀ vyi no tsèm a mà tə̀ gàʼ la ghə̀ŋ nè. Ghə̀ŋ nkɨ la mà ndiʼ vəghəŋ no məzhʉ̀ ntsèm.”

Matìyò 8:20

Yesò bwènsə̀ gàʼ à wen la, “Məsòŋnə̀ kiʼi bʉ̀ʼ vəwenə, mənyin kiʼ təlòʼ tə vəwenə, alì kò Wàyn Wìʼ kiʼ kəshi ənyə̀ŋsə kətʉ kə wen tsu əzhʉ̀tə̀.”

Joyn 1:18

Wìʼ ə ko tɨmə yen Nyìngòŋ. A diʼ to wàyn Nyìngòŋ yì əmùʼ a ghə̀ diʼi nkàyntə̀ Nyìngòŋ, mu nyʉ̀ʼ to a ben nə̀ Bobo, a ghə̀ diʼi li to ando Nyìngòŋ diʼ a viʼi.

Joyn 13:3

Yesò nkɨ la Tìʼ əku li kədyòʼ a yi to akwi əfo ə tsèm, kɨ la ghə̀ lù fa ben Nyìngòŋ, diʼ ə bwenə ə dyʉ̀.

Joyn 17:5

Lyɨ mo luwen a wù ben a Tìʼ ghom, ndi viʼi ku əkuʼsə yi a mò a yowù ə nkiʼi mibu və shɨtə mbyi.

Joyn 3:12

Mà sətsen ə gàʼ a ghə̀ŋ, shəʼmə nə̀ nyʉ̀ nse ashə̀, ko ghə̀ŋ lu byɨmə, sətsen ma shə̀ʼtə̀ nyʉ̀ kàŋ a ghə̀ŋ, ghə̀ŋ a byɨmə a?

Joyn 3:31

“Wìʼ yi a ghə̀ lù fa kàŋ ə chò no ndò, wìʼ yi a ghə̀ diʼi a wù mbyi, diʼ to wù mbyi, gaʼa kumə to nyʉ̀ ə mbyi. Wìʼ yi a ghə̀ lu vi fa kàŋ chò no ndò,

Joyn 6:33

Nkàyntə̀ ə fozhɨvə Nyìngòŋ ə diʼ wìʼ yì a ghə̀ lu fa kàŋ, əvì sə ku ntsìnə̀ a mbyi.”

Joyn 6:38

byìʼàndo mà lu fa kàŋ ə shiʼi vi a nse ə nè kənyʉ̀ kì a wìʼ yì a ghə̀ tɨmə mo ə kəŋ, a ko diʼ kənyʉ̀ ki a ma kəŋ fa mò a ngeŋ.

Joyn 6:42

Vəwenə sə bèmə la, “a ko ghə̀ŋ diʼ Yesò to wàyn Josèf vəghəŋ kɨ tìʼ ə wen nə̀ liwen? Ghə̀ jèʼ ale ə sə gàʼà la ghə̀ shiʼi nvi fa kàŋ a?”

Joyn 6:46

Wìʼ ko tɨmə yen Tìʼ a bwen to mò a ma lu fa benə Nyìngòŋ. A diʼ to mò a ma yen li Tìʼ.

Joyn 6:51

A diʼ to no mò diʼ fozhɨvə na venə a və shiʼi ə vi fa kàŋ. A zhɨ no ndo zhɨ fozhɨvə na venə, mu ghə̀ ko lu be pfʉ. Ə fozhɨvə na venə diʼ wen ə ghomə yi a ma ne kù ndiʼ viʼi mbyi ə kiʼi ntsìnə̀ yi a ghə̀ faŋ to ghayn ə mùʼ.”

Joyn 6:62

Ghə̀ŋ sətsen yen, Wàyn Wìʼ ghə̀ bwenə lù dyʉ̀ akàŋ, akəshi yi a ghə̀ tə ndiʼ tsu fa ambì, ghə̀ŋ a nè ghò?

Joyn 8:42

Yesò ə gàʼ a vəwenə la, “Nyìngòŋ ə tu ndiʼ to no Tìʼ ghə̀ŋ, mu ghə̀ŋ kòŋ mò byìʼàndo mà lu fa ben nə̀ Nyìngòŋ. Ma ko tə vì fa mo ngeŋ. A ntɨmə Nyìngòŋ ətɨmə mò.

Shwèʼ 2:34

Vəghəŋ kɨ li la fòyn Devìt fa wen a ngə̀ŋ nko kùʼ a kàŋ, alì ə̀ gàʼ la, ‘Bobo Nyìngòŋ ngàʼa à Bobo ghom la, ŋwʉʼmə à mò a shyə kwoŋ ə̀ toghə,

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

Lumans 10:6

Alì, ji yi a viʼi ə diʼ nti a nkàyn shɨ Nyìngòŋ fa tsu diʼ byìʼì əbyɨmə, a ko diʼ byìʼì ə əsoʼ. Və nyoʼ li a Ŋwàʼlə̀ Nyìngòŋ la, “kə wù bèm a wenə wù la, a lə kuʼ ndo akàŋ a?” Mu wù le bèmə la, a kuʼ ndo ə lyɨ̀ ə shiʼsə nə̀ Yesò a?

1 Kolìntyàns 15:47

Wù mbì ndiʼ mu və shɨtə nə̀ kətsoʼ kə, wù bàm ə sə diʼ mu ghə̀ lu fa kaŋ.

Efisyàns 1:23

Ngə̀ŋ Nyìngòŋ na ghèn diʼ to nə̀ əwenə Yesò. Ngə̀ŋ Nyìngòŋ a ghèn diʼ no nkàyntə̀ Yesò, a ne wen la no tèbe gho ndiʼ, no tèbe fè.