Joyn 20:1 - The New Testament in the Babanki language

¹ Ətʉʼ ə na sə ə laynə vì a mbì kətsi a tì ngàm ə fi, Mèli Màtalà ə lù, kəbəŋ kə ə bo fenə to alə̀, ə dyʉ̀ achʉ̀ əsè Yesò ə yen mu və lyisə li ngùʼ fa tsu.

Joyn 20:1 Iomraidhean Croise

Matìyò 27:56

Viʼi vətsenvə a və ndìʼì a ntìntìn ki a vi ndìʼ Mèli andiʼì wù Magdala, Mèli lì Jems wenə Josèf bènə̀ lì vunə Zebedì.

Matìyò 27:60

dyʉ̀ bvɨ̀mə̀ wen a sè fighə tsenghə a ghə̀ ntsəfə a wu sə ghʉ la və lu bvɨ̀mə̀ yì tsu. Ghə̀ bvɨ̀mə̀ a lì bùŋsə ngùʼ ghoʼo ə chiʼi chʉ̀ yi tsu, mibu lù.

Matìyò 27:64

Ando kə diʼì a lì, tɨm və dyʉ̀ ntsɨ̀ŋə̀ se wen a mətsi ntaʼ a bwen a lì mu ndzɨ̀mtə̀sə bàm wen a dyʉ̀ tsoŋ bvenə wen njèʼè wamə dyʉ̀ à viʼi la Nyìngòŋ lusə̀ li wen fa pfʉ. Vəwenə sətsèn zhò nki ndzɨ̀ŋ a ghenə viʼi byɨmə mu kənyʉ̀ akì a mfànsə̀ chò tè kə mbì kə.”

Matìyò 27:66

Vəwenə dyʉ̀ tòm kəlàŋ a ngùʼ chʉ sè ayì bè mù ghʉ vəsugyèʼ la və ntsɨ̀ŋə̀ sè ayi.

Matìyò 28:1

Və zhʉsə ə̀ zhɨ kətsi kə zhʉ̀təkə, tʉʼ lan a mbì kətsì a tì ngàm Vəjew, Mèli ə wù Magdala wenə Mèli tsen bwènə̀ dyʉ̀ a chʉ̀ sè Yesò.

Matìyò 28:2

A sə tsèn ntsɨ̀ŋ Bobo shiʼi vì fa kàŋ shi nə̀ʼ no ŋàŋ. Ghə̀ dyʉ̀ a chʉ sè Yesò bùŋsə ngùʼ yì fa tsu lyisə kuʼ ŋwʉʼʉ à yi kətʉ.

Ŋwàʼlə̀ Mak 15:46

Ghə̀ zen ə kwoŋ ndisə ə̀ shìʼsə kəmpfʉ kə Yesò ə̀ lèmtə tsu ə̀ bvɨ̀mə̀ wen a tì sè a və ntyuŋə a wu, ə̀ buŋsə ngùʼ ə shiʼi kènə chʉ̀ sè wen tsu.

Ŋwàʼlə̀ Mak 16:9

Andìʼ ando Yesò nlu fa pfʉ a tsi boʼòngə̀ŋ mbì kətsi a tì ngàm ghə̀ zìtə̀ fʉ̀ a kə̀ʼ Mèli wù Magdala a ghə̀ ndzɨ̀mə̀ zhwì byɨvə sòmbo fà wen a wèn.

Joyn 11:38

Yesò ə ne dyʉ̀ zàʼa achʉ̀ əsè Lazalùs, kənyʉ̀ na kì ə bo ku to ngəʼ a wen. Əsè na yi ə ndiʼ chiʼi, mu və chiʼ nə̀ ngùʼ.

Joyn 11:41

Ghə̀ gàʼ ali, və mu lyisə ngùʼ ayì. Ghə̀ ki kuʼsə nə̀ kaŋə ə gàʼ la, “Ma ku kəzòŋ à wu a Tìʼ byìʼàndo wù nə̀ zhʉtə mò,

Joyn 19:25

Və bàyntə Yesò, lì wen wenə və lèmə̀ və lì wen ə wùwì ə tsen, boʼsə nə̀ Mèli ə wùwì Kɨ̀lobàs nə̀ Mèli Màtalà ə dyʉ̀ tɨmə boʼsə to a ben kəntò wen.

Joyn 20:26

A ndiʼ ando wòŋ nchwò, ndzɨ̀mtə̀sə bàm wensə sə be nyʉ̀ʼ a ngə̀ŋ wenə Tòmos, Yesò ə bvɨtə tɨmə a vəwenə a ntìntìn, no tèbe ando chʉ̀ ngə̀ŋ ndiʼ mu və chiʼ li ə shwin, ə gàʼ la, “Mbwaʼmə ə diʼ a ghə̀ŋ.”

Shwèʼ 20:7

A nè sə ndiʼ a kəlyɨŋ kə zhʉ mpfwomə a mbì kətsi a woŋ, yès tsèntə̀ əzhɨ, Bol zìtə̀ sə ziʼì viʼi, ə̀ ziʼi tò ziʼi ə zaʼa a ntìntìn nəntʉʼʉ byìʼàndo tʉʼ ndiʼ layn ghə̀ lu.

1 Kolìntyàns 16:2

A mbì kətsi a tyi no ngàm kò, no ndo ə ntsuʼ kəfo fa ntìntìn əfo vi a ghə̀ kiʼi ə ghʉ̀, ndiʼ mà lù vì, ko və be diʼ ə mòʼo kəfo moʼo.

Kəmwetə 1:10

A ndìʼ a kətsi yì a və ghoʼsə̀ Bobo, kəzhwì kə Nyìngòŋ kə ghaʼ mo; mà zhʉ gɨ̀ ə to tsen gàʼ ə̀ vì fà mò a bàm tò nə̀ ə̀soŋ