Joyn 2:18 - The New Testament in the Babanki language

¹⁸ Viʼi Jus ə na bwènə̀ vì ə bèm a Yesò la, “Wù zizi wù ne no kənyʉ̀ kəkaynəkə kə kò ə diʼ la à ku Nyìngòŋ ə ku kədyòʼ la wù ə nè nyʉ̀ venə a?”

Joyn 2:18 Iomraidhean Croise

Matìyò 21:23

Yesò bwènə̀ dyʉ̀ kwen a ngə̀ŋ Nyìngòŋ mù sə nziʼi viʼi tsu, tʉtʉ vəpfèm və ngə̀ŋ Nyìngòŋ bènə̀ vəchəʼ və loʼ vì bèm à wen la, “Wù nè nyʉ̀ venə nə̀ kədyòʼ kə mu kə lù fa fe? A ku ndò ku kədyòʼ a kènkə à wù a?”

Ŋwàʼlə̀ Mak 8:11

Və Falàsi vətsenvə vì à Yesò ə̀ zìtə̀ sə soʼtə̀ nyʉ̀ wenə̀ vəwenə, kuʼsə̀ jì əghaʼa wen tsu, mù gàʼ à wen la ghə̀ ne kənyʉ̀ kə kaynəkə kətsenkə a nə̀ kəchwitə ədìʼ la kədyòʼ kə wen kə lù fà Nyìngòŋ.

Ŋwàʼlə̀ Luk 11:29

Tənòyn tə viʼi nə̀ sə vì ghoʼo a mbyɨ̀ nə̀ Yesò, ghə̀ gàʼ la, “Kəlyɨŋ kenkə diʼ tò no kəlyɨŋ kə byɨkə. Kə kəŋə yen nchwi fa mo ali ma ko dìʼ nchwi tsen a wen cho nchwi Jonà.

Joyn 1:19

Viʼi Jus vyi a və ndiʼ a Jelusalèm ə ntɨm li vəpfèm və ngə̀ŋ Nyìngòŋ nə̀ viʼi ngwaʼ ə ngə̀ŋ ə Levì la və dyʉ̀ ə bèm a Joyn ə ku a Mù la, ghə̀ diʼ ndò lo.

Joyn 1:25

Vəwenə ə bèm mwètə̀ a wen la, “Wu ə ko diʼ wìʼ a və tsuʼ li, ko ndiʼ la wu diʼ Ilajà, ko Nshə̀ʼtə̀ ə ghoʼo yì a və ə kə̀ʼtə̀, ə sə kù mu mə ghò?”

Joyn 6:30

Vəwenə be bèm a wen la, “Wu le zizi wu nè no nchwi kənyʉ̀ kə kaynəkə kə kò ə diʼ la à tɨm Nyìngòŋ ə tɨm wù mibu yès yen, ə byɨmə a? Wù lə nè no ghò?

Shwèʼ 4:7

Və lyɨ̀ Bità wenə̀ Joyn ə̀ vì tìsə vəwenə a shɨ viʼi mù bèm à vəwenə la, “Ghə̀ŋ tə lyɨ̀ kədyòʼ fa fe ənè la wìʼ ghèn lu njèʼè a? Ghə̀ŋ tə chʉʼʉ wen a zhiʼ ndò?”

Shwèʼ 5:28

“Yès tə chòsə̀ soʼ la kə ghə̀ŋ be ziʼi viʼi nə̀ nyʉ̀ vyi a Yesò tə gàʼ la ghə̀ŋ nziʼì viʼi tsu. Ali ghə̀ŋ sə diʼ mu ghə̀ŋ ziʼi li viʼi no fe a Jelusalèm. Ghə̀ŋ yen kənyʉ̀ a ghə̀ŋ ə ne li a? Ghə̀ŋ kəŋə la viʼi nghàmə̀ yès gàʼà la à tə nè yès la və zhwi Yesò.”