Joyn 19:9 - The New Testament in the Babanki language

⁹ Ghə̀ be bwensə lyɨ̀ kwen nə̀ Yesò a ntuʼ ə bèm a wen la, “Wù lu no fa fè?” Yesò ko ə gàʼ to kənyʉ̀.

Joyn 19:9 Iomraidhean Croise

Matìyò 26:63

Yesò chiʼ tò la a kùʼ, kətʉ akì mù gàʼ à wen la, “Mà gaʼà à wù la wù gàʼ tò nəmwèʼè a zhiʼ Nyìngòŋ a ghə̀ faŋə̀ tò ghàyn mùʼ. Shə̀ʼtə à yès la wù dìʼ Wìʼ yì a Nyìngòŋ ntsuʼ li ə̀ ghʉ ə wàyn Nyìngòŋ yì mu lo?”

Matìyò 27:27

Vəsugyèʼ və Bilate lyɨ̀ Yesò kwèn nə̀ wen ati ntuʼ. No vəsugyèʼ vətsèm vì ntsèntə̀ à wen a mbyɨ̀.

Ŋwàʼlə̀ Luk 23:9

Elod mù bèmtə̀ tʉ nyʉ̀ no ghoʼo a Yesò, ali kò ghə̀ lə̀ bwènsə̀ kənyʉ̀.

Joyn 18:28

Və ə bviʼkə̀ ə lyɨ̀ Yesò fa kəbəŋ ə Kàyafàs, ə dyʉ̀ nə̀ wen a ntuʼ ə wìʼ yi a fòyn Lum ə ntsuʼ ə ghʉ la ghə̀ nsoʼo ashə loʼ na yi. Viʼi Jus dyʉ̀ zàʼa tsu, ə nyɨŋ la vəwenə ko kwen a ntuʼ byìʼàndo vəwenə ə kəŋ ə ndiʼ nə̀ laynə fa a ji a ntsìnə̀ əloʼ vəwenə ndi vəwenə kɨ ə zhɨ̀ kəzhɨkə məzaʼsə.

Joyn 18:33

Balèt ə bwensə kwen a ntuʼ ə dzàŋ Yesò ə bèm a wen la, “Wù diʼ fòyn a viʼi Jus?”

Joyn 18:34

Yesò ə bwensə ə bèm a wen la, “Wù bèmə to no fa wù ngeŋ mu, wù bèmə to ando viʼi shə̀ʼtə̀ nyʉ̀ a wù kumə mò lo?”

Joyn 18:37

Balèt ə bèm a wen la, “wù mu diʼ fòyn?” Yesò ə bwensə ə gàʼ la, “Wù gàʼa to no nəmwèʼè la ma diʼ fòyn. Və mbwi mo a fòyn, ma vi a mbyi a fòyn ə shə̀ʼtə̀ kənyʉ̀ ki a kə diʼ nəmwèʼè. Nò ndo yi a ghə̀ gàʼà nəmwèʼè ə zhʉ gɨ ghom.”

Joyn 19:10

Balèt ə bèm a wen la, “Wù weynə mò? Wù ko kɨ la ma kiʼi kədyòʼ ə gàʼ la və moʼtə wù kò ə gàʼ la və bayntə wù a kəntò?”

Joyn 19:8

Balèt ə zhʉ̀ ali, ə fwaynə be tuʼtə ghaʼa ə wen.

Joyn 8:14

Yesò ə gàʼ a vəwenə la, “no tebe ando ma gaʼa byìʼì ngeŋ ə ghom, kənyʉ̀ ki a ma gaʼa diʼ to no nəmwèʼè, byìʼàndo ma kɨli kəshi kì a mà lu fa tsu, ə be kɨ kəshi kì a ma dyʉ̀ tsu. Alì, wìʼ fa ghə̀ŋ ə ko kɨ la, mà lu fa fe lò, sə dyʉ̀ fe lo.

Filìbàyns 1:28

Kə ghə̀ŋ nè fwàynə̀ viʼi vyi a və tamə ghə̀ŋ. Ghə̀ŋ nè kiʼ ətyɨm ə to ghə̀. Ghə̀ŋ sətsen ə nè alə, ghə̀ŋ diʼi a vəwenə la Nyìngòŋ a byɨbsə vəwenə ə bwoŋsə ghə̀ŋ. A diʼ shyèʼ Nyìngòŋ.