Joyn 17:12 - The New Testament in the Babanki language

¹² Ma tə ə tuʼmə nə̀ vəwenə ando yo vəwenə tə bò diʼ to muʼ, ə ghʉ̀ vəwenə akayn nə̀ kədyòʼ kì a wù kù a mò. No wù mùʼ ə ko lè, a bwen to yì a ghə̀ tə ndiʼ lù lè, ndi kənyʉ̀ ki a ŋwàʼlə̀ wù gàʼa kwʉʼ.

Joyn 17:12 Iomraidhean Croise

Joyn 13:18

“Ma ko gàʼa tebè a ghə̀ŋ və tsèm. Ma kɨli ghə̀ŋ vyi a mà tsuʼ li. Alì, kənyʉ̀ kì a və nyoʼ a Ŋwàʼlə̀ Nyìngòŋ la, ‘Wìʼ ne zhɨ̀ to yo wen, sə diʼ mù ghə̀ bwenə li dzèm əwen a mò’.

Joyn 17:6

“Ma diʼi li wù a viʼi a wù tə tsuʼtə shisə fa mbyi ə kù a mò. A tə ndiʼ viʼi vyə; wù ku a mò, vəwenə zhʉ̀ ntɨmə wù.

Joyn 18:9

Ghə̀ ngaʼa alə ndi kənyʉ̀ kì a ghə̀ ngàʼa a Tìʼ wen kwʉʼ la, “Nò wìʼ ko lè fa ntìntìn viʼi vyi a wù kù a mò.”

Joyn 6:37

Viʼi vyi a Tìʼ ə ghom əku li a mò ne vì a mò. Mà ko lu dzɨ̀m wìʼ a ghə̀ vi a mò,

Shwèʼ 1:25

ndi ghə̀ lyɨ kəshi kə wù ntɨm wù ə nè shwèʼ yi a Judàs tə mòʼtə̀ ə̀ dyʉ̀ à wen a kəshi kə ngə̀ŋ.”

Filìbàyns 2:9

Byìʼì nakènkə, Nyìngòŋ kuʼsə wen a kəshi a kə ŋaŋtə chò no shì tsèm ə̀ kù zhiʼ à wen a ghə̀ chò no təzhiʼ tə tsèm.

2 Tèsàlonyà 2:3

Kə ghə̀ŋ moʼtə la wìʼ ə lobtə ghə̀ŋ no fa mphen byìʼì ando kətsi na kì ko lu vi ə zaʼa ando viʼi və ghoʼo və lù ə soynə Nyìngòŋ, wù ətyɨm ə byɨghə fʉ tɨmə. Və lu myetə wù ətyɨm ə byɨghə na ghèn akəshi kə əzhiʼ.

Hibùlù 2:13

Ghə̀ be ə gàʼa tamə la, “Mà na zhəʼtə to wen Nyìngòŋ,” ə be gàʼ la, “A diʼ mò lə, yo vunə vyi a Nyìngòŋ ə kù a mò.”

1 Joyn 2:19

Viʼi kəbàyn ə̀ Klistò avenə mfʉ tò fà vəghəŋ ə ntìntìn alì tətyɨm tə vəwenə nko lutə̀ su dìʼ vəghəŋ vəwenə. Tətyɨm tə vəwenə tu ndiʼ vəghəŋ və vəwenə mu vəwenə tə fàŋ vəghəŋ və vəwenə. Alì vəwenə tə mfʉkə ndi ədìʼ a ndayn la vəghəŋ və vəwenə ko diʼ a kənyʉ̀ kə mùʼ.

Kəmwetə 19:12

Ashɨ ə wen ə̀ mbàŋə̀ to nə̀ əlwàŋ əzhiʼ, mu ghə̀ chiʼi təsòʼ tə təfòyn à wen ə kətʉ no təghoʼo. Ghə̀ ə̀ nkì əzhiʼ a və nyòʼò à wen ə̀wen kènla no wìʼ zì ghə̀ kwòʼtə̀ kɨ̀ kənyʉ̀ a ghə̀ gàʼà əchò tò wen.