Joyn 16:2 - The New Testament in the Babanki language

² Və ne ndzɨ̀mə̀ shisə ghə̀ŋ fa aloʼ ntsèntə̀. Ma gàʼà nəmwèʼè la əzhʉ̀ ə tseghə na vi, a wìʼ ne zhwi ghə̀ŋ, ghə̀ sə kwoʼtə la ghə̀ nè shwèʼ Nyìngòŋ.

Joyn 16:2 Iomraidhean Croise

Matìyò 10:28

Kə ghə̀ŋ ə fàyn viʼi vyì a və zi ə və zhwì toʼ kətsoʼ kəwen ə wìʼ, alì mu və zi ko və zhwi kəzhwì kə wen. Ghə̀ŋ nə̀ bòŋsə fàyn tò Nyìngòŋ. Ghə̀ kiʼ kədyòʼ ə byɨsə kəzhwì kə wìʼ nə̀ kətsoʼ kə wen a zhìʼ.

Matìyò 24:9

Viʼi lu ghaʼtə ghə̀ŋ ə ku la və ku ngəʼ à ghə̀ŋ, be zhwilə ghə̀ŋ. Viʼi təloʼ tətsèm lu bàyn ghə̀ŋ tò byìʼì mò.

Ŋwàʼlə̀ Luk 6:22

“Mbwaʼmə diʼ a ghə̀ŋ vyi a viʼi baynə ghə̀ŋ, dzɨ̀mə̀ ghə̀ŋ fà ntsèntə̀sə, telə̀ ghə̀ŋ bè byɨsə təzhiʼ təŋtə tò byìʼì wàyn Wìʼ.

Joyn 12:42

Nò tèbe ali, viʼi vətsevə nə̀ viʼi Jus vətsevə və ə byɨmə li a Yesò, to kədə̀ŋ, ali ko və lù fʉ̀ a ndayn byìʼàndo vəwenə ə mfwàynə̀ la və fʉ, viʼi Falàsi a dzɨ̀m vəwenə fa ngə̀ŋ ntsentə.

Joyn 16:25

“Mà temlə nyʉ̀ to tèmlə a ghə̀ŋ ali əzhʉ̀ diʼ ə vì a mà ko be a ngàʼà a ghə̀ŋ a ji ghèn. Ma na shə̀ʼtə̀ mwetə nyʉ̀ kumə Tìʼ a ghə̀ŋ.

Joyn 16:32

Əzhʉ ne vì, ma gàʼà ali mu à sə diʼ to no wenə ghə̀ lə, ghə̀ŋ diʼ ə ghəsə ə no ndò ə phwò. Ghə̀ŋ wʉ̀sə mò, a mà sə diʼ to mo nyɨŋ, ali ko ma laynsə diʼ to mò nyɨŋ byìʼì ando Tìʼ ə diʼ yo wen.

Joyn 4:21

Yesò ə gàʼ a wen la, “Ma gaʼa a wù no nəmwèʼè la, byɨmə mo, əzhʉ ne vi a və ko be ne nkuʼsə Nyìngòŋ a pfèn a shèn, ko kuʼsə tebè a Jelusalèm.

Joyn 4:23

Əzhʉ ə kuʼ vi, alì mu ghə̀ sə diʼ mu ghə̀ kuʼ li no kwʉ̀ʼ a viʼi a və kuʼsə Nyìngòŋ nəmwèʼè, diʼ kuʼsə əwen a kəzhwì bènə̀ a nəmwèʼè. A diʼ nki viʼi a venə a Nyìngòŋ ə kəŋ la və ə kuʼsə wen.

Joyn 9:22

Tìʼ wen wenə lì wen ə ngàʼa alə byìʼàndo vəwenə ə nfwaynə viʼi Jus venə. Vəwenə ndiʼ mu və ə ghʉ̀ li la no ndò a ghə̀ byɨmə la Yesò diʼ wìʼ ə yi a və tsuʼ li ghʉ̀, mu və a dzɨ̀m ə wen, ko ghə̀ lu be kwen tebè a ngə̀ŋ ntsèntə̀.

Joyn 9:34

Viʼi a vi ə gàʼ la, “Wù diʼ alə̀ mu və nə̀ bwi wù a ntìntìn mbyɨsə, wù kwi kuʼ to tsu ə sə kəŋ ə ziʼi yès.” To ando vəwenə gàʼa ali no zhʉ̀ko ə dzɨ̀m shisə wen fa ngə̀ŋ ntsèntə̀.

Shwèʼ 5:33

Viʼi soʼo nsoʼsə vi nè zhʉ̀ nyʉ̀ avenə, tinsə vəwenə sə fwi no nànto. Vəwenə mù sə̀ kəŋ əzhwilə viʼi ntɨm ə̀ Yesò a vyi,

Shwèʼ 7:56

Ghə̀ mù gàʼ la, “Ghə̀ŋ yen a! Ma yenə ando kàŋ boʼmə̀ be nyen Wè Wìʼ, ghə̀ ti a shyə kwoŋ toghə Nyìngòŋ.”

1 Kolìntyàns 4:13

A zhʉ a viʼi ə byɨbsə zhiʼ yèsə, yès ə sə gàʼà to nə̀ gɨ̀ bwaʼmə. Viʼi ə lyɨ yès a fo ə maʼa və mbyi, be lyɨ yès a kəməŋ.

Filìbàyns 3:6

Na ki kə nè tyɨmə ghomə sə lɨmə, ma sə tsuʼu kəghʉ kə ntsèntə̀sə viʼi vəbyɨməvə Yesò Klistò. A kənyʉ̀ kə tɨməkə, ma nghʉ təsoʼ no tə tsèm to nkayn.

Kəmwetə 6:9

Wàyn bi ənjɨ̀ bè bə̀ytə̀ mɨ̀ŋ tsen ə və ndiʼ vətàyn, mà yen ə̀ zhwì ə viʼi vyi a və̀ nzhwilə̀ byìʼàndo vəwenə nshə̀ʼtə̀ kənyʉ̀ kə Nyìngòŋ be ti a nə̀ viʼi və yenəvə a kənyʉ̀ ə̀ Nyìngòŋ. Vəwenə ndìʼ ati kəchiʼ kə kəku.