Joyn 15:1 - The New Testament in the Babanki language

¹ Yesò be gaʼa la, “Ma diʼ nkàyntə̀ fèkoʼ fə ashɨ nkoʼ, Tìʼ ghom diʼ tì ə sɨm,

Joyn 15:1 Iomraidhean Croise

Matìyò 15:13

Yesò bwènsə̀ a gàʼà shəʼə ghə̀ a vəwenə la, “Və ne tsuʼ no ghò a ghə̀ kwi kuʼu kènla a wè Tìʼ ghom a kàŋ.

Matìyò 20:1

Yesò dyʉ̀ a mbì nə̀ ziʼi wen gàʼà la, “Soʼo Fòyn Nyìngòŋ diʼ tò nə̀ fətitì fə tì sɨ̀m tsen a ghə̀ nlu a boʼòngə̀ŋ tsen fʉ̀ ədyʉ̀ kəŋ viʼi la və dyʉ̀ shwèʼ a wen ə sɨm.

Matìyò 21:33

Yesò bè gàʼ à viʼi vi la vəwenə bè zhʉ̀tə ngàyn tsen. “Tì sɨ̀m tsen nlù bòʼ sɨm lamsə̀ lwi wen, kwìʼi mbàyn kaʼsə wen sɨm ayi, tyùŋə nkwòŋ yì a və ne nwìʼì lamsə̀ ayì tsu mu shɨ̀tə məlyʉ̀ʼ bè bwòm kəmbaŋ kə ngə̀ŋ ntsɨ̀ŋ a kəntìntìn kə sɨm ayì mù kù sɨm ayi la viʼi nshwèʼè gə̀tə̀ ku yì nə̀ fo vi a və fʉ̀ fa tsu. Ghə̀ ku a lì lù dyʉ̀ a jèʼ a loʼ tsenghə.

Ŋwàʼlə̀ Mak 12:1

Yesò mù zìtə̀ sə mò ngàynsə à ndzɨ̀mtə̀sə bàm wen, gàʼà la, “Wutsen nlù bòʼ sɨm ashɨ nkoʼ tsenghə a və dzàŋə̀ nə̀ glapesə wen ə̀ kwiʼ mbàyn ghə̀ nyɨŋ kàʼ sɨm ayi bè tyùŋə nkwòŋ a və a ŋwìʼì mu mə̀ ashɨ nkòʼ a mì shɨ̀tə̀ məlyʉ̀ʼ tsu bè bwòm kəshi kə ŋaŋtə kə à ntsɨ̀ŋ a ntìntìn sɨ̀m ayì mù ku sɨm ayi à viʼi la və nshyèʼè gə̀tə̀ ku wen nə̀ fo a və fʉ̀ fa tsu. Ghə̀ ku a lì lù dyʉ̀ a jèʼ a loʼ tsenghə no kəghaf.

Ŋwàʼlə̀ Luk 13:6

Yesò mù mò ngàyn ghèn à vəwenə la, “Wùtsen nkiʼi fəkoʼ fə kəbvèm a ghə̀ wàyn a wen sɨm. Ghə̀ nlu dyʉ̀ tò məzhʉ tsèm ə lye la fə kumə ashɨ lo, alì kò ghə̀ lə n-yenə ashɨ tsu no fa mpfen.

Joyn 1:17

Nyìngòŋ bè ə ku Əsoʼ, ghə̀ chò fa kəvu ə Mosìs. Ə kusə shinsə tə sə vi, no tèbe nə̀ ghoʼ yi a ghə̀ diʼi nəmwèʼè, chò ji fa kəvu ə Yesò Klistò.

Joyn 1:9

Əbayn na ghenə ndiʼ əbayn nəmwèʼè a ghə̀ ə vi a mbi ə nku əbayn a viʼi və tsèm.

Joyn 15:2

chwaynə maʼ tətam titə a tə ko kumə ashɨ a mo wèn, tsùʼtə fo fa tətam a tyi a tə ko kumə ashɨ, ndiʼ tə tuʼ kumə.

Joyn 6:32

Yesò ə gàʼ a vəwenə la, “Ma gaʼa a ghə̀ŋ tò no nəmwèʼè la, a ko nku Mosìs əku fozhɨvə vyi a və lù kaŋ a ghə̀ŋ. A boŋsə ku Tìʼ ghom ə ku nkàyntə̀ ə fozhɨvə vyi a və lù fa kàŋ.

Joyn 6:55

byiʼàndo əwenə ghomə diʼ to no nkàyntə̀ kəfo kə zhɨkə, mənlyuŋ ə mwomə diʼ no nkàyntə̀ kəfo kə nyʉ̀ kə.

Lumans 11:17

Ghə̀ŋ viʼi ətɨm diʼ alə̀ to nə̀ təntam tə fəkoʼ a fə tə kuʼ, və kwàʼtə̀ vi ə zhùŋtə̀, ə sə kwi a fəkoʼ a və we. Ghə̀ŋ sə diʼ luwen, zhɨ̀ əfo ə zhɨvə vi a fəkòʼ fə zhɨtəfə na fenfə ə zhɨ̀, be boŋ kiʼi aghaŋ yi a fə kiʼi.

1 Kolìntyàns 3:9

Yès no və tsèm ə tsèntə shyèʼ to a Nyìngòŋ. Ghə̀ŋ diʼ əsɨm Nyìngòŋ be diʼ ngə̀ŋ wen.

1 Joyn 2:8

Alì mà nyòʼò ə̀soʼ ə̀ fighə à ghə̀ŋ, və yen nəmwèʼè yi à ntsìnə̀ Yesò Klistò be yenə à ghə̀ŋ ə ntsìnə̀sə byìʼàndo mfɨnə̀ sə̀ mè dyʉ̀, əbayn ə nəmwèʼè sə baynə vì.