Joyn 14:3 - The New Testament in the Babanki language

³ Mà sətsen dyʉ̀ shɨtə, mà bwenə vi əlyɨ̀ ghə̀ŋ, ndi ghə̀ŋ dyʉ̀ ndiʼ vəghəŋ akəshi yi a ma diʼ tsu.

Joyn 14:3 Iomraidhean Croise

Joyn 12:26

No ndo sətsen ə nshyèʼ a mò, mu ghə̀ diʼ ə dzɨ̀mtə̀ ghom diʼ yowù ə shwèʼè ə mò ne diʼ to akəshi kə mùʼ. Tìʼ ghom ə na ku əmoʼtə a wìʼ yi a ghə̀ shyèʼ a mò.”

Joyn 14:28

Ghə̀ŋ ə zhʉ to ando mà gàʼ la, ‘Ma wʉ̀sə ghə̀ŋ ə dyʉ̀ bwensə vì a ghə̀ŋ.’ Ghə̀ŋ tu kòŋ mo, mu ghə̀ŋ saŋlə la ma dyʉ̀ a ben Tìʼ byìʼàndo Tìʼ ŋaŋtə chò mò.

Joyn 14:4

Ghə̀ŋ kɨli ji yì a ghə̀ dyʉ̀ akəshi na ghèn a ma dyʉ̀ tsu.”

Joyn 17:24

“Ma kəŋ a Tìʼ ghom la yo viʼi a wù kù a mò lu ndiʼ to akəshi kə mùʼ ndi vəwenə yen əghoʼ ə ghomə, a diʼ yi a wù kòŋ mò ə ku a mò, mibu wù shɨtə mbyi.

Shwèʼ 1:11

ə̀ bèm à viʼi ntɨm Yesò vi la, “viʼi Galìlì, byìʼì ghò a ghə̀ŋ tɨmə̀ sə ki kuʼsə̀ nə̀ kaŋə alə̀ a? Yesò ghèn a və lyɨ̀ fà ghə̀ŋ a ntìntìn ghə̀ nkuʼ a kàŋ lə̀ lu be bwènə̀ vì tò a ji a ghə̀ŋ yì yen ghə̀ ndyʉ̀ fa tsu.”

Lumans 8:17

Vəghəŋ sətsen ə ndi vunə Nyìngòŋ, kə ne diʼi la vəghəŋ lu kiʼi əghoʼ ə Nyìngòŋ, diʼ lù kiʼi əghoʼ na yi, vəghəŋ və Yesò to muʼ. Vəghəŋ lu kiʼi əghoʼ na ghèn nə̀ vəghəŋ və Yesò to azhʉ̀ a vəghəŋ ə boŋ yen nə̀ ngəʼ yì a Yesò ə yen ə̀ ndi vəghəŋ boŋ kiʼi əbayn yì a ghə̀ kiʼi.

Filìbàyns 1:23

Mà sə fɨŋmə fa ntìntìn nyʉ̀ a ghèn, kòŋ ə moʼtə nse ghèn ə dyʉ̀ ə ndiʼ yo Klistò, a diʼ kənyʉ̀ ki a kə bòŋ kwʉʼʉ a mò.

2 Tèsàlonyà 1:12

Ghə̀ŋ sətsen ə nè alə, ghə̀ŋ ne ku zhiʼ ə ghoʼoghə a Bobo vəghəŋ Yesò, ghə̀ nè, ghə̀ŋ ə boŋ kiʼi əkuʼsə. Ənyʉ̀ na venə ə kwʉ̀ʼ byìʼì ando Nyìngòŋ ə vəghəŋ wenə Bobo Yesò Klistò ə kiʼi ətyɨm ə jùŋə ghə̀ a ghə̀ŋ.

2 Timotì 2:12

Vəghəŋ sətsen ə ghaʼa ətyɨm a tyi ngəʼsə, vəghəŋ və wen lu ə soʼo mbyi. Vəghəŋ sətsen tensə la vəghəŋ ə ko kɨ wen, ghə̀ lu be tensə la ghə̀ ko kɨ vəghəŋ.

Hibùlù 9:28

A lə diʼ fa ji a ghèn a və ə nku Yesò ghə̀ pfʉ to aghayn ə mùʼ ə shʉ mbyɨsə viʼi no vəghoʼo. Ghə̀ lu bwenə ko ghə̀ be vi ə shʉ mbyɨsə viʼi, ghə̀ lu vi ə bwoŋsə̀ viʼi vyi a və nyʉ̀ʼ kəʼtə wen nə̀ tətyɨm tə vəwenə no tsèm.

Kəmwetə 3:21

No ndò a ghə̀ nè soyn ə̀ zhɨ mbyɨ, ma nè ghə̀ ŋwʉʼʉ ə̀ boʼsə kəfwoyn ə komkə ando nkàyntə̀ mò sə̀ diʼ mu mà ə nsoyn li ə̀ zhɨ mù sə̀ ŋwʉʼ boʼsə kəfwoyn kə Tìʼ ə ghom.