Joyn 13:3 - The New Testament in the Babanki language

³ Yesò nkɨ la Tìʼ əku li kədyòʼ a yi to akwi əfo ə tsèm, kɨ la ghə̀ lù fa ben Nyìngòŋ, diʼ ə bwenə ə dyʉ̀.

Joyn 13:3 Iomraidhean Croise

Matìyò 11:27

Yesò bè gàʼ à viʼi la, “Tìʼ ghom ə ku li tofə nyʉ̀ tsèm à mò. Wìʼ zì kò ghə̀ lə̀ kɨ̀ wàyn à bwen tò tìʼ wen, kò a ndiʼ la wìʼ zì ghə̀ kɨ tìʼ a bwen tò wàyn bènə̀ viʼi vyi a wàyn kòŋə̀ ə shə̀ʼtə̀ à vəwenə.

Matìyò 28:18

Yesò vìtə̀ boʼsə vəwenə mù gàʼ la “Nyìngòŋ ku li adyòʼ à mò no tsèm a kàŋ bènə̀ a nse la mà nsoʼo viʼi.

Ŋwàʼlə̀ Luk 10:22

Ando Yesò ngàʼ alì, ghə̀ mù gàʼ à ndzɨ̀mtə̀sə bàm wen la,“Tìʼ ghom kuli fo tsèm à mò. Wìʼ ko zì ghə̀ lə̀ kɨ wìʼ a wàyn diʼi wen a bwen tò tìʼ wen. Wìʼ ko zì ghə̀ kɨ wìʼ a tìʼ diʼ wen bwen tò wàyn, nə̀ viʼi vyi a wàyn tsuʼli ə dìʼ tìʼ wen à vəwenə.”

Joyn 1:18

Wìʼ ə ko tɨmə yen Nyìngòŋ. A diʼ to wàyn Nyìngòŋ yì əmùʼ a ghə̀ diʼi nkàyntə̀ Nyìngòŋ, mu nyʉ̀ʼ to a ben nə̀ Bobo, a ghə̀ diʼi li to ando Nyìngòŋ diʼ a viʼi.

Joyn 13:1

Andiʼ ando əchʉʼ ndiʼ ne layn və zhɨ̀ kətsi kə Məzaʼsə, mu Yesò sə kɨ la zhʉ̀ kʉʼʉ li la ghə̀ lu fa mbyi ashə ə dyʉ̀ a ben Tìʼ. Ghə̀ kòŋ viʼi wen vyi a və ndiʼ a mbyi, faŋ sə kòŋ vəwenə ə zàʼa ando ghə̀ moʼtə mbyi ghèn.

Joyn 17:2

byìʼì ando wù kù li kədyòʼ a wen a kətʉ̀ viʼi vətsèm ndiʼ ghə̀ nè, viʼi a wù kù a wen kiʼi ntsìnə̀ yi a ghə̀ ko lu mè.

Joyn 3:13

Nò wìʼ ə mùʼ ə ko təmə kwèn akàŋ, chò to Wàyn Wìʼ a ghə̀ lu fa kàŋ ə shiʼi a nse.

Joyn 3:35

Tìʼ ə kòŋ Wàyn wen mu ku kədyòʼ a wen la ghə̀ ə̀ soʼo no əfò ə tsèm a mbyi.

Joyn 7:29

ali ma kɨ wen byìʼàndo mà lù fa wen a ben mu à tɨm əwen ətɨm mo.”

Joyn 7:33

Sə dyʉ̀, Yesò ə gàʼ a vəwenə la, “Mà ndiʼ vəghəŋ to fəshinə fə zhʉ̀ alə̀ ə be bwenə dyʉ̀ a wìʼ yì a ghə̀ tɨmə mò.

Joyn 8:14

Yesò ə gàʼ a vəwenə la, “no tebe ando ma gaʼa byìʼì ngeŋ ə ghom, kənyʉ̀ ki a ma gaʼa diʼ to no nəmwèʼè, byìʼàndo ma kɨli kəshi kì a mà lu fa tsu, ə be kɨ kəshi kì a ma dyʉ̀ tsu. Alì, wìʼ fa ghə̀ŋ ə ko kɨ la, mà lu fa fe lò, sə dyʉ̀ fe lo.

Joyn 8:42

Yesò ə gàʼ a vəwenə la, “Nyìngòŋ ə tu ndiʼ to no Tìʼ ghə̀ŋ, mu ghə̀ŋ kòŋ mò byìʼàndo mà lu fa ben nə̀ Nyìngòŋ. Ma ko tə vì fa mo ngeŋ. A ntɨmə Nyìngòŋ ətɨmə mò.

Shwèʼ 2:36

“Viʼi Islel no vətsèm diʼi əkɨ nəmwèʼè la Nyìngòŋ ə ne li Yesò ghèn a ghə̀ŋ tə̀ bayntə a kəntò lə̀ sə diʼ Bobo bè diʼ Klistò.”

1 Kolìntyàns 15:27

Ŋwàʼlə̀ Nyìngòŋ gàʼ la, “Nyìngòŋ ə ghʉ̀ li əfo ə tsèm a wen a tì la ghə̀ nsoʼo.” Ghə̀ sətsèn gàʼ la, “Və ghʉ̀ li no əfò ə tsèm a wen ati” kə ko ə gàʼ ali boʼsə nə̀ Nyìngòŋ ə tsu, kə kə̀ʼə̀ to no a ndayn la à ghʉ̀ Nyìngòŋ ə nghʉ əfo na venə ati ə Yesò.

Hibùlù 1:2

Alì, à sə ə diʼ a mətsi mə kəmwètə mèyn ghə̀ gaʼa a vəghəŋ chò fa Wàyn wen. Nyìngòŋ ə nsə diʼ mu ghə̀ ghʉ̀ li la ghə̀ lu ku no tèbe ghò a mbyi a Wàyn wen, a ghə̀ ə shɨtə mbyi nə̀ no tèbe nə̀ ghò a ghə̀ diʼi tsu chò fa Wàyn ə wen a ghèn.