Joyn 11:11 - The New Testament in the Babanki language

¹¹ Yesò ə gàʼa ali ə mu gàʼ la, “wùndoŋ ə vəghəŋ Lazalùs bʉnə li, ali ma diʼ ə dyʉ̀ ə zhòmə wen.”

Joyn 11:11 Iomraidhean Croise

Matìyò 27:52

təsè a və mbvɨ̀mə̀ viʼi tsu sə shenkə̀ bòʼkə̀, viʼi Nyìngòŋ no və ghoʼo bwènsə̀ lù fa pfʉ.

Matìyò 9:24

Ghə̀ gàʼa a vəwenə la, “Ghə̀ŋ fʉ. Wàyn ghèn ko pfʉ pfʉ, ghə̀ bʉnə bʉnə.” Vəwenə mu sə chyeʼ wen tò chyeʼ.

Ŋwàʼlə̀ Mak 5:39

Ghə̀ kwen a tì ngə̀ŋ mù gàʼ à vəwenə la, “Kənlyuŋlyuŋ kènkə bènə̀ dì ghenə diʼ ghə̀ gho? Wàyn ghèn ko pfʉ̀ pfʉ. Ghə̀ bʉnə̀ bʉ̀nə.”

Joyn 11:10

Ghə̀ zizi a ghə̀ kòyntə to a zhʉ a ghə̀ jèʼè netʉʼ byìʼàndo ghə̀ kokiʼ ə bayn, ko ghə̀ lu yenə.”

Joyn 11:12

Ndzɨ̀mtə̀sə bàm wensə ə toŋtə wen ə gàʼ la, “Bobo, ghə̀ sətsen ə ndiʼ mu ghə̀ bʉnə li, mu a diʼ mù ghə̀ sə to.”

Joyn 11:13

Yesò ə gàʼa ali, gàʼa la Lazalùs pfʉ li, ndzɨ̀mtə̀sə bàm wensə zhʉ la ghə̀ gaʼa to no nkàyntə̀ mbinsə.

Joyn 11:3

Vəlemə na venə mu tɨmə ntɨm a Yesò ə gàʼ la, “Bobo, wìʼ yi a wù kòŋ li ə kwaʼa.”

Joyn 3:29

Wùwì ə lam nə̀ dyʉ̀ to a lɨmə wùwì. Wùndoŋ ə lɨmə wùwì yì a ghə̀ gyàmtə̀ wen nə̀ jèʼè to a wen a ntɨm, saŋlə no nànto a zhʉ a ghə̀ zhʉ ando lɨmə wùwì ə gàʼà. A lə ndə̀ŋndəŋ ji yì a ma saŋlə fa tsu luwen. Saŋlə ə ghomə ə diʼ luwen, mu ghə̀ lwin li nkwʉʼ.

Shwèʼ 7:60

Ghə̀ shiʼi à wen a nchiʼsə alwi ə̀ dì a gɨ̀ to gàʼà la, “Bobo, lyesə nyʉ̀ byɨvə viʼi venə.” Ghə̀ gàʼ ali no a zhʉ̀ kò, ə̀ pfʉ.

1 Kolìntyàns 15:18

Kə yi ndiʼ alə, kə a diʼi la viʼi vyi a və tə sə pfʉ, mu və byɨmə li a Yesò, ə lè li to kədyàŋ.

1 Kolìntyàns 15:34

Ghə̀ŋ bwensə vi a ghə̀ŋ a tətof, əghʉ̀sə mbyɨ shi a ghə̀ŋ ə ne. Ma gàʼà alə la ndi diʼsə kətʉ kəŋ kə byìʼì ando ghə̀ŋ vətsevə ko kɨ Nyìngòŋ.

1 Kolìntyàns 15:51

Ghə̀ŋ zhʉtə, mà shə̀ʼtə̀ kənyʉ̀, kəlyomtəkə wìʼ ə temə kɨ. Vəghəŋ ko lu pfʉ me tebè və tsèm, ali diʼ lù bvɨtə ə kwitə to vətsèm to zhʉ̀ ə mùʼ.

Efisyàns 5:14

Kə diʼ alə̀ byìʼì ando à nè əbayn nè ənyʉ̀ byɨvə və kə̀ʼə̀ a ndayn. A le kənyʉ̀ ki a kə ne və ə gàʼ la: “Wu bʉnə lù fa mbinsə. Lu fa pfʉ̀ ndi əbaynə Klistò əbayn a wù.”

1 Tèsàlonyà 5:10

Ghə̀ npfʉ̀ byìʼì vəghəŋ ndi vəghəŋ nə̀ vəwenə lu ndiʼ to muʼ azhʉ̀ a ghə̀ bwenə vi, kò vəghəŋ ndiʼ və to, ko və pfʉkə li.

Jems 2:23

Kə nchò a lì mù lwinsə kəshi kì a ŋwàʼlə̀ Nyìngòŋ a kə gàʼà la, “Ablaham ə mbyɨmə li Nyìngòŋ. Byìʼì byɨmə wen ayì, Nyìngòŋ lyɨ̀ wen a nə̀ wù nəmwèʼè.” Nyìngòŋ mu sə̀ dzàŋə̀ Ablaham nə̀ wù ndoŋ ə̀ wen.