Joyn 10:16 - The New Testament in the Babanki language

¹⁶ Ma kiʼi byisə shomsə sətsensə, a sə ko diʼ a mbàyn ashə, ma diʼ vi nə̀ səwensə ali sə zhʉ gɨ̀ ghom ə ndiʼ a nòyn ə mùʼ, be kiʼi to ntsɨ̀ŋ ə mùʼ.

Joyn 10:16 Iomraidhean Croise

Matìyò 17:5

Ando ghə̀ mbu gàʼà mbòʼ fəfə tsen shiʼi chìʼ vəwenə. Gɨ̀ fʉ̀ fa tsu ə̀ gàʼ la, “Ghèn dìʼ wàyn kòŋ mò. Mà saŋlə̀ byìʼì wen no a nkàyn. Ghə̀ŋ ə nzhʉ fà wen.”

Ŋwàʼlə̀ Luk 15:8

“Ghə̀ŋ be zhʉtə a! Wùwì tsen nkiʼi ko wen a ghə̀ nghʉ, tsen ghə̀ lè, ghə̀ à nè ghò? Gàʼa kò ghə̀ à dyàyn kənkàʼtə̀ ə zhès ngə̀ŋ wen ə tuʼtə kəŋ ko ayi əzaʼa fa zhʉ a ghə̀ a yen.

Joyn 10:11

“Ma diʼ no ntsɨ̀ŋ byisə ə jùŋ. Ntsɨ̀ŋ byisə ə jùŋ nə diʼ yi a ghə̀ saŋlə ə pfʉ byìʼì byisə a ghə̀ tsɨ̀ŋ.

Joyn 10:2

Wìʼ yi a ghə̀ diʼ to no nkàyntə̀ ntsɨ̀ŋ byisə ghə̀ nə̀ kwen to fa chʉ̀ mbàyn.

Joyn 10:27

Byi shomsə ə zhʉ̀ gɨ ghom, dzɨ̀mtə̀ mò, ma kɨ səwensə.

Joyn 10:3

Ghə̀ sə kəŋ kwen, wìʼ yi a ghə̀ tsɨŋ ə chʉ̀ mbàyn, ghə̀ boʼo a wen. Ali byisə ə zhʉ̀ kɨ gɨ ntsɨ̀ŋ byisə a ghèn. Ghə̀ dzàŋ, sə zhʉ̀ kɨ gɨ wen, ghə̀ lyɨ̀ fʉ nə̀ sə wensə.

Joyn 10:4

Ntsɨ̀ŋ a ghèn nə̀ lyɨ fʉ̀ nə̀ byisə wen a shisə no sətsèm ali, ghə̀ ə sə jèʼè tùʼmə̀ nə̀ səwensə, sə vì to fa wen abàm byìʼàndo sə zhʉ̀ kɨ gɨ wen.

Joyn 10:5

Byisə a shisə zizi ko sə lu dyʉ̀ fa bàm ə wìʼ yi a sə ko kɨ wen. Sə nə̀ yenə wù kədyàŋ, sə boŋsə nyɨŋ to nyɨŋ byìʼàndo sə ko zhʉ kɨ gɨ wen.”

Joyn 11:52

Ghə̀ ko pfʉ to a vəwenə. Ghə̀ ə̀ pfʉ tamə a kətʉ vunə Nyìngòŋ vyi a və ghəsə li ndiʼ vəwenə bwènsə̀ zhùŋtə̀ vi ndiʼ to kənyʉ̀ kə mùʼ.

Joyn 17:20

“Ma ko jɨ̀mə̀ to a vəwenə. Ma jɨ̀mə̀ tamə a viʼi a və lu zhʉ̀ ntɨm ə ghom fa vəwenə, ə byɨmə a mò.

Joyn 6:37

Viʼi vyi a Tìʼ ə ghom əku li a mò ne vì a mò. Mà ko lu dzɨ̀m wìʼ a ghə̀ vi a mò,

Shwèʼ 15:14

Simon gàʼ li laynsə la Nyìngòŋ diʼì li la ghə̀ tùʼmə̀ nə̀ viʼi ə tɨm a ji la ghə̀ tsuʼ li viʼi wen fà vəwenə a ntìntìn.

Shwèʼ 18:10

byìʼàndo mà dìʼ yowù. Wìʼ ko a nè kənyʉ̀ kə byɨkə à wù. Nziʼi tò ziʼi byìʼàndo viʼi vwomə diʼ a ntə̀ʼ a shə̀ no vəghoʼo.”

Shwèʼ 22:14

Ghə̀ gàʼ à mò la, ‘Nyìngòŋ yì a vətìʼ və vəghəŋ nlù sə gumlə̀ lì, ə tsuʼ li wù la wù kɨ kənyʉ̀ a ghə̀ kəŋə la wù nè be yen ə̀ kɨ wù kənyʉ̀ kə tɨmə kə yì a ghə̀ shwèʼè à wen, bè zhʉ̀ ando ghə̀ gàʼà à wù fà wen a ngə̀ŋ,

Lumans 11:25

Kənyʉ̀ kə lyomtəkə kə tsen kə diʼ a ma kəŋ la ghə̀ŋ kɨ a vəlemə vwomə ndi kə nè ko ghə̀ŋ be ghaŋsə əwen. Kənyʉ̀ na kì ə diʼi la viʼi Islel vətsenvə diʼ luwen, to kətʉ ali diʼ ə na ə kwitə ə byɨmə azhʉ̀ a viʼi ətɨm vi a Nyìngòŋ ə tsuʼ tə ə byɨmə li mwetə.

2 Tèsàlonyà 2:13

Yès diʼ ku kəzòŋ a Nyìngòŋ to məzhʉ̀ ə tsèm byìʼì ghə̀ŋ ə vəlemə. Bobo kòŋ li ghə̀ŋ, ghə̀ŋ sə diʼ a nòyn ə̀ viʼi vyi a ghə̀ ə̀ ntsuʼ no fa kəzìtə̀ ə bwoŋsə chò fa əshyèʼ yi a kəzhwì kə Ŋwoʼkə ə nè ə ghʉ̀ ghə̀ŋ ə laynə ə be chò fa əbyɨmə yi a ghə̀ŋ kiʼi kùmə̀ nyʉ̀ vyi a və diʼi nəmwèʼè.

Hibùlù 13:20

Ma jɨ̀mə̀ la Nyìngòŋ ghə̀ŋ a ghə̀ kù mbwaʼmə a viʼi, ku no tèbè gho ə jùŋ a ghə̀ŋ ndiʼ ghə̀ŋ kɨ ə nè no tèbe ghò na yi a ghə̀ kəŋ. A diʼi wen a ghə̀ ə̀ nlùsə Bobo vəghəŋ Yesò fa pfʉ, Yesò ghèn diʼ ntsɨŋ byisə ə ghoʼo luwen byìʼì məkàyn mì a mə fàŋ li to ghaynə əmùʼ. Ghə̀ nchiʼ məkàyn na mèyn nə̀ mənlyuŋ mə wen. Ma jɨ̀mə̀ la Nyìngòŋ ə nè kənyʉ̀ ki a kə kwʉ̀ʼ a wen a ghə̀ŋ wèn chò fa a Yesò Klistò. Əkuʼsə ndyʉ̀ a wen to məzhʉ̀ ntsèm. Amèyn.

1 Bità 2:10

Ghə̀ŋ ko tə ndiʼ viʼi Nyìngòŋ fa ambì, ali sə diʼ luwen. Nyìngòŋ ə ko ə nkusə shinsə a ghə̀ŋ, ali sə kusə luwen.

1 Bità 2:25

byìʼì ando ghə̀ŋ ə nkumə jèʼe to nə̀ ə byisə və njɨ̀ a sə le li jì, ali luwen sə diʼ mù Nyìngòŋ ə bwensə li lyɨ̀ ə vi nə̀ ghə̀ŋ a Ntsɨŋ byisə, à wìʼ yi a ghə̀ tsɨŋ əzhwì ə vəŋə.

1 Bità 5:4

Ghə̀ŋ ə nè alə, ndi wìʼ yi a ghə̀ diʼi to nə̀ kətʉ kə a ətsɨŋsə byisə lù bwenə vi no a tʉʼ ə ko ə ku əsòʼ ə təfòyn nə̀ əmòʼtə a ghə̀ŋ, ghə̀ baynə, ko ghə̀ lu musɨ.

Kəmwetə 3:20

Ghə̀ŋ zhʉtə a! Mà ti a chʉ ə ngə̀ŋ kùmtə̀, mu à zhʉ̀ tè ndò ə̀ zhʉ̀ gɨ̀ ghom ə̀ bòʼ, mà à kwen ə̀ vì yo wen ə ndiʼ a kənyʉ̀ kə mùʼ be zhɨ a muʼu.