Joyn 10:12 - The New Testament in the Babanki language

¹² A vi a zhʉ a və loʼo wìʼ la ghə̀ ntsɨŋ byisə, ghə̀ ko diʼ ntsɨ̀ŋ byisə ko tì byisə, ghə̀ na yen to ando nyàm kəbo ə vì, ghə̀ nyɨŋ ə ghʉsə byisə, nyàm kəbo ə vi ku byi fa tsu sətsensə ə saykə.

Joyn 10:12 Iomraidhean Croise

Matìyò 10:16

“Ghə̀ŋ ə kɨ la ma tɨmə ghə̀ŋ alə̀, ghə̀ŋ dìʼ ə dyʉ̀ ə ndiʼ to nə̀ byisə njɨ̀ a ntìntìn nyamsə kəbo. Kə diʼ la ghə̀ŋ kiʼ ə tofə to nə̀ zhusə alì bè mbwaʼmə to nə̀ làto.

Matìyò 7:15

“Ghə̀ŋ ə tùʼmə̀ byìʼì nshə̀ʼtə̀sə ndzɨŋsə. Və nè sə ə vi a ghə̀ŋ, ə kə̀ʼ akəʼ to nə̀ byisə njɨ̀ alì a diʼ to no nyamsə kəbo.

Joyn 10:13

Ghə̀ nə̀ nyɨ̀ŋ moʼtə ali byìʼàndo və loʼo wen loʼo, mu à kòŋ à fʉ̀ no tèbe ghoʼ fʉ̀ byisə a shisə.

Joyn 10:2

Wìʼ yi a ghə̀ diʼ to no nkàyntə̀ ntsɨ̀ŋ byisə ghə̀ nə̀ kwen to fa chʉ̀ mbàyn.

Joyn 10:3

Ghə̀ sə kəŋ kwen, wìʼ yi a ghə̀ tsɨŋ ə chʉ̀ mbàyn, ghə̀ boʼo a wen. Ali byisə ə zhʉ̀ kɨ gɨ ntsɨ̀ŋ byisə a ghèn. Ghə̀ dzàŋ, sə zhʉ̀ kɨ gɨ wen, ghə̀ lyɨ̀ fʉ nə̀ sə wensə.

Shwèʼ 20:29

Mà kɨ li la ma lù no a zhʉ kò viʼi vì ə̀ kwèn à ghə̀ŋ a ntìntìn to nə̀ nyamsə bo ə sàs viʼi vəbyɨməvə avenə,

1 Timotì 3:3

A ko diʼ ə ndi wìʼ a ghə̀ nyʉ məlyʉ̀ʼ bomə, ko ghə̀ zəʼtə viʼi, ghə̀ ko ne nyʉ̀ to kəntolə̀, ko ghə̀ diʼ wù kəŋ nsoʼo, ko wù ntaŋ, ashɨ ə wen ə ko diʼ mbò a ko.

1 Timotì 3:8

Ənyʉ̀ a venə a mà gàʼa lə̀ ə be dyʉ̀ to ndə̀ŋndəŋ à viʼi vyi a və shyèʼ a ngə̀ŋ Nyìngòŋ. Vəwenə ə diʼ ə nkiʼ ntsìnə̀ ə jùŋ, gàʼa nəmwèʼè, kə vəwenə a nku tə wen tə vəwenə à məlyʉ̀ʼ, kə ashɨ vəwenə a mbò a ko.

2 Timotì 4:10

byìʼì ando Demàs kòŋ li əfo mbyi luwèn, ə nyɨŋ moʼtə mo ə dyʉ̀ a Tèsàlonikà. Klesèns mbe lu ə ndyʉ̀ a Gàlesìyà, Taytùs ə dyʉ̀ a Dalmatiyà.

Taytùs 1:7

Ando kətʉ a ngə̀ŋ Nyìngòŋ dìʼ wù shwèʼ Nyìngòŋ, ghə̀ diʼ ndiʼ wìʼ a viʼi ko ghàmə̀ wen. Ghə̀ ko diʼ ə nzəʼtə̀ viʼi ko be dzàŋsə̀ fwisə̀ tin. Ghə̀ ko diʼ ə nyʉ məlyʉ̀ʼ bomə̀ ko be nè nyʉ̀ to kətolə̀. Ashɨ wen ko diʼ mbàŋə̀ a ko.

2 Bità 2:3

Ndìʼsə̀sə sə ndzɨŋ a sensə ə bàŋbàŋ a ko, diʼ ne ə mò mətitì mə zɨmə, lobtə to ghə̀ŋ, shi əfo ə vəŋə. Ali Nyìngòŋ ə nzìtə̀ li sə baʼtə̀ ə byɨbsə vəwenə no fa kəghaf kədyəkə. Nyìngòŋ ko bʉnə!