Joyn 1:51 - The New Testament in the Babanki language

⁵¹ Ghə̀ gàʼ ali ə be gàʼ kwʉ̀ʼsə la, “Ma gaʼa a ghə̀ŋ to no nəmwèʼè la, Ghə̀ŋ lu yen to ando əkaŋ ə boʼmə̀, ətsɨŋsə ngə̀ŋ Nyìngòŋ sə chwòmə̀ kuʼ be shiʼi, jèʼè to a ntɨm ə Wàyn Wìʼ”

Joyn 1:51 Iomraidhean Croise

Matìyò 25:31

“A lu ndiʼ a tʉʼ a Wàyn Wìʼ vì nə̀ ghoʼo fòyn wen wenə̀ ntɨŋsə ngə̀ŋ Nyìngòŋ no sətsèm ghə̀ lu ŋwʉʼʉ à wen a kəfwoyn nə̀ adɨŋə ghoʼ ghə̀ wen.

Matìyò 26:24

Wàyn wìʼ ne pfʉ ando və ə̀ nyòʼò li a ŋwàʼlə̀ Nyìngòŋ. Alì ngəʼ ghoʼo ne ndiʼ à wìʼ yì a ghə̀ baʼlə wen! kə mbòŋsə̀ ə̀ nzì kə mbòŋtə̀ a zhʉ a və nko bwì wìʼ ayì no nə̀ mpfen.”

Matìyò 3:16

Yesò shi mu ə sə fʉ kuʼ tò kuʼu fa mù alə̀, kaŋ boʼmə̀, ghə̀ yen kəzhwì kə Nyìngòŋ, kə shiʼi vì ə bvʉ̀ à wen kətʉ diʼ tò nə̀ kəlàto.

Matìyò 4:11

Deblə̀ lù fà a wen a mbyɨ̀ no a zhʉ kò, ntsɨ̀ŋsə Nyìngòŋ sə vì mù sə lyè wen.

Matìyò 8:20

Yesò bwènsə̀ gàʼ à wen la, “Məsòŋnə̀ kiʼi bʉ̀ʼ vəwenə, mənyin kiʼ təlòʼ tə vəwenə, alì kò Wàyn Wìʼ kiʼ kəshi ənyə̀ŋsə kətʉ kə wen tsu əzhʉ̀tə̀.”

Matìyò 9:6

Ma diʼi à ghə̀ŋ luwen la Wàyn Wìʼ kiʼi adyòʼ a kwi nse ə lyesə ku mbyɨsə viʼi.” Ghə̀ gàʼ alì mù gàʼ à wù kənkwaʼkə yì la, “lu lyɨ ghàm ə wu mpfwo.”

Ŋwàʼlə̀ Mak 1:10

Ghə̀ nè shì mu sə mfʉ̀ kuʼu vì fa mu, ə̀ yèn ando kaŋ bòʼmə̀, kəzhwì kə ŋwoʼəkə fʉ̀ shiʼi à wen a kətʉ diʼ tò nə̀ kəlàto.

Ŋwàʼlə̀ Mak 14:62

Yesò bwènsə̀ gàʼ la, “Mà dìʼi wen. Ghə̀ŋ lu yen Wàyn Wìʼ ghə̀ ŋwʉʼ a shyə kwoŋ toghə Nyìngòŋ a kəshi kə adyòʼ à tsèm, shiʼì vì a tì mbòʼsə a kàŋ.”

Ŋwàʼlə̀ Luk 2:13

A sətsèn, nòynə ntsɨ̀ŋsə ngə̀ŋ Nyìngòŋ vì boʼsə ntsɨ̀ŋ ngə̀ŋ Nyìngòŋ yì vəwenə sə̀ zhɨmə ndzàŋsə ghoʼsə Nyìngòŋ la,

Ŋwàʼlə̀ Luk 2:9

A sətsèn ntsɨ̀ŋ ngə̀ŋ Bobo fʉ̀ a vəwenə ashɨ, baynə Bobo vì kaʼ vəwenə, vəwenə sə diʼ nə̀ fàynə no nànto.

Ŋwàʼlə̀ Luk 22:43

Ntsɨŋ ngə̀ŋ Nyìngòŋ shiʼi a wen fa kàŋ, ə ku kədyòʼ a wen.

Ŋwàʼlə̀ Luk 22:69

alì əlù fa luwen ədyʉ̀ nə̀ mbì, və a ŋwʉʼsə Wàyn Wìʼ a shyə kwoŋ to ghə̀ Nyìngòŋ ti a ghə̀ kiʼi adyòʼ tsèm.”

Ŋwàʼlə̀ Luk 24:4

Vəwenə bu kaynə kənyʉ̀ kènkə a sə tsen lyʉmə və bò, a və əmoʼ ndisə a sə baynə ŋwàŋtə̀ tɨmə a vəwenə mbyɨ.

Ŋwàʼlə̀ Luk 3:21

Ando Joyn nku mu a viʼi myètə, Yesò vi ghə̀ boŋ ku mu a wen. Ghə̀ nè sə njɨ̀mə̀, kaŋ boʼmə̀,

Joyn 1:50

Yesò mu bè gàʼ la, “Wù byɨmə to byìʼì ando mà gàʼ la ma yi yen wù azhʉ̀ yi a wù yi ŋwʉʼ a tsi ə fəkoʼ fə fig li mu? Alì, wu be ne yen nyʉ̀ ə tsenəvə, və chò na ki.”

Joyn 10:1

Yesò ə mò li ngàyn ə tsen ə gàʼ la, “Ma gaʼa a ghə̀ŋ no nəmwèʼè la, wìʼ sətsen vi ə wʉ̀sə əchʉ mbàyn ke kwen fa tsu ə dyʉ̀ kuʼ kwen fa akəshi kə kədyàŋ, mu ghə̀ diʼ tsòŋ.

Joyn 10:7

Yesò ə gàʼ ali ə be mu gàʼ ə kwʉ̀ʼsə la, “Ma gaʼa a ghə̀ŋ to no nəmwèʼè la, ma diʼ əchʉ mbàyn yi a byisə chò fa tsu.

Joyn 13:16

Ma gaʼa a ghə̀ŋ no nəmwèʼè la wù ə shwèʼè ko tɨmə chò tiʼi shyèʼ wen, wù ə ntɨm ko ntemə chò wìʼ yi a ghə̀ tɨmə wen.

Joyn 13:38

Yesò ə bèm la, “wù le zi wu ə pfʉ̀ byìʼì mò a? Ma gaʼa a wù no nəmwèʼè la ə nkəʼ ne sə toŋ layn, mu wù mo li mò aghayn a tàʼ.”

Joyn 14:12

Ma gaʼa a ghə̀ŋ no nəmwèʼè la, a byɨmə no ndò a mò, ghə̀ a nè tənki tə nyʉ̀ titə a ma nè be nè chò no fa ali byìʼàndo ma bwenə dyʉ̀ a Tìʼ.

Joyn 16:20

Ma gaʼa a ghə̀ŋ to no nəmwèʼè la, ghə̀ŋ ə̀ dì no nànto, mbi saŋlə sàŋlə. Ghə̀ŋ nè sə kusə shinsə, ali ə kusə ə shinsə a yi kaʼkə a saŋlə.

Joyn 16:23

“Kətsi na kì ə na kwʉ̀ʼ, a ghə̀ŋ faŋ kò ghə̀ lə be bèm kənyʉ̀ a mò. Ma gaʼa a ghə̀ŋ to no nəmwèʼè la, Tìʼ ə na ku no tèbe ghò yi a ghə̀ŋ bèmə chò fa mo a əzhiʼ.

Joyn 21:18

Ma gàʼà a wù to no nəmwèʼè la, a ndiʼ to ando wù bo diʼ wàyndyə, wù lafə, dyʉ̀ no tèbe fè ando wù kòŋ. Alì, wù na dwin, wu naʼsə̀ akwoŋ à wu, wìʼ ə labsə wù ə lyɨ̀ dyʉ̀ nə̀ wù akəshi, ko andiʼ la wu kòŋ.”

Joyn 3:3

Yesò ə gàʼ a wen la, “Ma gaʼa a wù to no nəmwèʼè la, wìʼ zizi ko ghə̀ lu kwen a kəshi kəfòyn ə Nyìngòŋ a bwen la və bwensə bwi wen a nfi.”

Joyn 3:5

Yesò ə gàʼ la, “Ma gàʼà a wù to no nəmwèʼè la wìʼ zizi ko ghə̀ lu kwèn akəshi kəfòyn ə Nyìngòŋ, a bwen la ghə̀ kiʼi li bwi a mù bènə̀ bwi kəzhwì.

Joyn 5:19

Yesò ə mu bwensə gàʼ a vəwenə la, “Ma gaʼa a ghə̀ŋ to no nəmwèʼè la, Wàyn zizi ko ghə̀ lu nè kənyʉ̀ fa wen a ngeŋ, ghə̀ zizi ghə̀ nè to kənyʉ̀ kì a ghə̀ yen nə̀ to ando Tìʼ ə wen ə nè. Byìʼàndo no gho a Tìʼ ə nè, Wàyn be diʼ ə nè to kəwenkə.

Joyn 5:27

Nyìngòŋ diʼ mu ghə̀ ku li kədyòʼ a wàyn wen la ghə̀ nsoʼo byìʼàndo ghə̀ diʼ Wàyn Wìʼ.

Joyn 6:26

Yesò ə bwensə gàʼ a vəwenə la, “Ma gaʼa a ghə̀ŋ to no nəmwèʼè la, ghə̀ŋ ə kəŋ mò to byìʼàndo mà tə ku fozhɨvə, ghə̀ŋ zhɨ kwiʼ, a ko diʼ byìʼàndo ghə̀ŋ tə yen nyʉ̀ ə kaynə və vyi a ma tə nè.

Joyn 6:32

Yesò ə gàʼ a vəwenə la, “Ma gaʼa a ghə̀ŋ tò no nəmwèʼè la, a ko nku Mosìs əku fozhɨvə vyi a və lù kaŋ a ghə̀ŋ. A boŋsə ku Tìʼ ghom ə ku nkàyntə̀ ə fozhɨvə vyi a və lù fa kàŋ.

Joyn 6:47

Ma gàʼà a ghə̀ŋ to no nəmwèʼè la, à byɨmə no ndò mu ghə̀ lu kiʼi bwòŋ yi a ghə̀ ko lu mè.

Joyn 6:53

Yesò ə mu gàʼ a vəwenə la, “Ma gàʼà a ghə̀ŋ to no nəmwèʼè la, ghə̀ŋ sətsen faŋ ke zhɨ əwen ə Wàyn Wìʼ be ə nyʉ̀ mənlyuŋ mə wen, mu ghə̀ŋ ko ne kiʼi ə ntsìnə̀.

Joyn 8:34

Yesò ə gàʼ a vəwenə la, “Ma gaʼa a ghə̀ŋ to no nəmwèʼè la, no ndò yì a ghə̀ ne mbyɨ diʼ kəkòs a mbyɨ.

Joyn 8:51

Ma gaʼa a ghə̀ŋ tò no nəmwèʼè la, no ndò yi a ghə̀ zhʉ ziʼi ə ghomə ə ghʉ, mu ghə̀ lu tsi faŋ.”

Joyn 8:58

Yesò ə bwensə gàʼ a vəwenə la, “Ma gaʼa a ghə̀ŋ tò no nəmwèʼè la, və sə bwi Ablaham mu ma sə diʼ.”

Shwèʼ 10:11

ghə̀ yen ando kàŋ boʼmə̀, və sə shiʼsə̀ vì nə̀ kəfo a nse to nə̀ kəbàs kə ndisə kə ghoʼokə, mu və ghaŋsə fa yì təsoŋ.

Shwèʼ 7:56

Ghə̀ mù gàʼ la, “Ghə̀ŋ yen a! Ma yenə ando kàŋ boʼmə̀ be nyen Wè Wìʼ, ghə̀ ti a shyə kwoŋ toghə Nyìngòŋ.”

2 Tèsàlonyà 1:7

Ghə̀ lu nè, ghə̀ŋ viʼi a ghə̀ŋ nyenə ngəʼ luwen ghə̀ŋ kiʼi nzhʉtə, yes boŋ kiʼi. Ghə̀ ə lu nè kənyʉ̀ na kènkə azhʉ̀ a Bobo Yesò bwensə shiʼi vi fa akàŋ ə diʼi wenə wen wenə ə ntsɨŋsə wen a sə kiʼi kədyòʼ.

2 Tèsàlonyà 1:9

Nyìngòŋ ə lu byɨbsə vəwenə ə nè vəwenə kiʼi ngəʼ yì a ghə̀ ko lu mè, ə faŋke ndiʼ tebè akəshi yi a Bobo nə̀ diʼ tsu, ko ghə̀ŋ lu yenə kədyòʼ kə kaynə kə ə wen.

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

Hibùlù 1:14

Kə le diʼi la, ntsɨŋsə Nyìngòŋ sə ə diʼ to zhwi a və shyèʼ a Nyìngòŋ, Nyìngòŋ be tɨmə vəwenə la və gyamtə viʼi vi a Nyìngòŋ ə ndi ne bwòŋsə̀ vəwenə.

Ŋwàʼlə̀ Jud 1:14

Enòk, a ghə̀ vi a bàm ə ngwaʼ viʼi ntʉfə ə zìtə̀ fa chʉʼ Adàm. Ghə̀ ngaʼa li byìʼì, viʼi venə la “Ghə̀ŋ yen a, Bobo lu vi wenə ətsɨŋsə wen sə laynəsə, sə diʼ to kədə̀ŋ,

Kəmwetə 19:11

Mà sə kɨ̀blə̀ yen ando əkaŋ ə boʼmə̀, əlyəŋ ə fəfə ghə̀ tsenghə tɨmə à mò a shɨ. Əzhiʼ wìʼ a ghə̀ ə̀ ŋwʉʼ à yi kwì ə̀ ndìʼ, “Wu jùŋ yì a diʼì nəmwèʼè a ndiʼ Yesò Klistò.” Ghə̀ soʼo to ji tɨmə soynə viʼi kəbàyn ə wen.

Kəmwetə 4:1

A ndìʼ ando ənyʉ̀ venə̀ ncho, kənyʉ̀ kə bè fʉ̀ à mò a kə̀ʼ a nə̀ jòm. Mà yen əchʉ ə ngə̀ŋ ə̀ kàŋ ə̀ boʼo. Gɨ̀ ə̀ mbì yì a mà yì zhʉ ndiʼ gɨ Yesò Klistò ghə̀ gàʼà à mò kù to nə̀ ə̀soŋ bè gàʼ a mò la, “Kuʼ ə̀ vì ashyə̀ mà diʼ kənyʉ̀ kì à wù a kə diʼ ə lyɨ̀ kəshi fa bàm ənyʉ̀ venə.”