Joyn 1:44 - The New Testament in the Babanki language

⁴⁴ A ndiʼ ali, mu Filib fʉ vi to fa ntə̀ʼ Bèsaydà tanə Andɨ̀lò wenə Bità.

Joyn 1:44 Iomraidhean Croise

Matìyò 10:3

a bè dìʼ Filib nə̀ Bàtòlòmiyà; nə̀ Tòmos nə̀ Matìyò a ghə̀ ə̀ tinə kənsè; a diʼ Jems ə wyè Alphùyùs nə̀ Tàdyes;

Matìyò 11:21

“Ngəʼ ghoʼo lu ndiʼ à ghə̀ŋ, viʼi Kòlazìn bènə̀ ghə̀ŋ viʼi Bèsaydà! A tu ndiʼ la nyʉ̀ kaynəvə a və nè a ghə̀ŋ lə̀ la və nè a viʼi Tayle nə̀ viʼi Sidòn, mu tʉʼʉ bwen a vəwenə pfʉʼʉ̀ kəbʉ kəchɨ à vəwenə təwen ə̀ mòʼ fənchì ə̀ kaʼsə tətyɨm tə vəwenə fa vəwenə a mbyɨsə.

Ŋwàʼlə̀ Mak 3:18

A mbe ndìʼ Andɨ̀lò nə̀ Filib nə̀ Bàtòlòmiyà, nə̀ Matìyò, nə̀ Tomòs, nə̀ Jems wàyn Alphùyùs, nə̀ Tadiyòs, nə̀ Simon a və ndzàŋə̀ wen nə̀ Zilyòt,

Ŋwàʼlə̀ Mak 6:45

Viʼi vi nè zhɨ mwètə̀ no a zhʉ kò, Yesò gàʼ à ndzɨ̀mtə̀sə bàm wen la sə kwen a nkànuʼ ə̀ tɨm ə̀ dyʉ̀ a ndzèn a Betsadà a mbì, yì faŋ a bàm ə̀ gàʼ viʼi vi mpfwo.

Ŋwàʼlə̀ Mak 8:22

Yesò wenə̀ ndzɨ̀mtə̀sə bàm wen nè vì a Betsadà, viʼi vətsenvə vì nə̀ wìʼ à wen mu ghə̀ shɨfə̀li li sə sensə̀ la ghə̀ kum ə wen.

Ŋwàʼlə̀ Luk 10:13

“Ngəʼ ghoʼo lu ndiʼ à ghə̀ŋ viʼi Kòlazìn bènə̀ ghə̀ŋ viʼi Bèsaydà! A tu ndiʼ la nyʉ̀ kaynəvə venə a ve nè a ghə̀ŋ lə̀ la və nè a viʼi Tayà nə̀ viʼi Sidòn, mu tʉʼ bwen a vəwenə ə ŋwʉʼ kəbʉ a kəchɨ bè moʼ mənchì ndi dìʼ la vəwenə bwènsə̀ nkwitə tətyɨm tə vəwenə fà vəwenə mbyɨsə.

Ŋwàʼlə̀ Luk 6:14

A ndiʼ Simon à ghə̀ ku zhiʼi wen tsen ghə̀ nə̀ Bità, nə̀ Andɨ̀lò a ndiʼ lèmə̀ wen, nə̀ Jems nə̀ Joyn nə̀ Filib nə̀ Bàtòlòmiyà

Ŋwàʼlə̀ Luk 9:10

A ndiʼ ando viʼi ntɨm Yesò mbwènə̀ pfwo vì a wen ə shə̀ʼtə̀ no ghò a vəwenə nèli, ghə̀ lyɨ̀ vəwenə, wenə vəwenə ghʉsə viʼi ə dyʉ̀ jì fa ntə̀ʼ tsen a və dzàŋ la Betsadà.

Joyn 1:43

A sə diʼ a kənkùmtə̀ kə kətsi, Yesò ə lù ə sə dyʉ̀ a Galìlì ə yen Filib ə gàʼ a wen la ghə̀ dzɨ̀mtə̀ wen.

Joyn 1:45

Filib ə kəŋ dyʉ̀ nə̀ Nàtanyèl ə gàʼ a wen la, “Yes yen li wìʼ yi a Mosìs ə nyoʼo kumə wen a ŋwàʼlə̀ Əsoʼ li, nshə̀ʼtə̀ sə ghoʼsə ə be boŋ nyòʼ. Ghə̀ diʼ Yesò ə wu Nazalèt, ə wàyn Josèf”.

Joyn 1:46

Nàtanyèl mu bèm la, “A jùŋ zizi ghə̀ fʉ fa Nazalèt a?” Filib ə bwensə la, ghə̀ vi to vi ə yen.

Joyn 1:48

Nàtanyèl ə bèm a wen la, “Wù jèʼ ale mu kɨ mo a?” Yesò ə gàʼ la, “Mà yi yen wù azhʉ̀ yi a wù yi nyʉ̀ʼ a tsi ə fəkoʼ fə fig mibu Filib ə vi ə ndzàŋ wù.”

Joyn 12:21

vəwenə dyʉ̀ yen Filib, a diʼ wù ə ntə̀ʼ ə tsen a Galìlì və toŋtə la Bèsaydà, ə sensə wen ə gàʼ la, “Tikəbəŋ, yès əkòŋ ə yen Yesò.”

Joyn 12:22

Filib ə dyʉ̀ shə̀ʼtə̀ a Andɨ̀lò, wenə wen ə dyʉ̀ shə̀ʼtə̀ a Yesò.

Joyn 6:5

To ando ghə̀ tsoʼsə li kətʉ kə wen mù yen ənòyn ə viʼi ando ghə̀ vì, ghə̀ mù bèm a Filib la, “vəghəŋ lə zizi vəghəŋ zen ə fozhɨvə fa fe a və tu və kwʉ̀ʼ vəghəŋ zhis viʼi venə tsu a?”

Joyn 6:7

Filib bwensə ə gàʼ la, “mimbu no ndò sə mwòm kəfo to mwòmə̀ vəghəŋ diʼ ə kiʼ ə ko a ghə̀ cho ə ko a wìʼ diʼ shwèʼè a və və sàŋ ə fwomə.”

Shwèʼ 1:13

Vəwenə nè kwèn a Jelusalèm ə kwen ə̀ kuʼu dyʉ̀ a tì lùmə ngə̀ŋ kàŋ yì a vəwenə ntsi tsu. A ndiʼ Bità, nè Joyn nə̀ Jems nə̀ Andɨ̀lò, a diʼ Filib nə̀ Tomòs, à diʼ Bàtòlòmiyà nə̀ Matìyò nə̀ Jems wàyn Alphùyùs, nə̀ Simon ə wù kənsɨ̀mtə̀, à be diʼ Judàs wàyn Jems.