Joyn 1:42 - The New Testament in the Babanki language

⁴² Ghə̀ gàʼ ali ə lyɨ̀ Simon ə dyʉ̀ nə̀ wen a Yesò. Yesò ə yenə wen ə gaʼa a wen la “A diʼ wù Simon ə wàyn Joyn, ali və a toŋtə wù luwen la Sefàs.” Sefàs nə̀ Bità diʼ to zhiʼ ə mùʼ, ghə̀ diʼ la, “əghu.”

Joyn 1:42 Iomraidhean Croise

Ŋwàʼlə̀ Mak 3:16

Viʼi ntɨm a vyi ndìʼ Simon yì a Yesò nkù zhiʼ wen tsenghə nə̀ Bità,

Ŋwàʼlə̀ Luk 5:8

A ndiʼ ando Simùn Bità nyenə kənyʉ̀ a kə nlyɨ̀ kəshi, ghə̀ shiʼi à wen alwi ashɨ Yesò ə gàʼ a wen la, “Lu fa mò a mbyɨ̀ a Tìʼ. Mà diʼ wu ə byɨ!”

Ŋwàʼlə̀ Luk 6:14

A ndiʼ Simon à ghə̀ ku zhiʼi wen tsen ghə̀ nə̀ Bità, nə̀ Andɨ̀lò a ndiʼ lèmə̀ wen, nə̀ Jems nə̀ Joyn nə̀ Filib nə̀ Bàtòlòmiyà

Joyn 13:18

“Ma ko gàʼa tebè a ghə̀ŋ və tsèm. Ma kɨli ghə̀ŋ vyi a mà tsuʼ li. Alì, kənyʉ̀ kì a və nyoʼ a Ŋwàʼlə̀ Nyìngòŋ la, ‘Wìʼ ne zhɨ̀ to yo wen, sə diʼ mù ghə̀ bwenə li dzèm əwen a mò’.

Joyn 21:2

Ndzɨ̀mtə̀sə bàm ə̀ Yesò sə tsèntə diʼ to kəshi kə mùʼ sòmbo, a diʼ Saymun Bità nə̀ Tòmos yi a və toŋtə la Didimùs, nə̀ Nàtanyèl ə wàyn ə wù ə ntə̀ʼ Kanà, alòʼ ə Galìlì, nə̀ vunə Zebedì, benə ndzɨ̀mtə̀sə bàm wen sə tsensə sə bò,

Joyn 4:16

Yesò ə be gàʼ a wen la, “Dyʉ̀ dzàŋ lɨmə wù, ghə̀ŋ vi ə yèn mò.”

1 Kolìntyàns 1:12

Kənyʉ̀ kì a ma gàʼà diʼ la no ndò fa ghə̀ŋ a ntìntìn sə gàʼà to nə̀ nəkwoŋ. Viʼi vətsenvə ə gàʼa la, vəwenə dzɨ̀mtə̀ ziʼi Bol vətsevə gàʼà la, vəwenə dzɨ̀mtə̀ ziʼi Abolòs; vətsevə gàʼà la, vəwenə dzɨ̀mtə̀ ghə̀ Sefàs; vətsevə gàʼà la, vəwenə diʼ a ghə̀ Yesò.

1 Kolìntyàns 15:5

la, ghə̀ ndiʼi li wèn ə wen a Sefàs ə be diʼ a viʼi ntɨm vyi njʉ̀sə̀ bò.

1 Kolìntyàns 3:22

Kə le diʼ la, kò à diʼ Bol, kò à diʼ Abolòs kò à diʼ no tèbe Sefàs kò à diʼ mbyi ghèn, kò à diʼ ə ntsi, kò à diʼ əpfʉ̀, kò à diʼ əzhʉ̀ ghèn luwen, kò zhʉ̀ yi a ghə̀ lu vì, əfo a venə no ə tsèm tsèntə kiʼi to ghə̀ŋ.

1 Kolìntyàns 9:5

A lə diʼ la yès ko kiʼ kədyòʼ ə lyɨ̀ wùwì ə byɨmə a wùwì, ə njèʼè nə̀ wen to ando vəlemə və Bobo nə̀ Sefàs nə̀ viʼi ntɨm vətsenvə mu?

Gàlesìyà 1:18

Ma ne kuʼ a Jelusalèm no abàm ə ngʉ̀ʼ sə tàʼ ə yen Bità, yo wen ə tsitə mətsi njʉ̀sə̀ tàyn.

Gàlesìyà 2:11

A ndiʼ ando Bità nvi a Antìyòk, ma nkəŋkə li ə wen to ashɨ ə̀ viʼi byìʼì ando kənyʉ̀ ki a ghə̀ ne nko diʼ kənyʉ̀ kətɨməkə.

Gàlesìyà 2:9

A sə diʼ to ando Jems wenə Bità nə̀ Joyn a ndiʼ no nàʼ tovə ghaʼ nyʉ̀ a ntsèntə̀sə ə viʼi vəbyɨməvə yen la Nyìngòŋ ə diʼi li ətyɨm ə jùŋə ghə̀ a mò ə ne ma sə be shə̀ʼtə̀ ntɨm ə jùŋ na ghèn, vəwenə ku kəvu a yo Bànabàs, ə diʼi la yo vəwenə sə diʼ to a kənyʉ̀ kəmùʼ. Yo vəwenə mù ghʉ la, yès a nshə̀ʼtə̀ ntɨm ə jùŋ a viʼi a ko diʼ viʼi Jus vəwenə shə̀ʼtə̀ a viʼi Jus.