Joyn 1:19 - The New Testament in the Babanki language

¹⁹ Viʼi Jus vyi a və ndiʼ a Jelusalèm ə ntɨm li vəpfèm və ngə̀ŋ Nyìngòŋ nə̀ viʼi ngwaʼ ə ngə̀ŋ ə Levì la və dyʉ̀ ə bèm a Joyn ə ku a Mù la, ghə̀ diʼ ndò lo.

Joyn 1:19 Iomraidhean Croise

Joyn 1:7

la ghə̀ nvi ə ndiʼ nchwò nsòʼ kumə əbayn na ghèn nə̀ ndi viʼi zhʉ̀ nyʉ̀ vyi a ghə̀ gaʼa ə byɨmə.

Joyn 10:24

viʼi Jus vətsenvə vì zhùŋtə̀ a wen a ben ə bèm a wen la, “wù na ghʉ yès ə yès kəʼtə ə zaʼa fa ze? Shə̀ʼtə̀ a yès əbòʼ a ndayn a zhʉ a wù diʼ Wìʼ yi a və tsuʼ li ə ghʉ.”

Joyn 10:31

Ali viʼi Jus sə be boŋtə nguʼsə ə temlə wen tsu.

Joyn 11:19

viʼi Jus diʼ tsu, to kədə̀ŋ a və nvi ə chɨmsə Matà wenə Mèli a pfʉ̀ lèmə̀ vəwenə.

Joyn 2:18

Viʼi Jus ə na bwènə̀ vì ə bèm a Yesò la, “Wù zizi wù ne no kənyʉ̀ kəkaynəkə kə kò ə diʼ la à ku Nyìngòŋ ə ku kədyòʼ la wù ə nè nyʉ̀ venə a?”

Joyn 2:20

Vəwenə be bèm a wen la, “A wù zizi wù bwènsə̀ bwòm ngə̀ŋ na ghèn to a mətsi ə ntàʼ mu və lyɨ ngʉ̀ʼ məwumə ə nkàʼ a njʉ̀sə̀ ntʉfə mi bu ə bwòm a?”

Joyn 5:10

Tʉtʉ viʼi Jus vətsevə ə nyen li, ə wen mu gàʼ a wen la, “Layn diʼ ə Chʉʼ lòʼ, Əsoʼ ə ko byɨmə la wù ə jèʼe chò nə̀ ghamə.”

Joyn 5:15

Wìʼ ghèn mu lù a zhʉ a ghèn ə dyʉ̀ ə gàʼ a viʼi Jus a vi la, à tə chʉʼ Yesò chʉʼ wen.

Joyn 5:16

Vəwenə zìtə̀ ə sə tenlə nə̀ Yesò byìʼì ando ghə̀ chʉʼ wìʼ a kətsi kə chʉʼ lòʼ.

Joyn 5:18

Əgaʼa ghenə mu ne viʼi Jus mu sə kəŋ jisə ə zhwi wen byìʼì ando ghə̀ nko kwaʼa to soʼ kətsi kə tʉʼ loʼ, ali be sə toŋtə Nyìngòŋ nə̀ Tìʼ wen diʼi la ghə̀ diʼi ndə̀ŋndəŋ wenə Nyìngòŋ.

Joyn 6:41

Ghə̀ ngàʼà alì, viʼi Jus zhʉ ə sə dèmkə̀ byìʼì kənyʉ̀ ki a ghə̀ ə ngàʼà la ghə̀ diʼ ə fozhɨvə vyi a və lu fa kàŋ.

Joyn 6:52

Yesò ə gàʼa alì, kənyʉ̀ a kì kə zaf viʼi Jus na vi, vəwenə kəŋkə̀ no nànto ə bèm la, “Wìʼ ghèn ə gàʼ la ghə̀ zizi ghə̀ ku wen ə wen a ale la vəghəŋ zhɨ a nə̀ fozhɨvə a?”

Joyn 7:1

A sə ndiʼ fa abàm nyʉ̀ venə, Yesò mu sə jèʼe kaʼkə to fa Galìlì, ko ghə̀ be kòŋ ə dyʉ̀ a Jùdiyà byìʼàndo viʼi Jus ndiʼ tsu, kəŋə ə zhwi wen.

Joyn 7:11

Viʼi Jus dyʉ̀ ə sə kəŋ wen fa tsu bèmə la, “ghə̀ ye lo?”

Joyn 7:15

Viʼi vətsenvə nə̀ viʼi Jus zhʉ ziʼi ə wen ə sə diʼ nə̀ əkaynə ə sə bèmə la, “Wìʼ ghèn jèʼ ale ə kɨ nyʉ̀ venə ko andiʼ la ghə̀ təmə dyʉ̀ a ngə̀ŋ ŋwàʼlə̀ a?”

Joyn 8:22

Viʼi Jus sə bèm la, “Ghə̀ lə gàʼ la vəghəŋ zizi ko və lu dyʉ̀ akəshi ghèn a ghə̀ dyʉ̀, kə diʼi la gho? Ghə̀ kəŋə ə zhwi wen əwen mu?”

Joyn 8:48

Viʼi Jus vətsenvə ə mu gàʼ a Yesò la, “Wu a gaʼa yès ko tə ə gàʼ to nəmwèʼè la wù diʼ wù ə Sàmalìyà, be kiʼi kəzhwì kə kəbyɨkə.”

Joyn 8:52

Vəwenə ə gàʼ a wen la, “Yès ə mu sùtə̀ nkɨ luwen la wu kiʼi kəzhwì kə kəbyɨkə! Ablaham nə̀ nshə̀ʼtə̀sə ghoʼkəsə ə mpfʉ̀kəli, ali wù sə gàʼa la, no ndo yi a ghə̀ ghʉ kənyʉ̀ a wù ziʼi mu ghə̀ ko be lu pfʉ.

Joyn 8:57

Viʼi na vyi ə bèm la, “wù ko tɨmə ə zàʼa ngʉ̀ʼsə məwumə ə tàyn, sə kɨ Ablaham mu wù ə yen wen fe?”

Shwèʼ 13:25

Andìʼ ando Joyn ə mwètə̀ dyʉ̀ nə̀ shyèʼè wen, ghə̀ bèm à viʼi la, ‘Ghə̀ŋ ə kwòʼtə̀ la mà dìʼ ndò? Mà ko dìʼ wìʼ yì a ghə̀ŋ ə kwòʼtə̀ la mà diʼi wen lì. Wìʼ ayì vì fà mò bàm, kò ndiʼ la mà kwʉʼʉ li əzàytə mpfʉ̀sə gwʉsə wen.’

Shwèʼ 19:4

Bol mù gàʼ la, “Joyn nku mu à viʼi vyi a və nkwitə tətyɨm tə vəwenə be gàʼ à viʼi a vyi la, vəwenə dìʼi byɨmə à wìʼ yì a ghə̀ ndiʼì nè vì fa wen a bàm, adiʼ Yesò.”

1 Joyn 1:5

Ntɨm ghèn a yès ə shə̀ʼtə̀ à ghə̀ŋ luwèn dìʼ mu yès ə nzhʉ̀ fà Yesò Klistò. Ntɨm ayì dìʼ la: Nyìngòŋ diʼi əbayn ko mfɨnə̀ lù ndiʼ a wen no fa mpfen.