Joyn 1:11 - The New Testament in the Babanki language

¹¹ Ghə̀ nvi li ə zàʼa to no a vəwenə a loʼ, viʼi wen tyen la və ko a shisə ə wen.

Joyn 1:11 Iomraidhean Croise

Matìyò 15:24

Yesò gàʼ à wùwì ayì la, “Nyìngòŋ tɨm mo tò à viʼi Islel vi a və diʼì tò nə̀ byisə vənjɨ̀ sə lekəsə.”

Ŋwàʼlə̀ Luk 19:14

A ndiʼ ali, viʼi shə̀ loʼ a vyi bàynə̀ wen ə tɨm viʼi la və dyʉ̀ a kəshi a ghə̀ dyʉ̀ tsu ə gàʼ la vəwenə ko kòŋ la ghə̀ soʼ vəwenə.

Joyn 1:10

Ntɨm ə Nyìngòŋ ə nvi li a mbi, ali viʼi mbyi mo wen no tèbe ando mbi ayi ndiʼ mu à shɨtə wen.

Joyn 1:12

Alì, viʼi vətsenvə shisə wen ə byɨmə a wen, ghə̀ kù kədyòʼ la vəwenə ndiʼ vunə Nyìngòŋ.

Joyn 19:27

ə be bwensə gàʼ a dzɨ̀mtə̀ wen na yì la, “Wu kɨ la ghèn diʼ lì wù.” Ə zìtə̀ fa kətsi na yi, dzɨ̀mtə̀ əbam Yesò na yì ə lyɨ̀ lì Yesò, ghə sə tsi a wen a kəbəŋ.

Joyn 3:32

ghə̀ shə̀ʼtə̀ to kikə a ghə̀ yen li be zhʉ̀, ali viʼi ko byɨmə kənyʉ̀ a ghə̀ gaʼa

Shwèʼ 13:26

“Vəlèmə̀ vwomə, vunə Ablaham, bènə̀ viʼi tɨm no vətsèm a və diʼ a shyə̀, ghoʼsə̀ Nyìngòŋ, ntɨm jùŋ ghèn a ghə̀ vì nə̀ bwòŋ à viʼi dìʼ mu və tɨm à vəghəŋ.

Shwèʼ 13:46

Bol wenə̀ Balnabas be sə̀ tùʼù shə̀ʼtə̀ dyʉ̀ tò a mbì la, “Kə tə bòŋ ando yès tə shə̀ʼtə̀ ntɨmə Nyìngòŋ à ghə̀ŋ a mbì, alì ghə̀ŋ ntensə sə dìʼì la ghə̀ŋ ko kwʉ̀ʼ ə lu kiʼi bwòŋ yi a ghə̀ faŋə̀ fa ghanə mùʼ lì. Yès a ghʉsə ghə̀ŋ luwèn ə dyʉ̀ à viʼi tɨm.

Shwèʼ 21:6

Yo vəwenə nè tòŋtə mè yès kwen a kəbaŋ kə a mù ə̀ lù, vəwenə mù bwènə̀ sə pfwo.

Lumans 15:8

Ghə̀ŋ kɨli la Yesò ə nvi a wù ə shwèʼè a viʼi Jus ə diʼ a vəwenə la kənyʉ̀ kəwʉkə ə Nyìngòŋ ə ko nə̀ fəŋ. Ghə̀ nè alə ə lwinsə kənyʉ̀ kəghʉ kə kì a Nyìngòŋ ə ghʉ a vətìʼ və vəwenə.

Lumans 9:1

Ma kəŋ ə gàʼ kənyʉ̀ luwen kə diʼ to no nəmwèʼè, fʉ̀ to no fa mo tyɨm, à diʼi Kəzhwì kə Ŋwoʼkə. Ma gàʼa to nəmwèʼè byìʼì ando ma diʼi to kənyʉ̀ kə mùʼ yo Yesò.

Lumans 9:5

Vətiʼi və vəwenə ə ndiʼ viʼi Nyìngòŋ. Yesò no nə̀ wenə wen ə nvi a nse to nə̀ wù əloʼ vəwenə. Nyìngòŋ ə ndiʼ a kətʉ kə əfo ə tsèm, viʼi diʼ ə nkuʼsə wen to məzhʉ̀ ə tsèm. Amèyn.

Gàlesìyà 4:4

Əzhʉ lu kuʼ kwʉ̀ʼ, Nyìngòŋ ə tɨm Wàyn wen. A mbwi wùwì bwi wen, ghə̀ kwi kuʼ a tyi Əsoʼ viʼi Jus,