Joyn 1:10 - The New Testament in the Babanki language

¹⁰ Ntɨm ə Nyìngòŋ ə nvi li a mbi, ali viʼi mbyi mo wen no tèbe ando mbi ayi ndiʼ mu à shɨtə wen.

Joyn 1:10 Iomraidhean Croise

Matìyò 11:27

Yesò bè gàʼ à viʼi la, “Tìʼ ghom ə ku li tofə nyʉ̀ tsèm à mò. Wìʼ zì kò ghə̀ lə̀ kɨ̀ wàyn à bwen tò tìʼ wen, kò a ndiʼ la wìʼ zì ghə̀ kɨ tìʼ a bwen tò wàyn bènə̀ viʼi vyi a wàyn kòŋə̀ ə shə̀ʼtə̀ à vəwenə.

Joyn 1:11

Ghə̀ nvi li ə zàʼa to no a vəwenə a loʼ, viʼi wen tyen la və ko a shisə ə wen.

Joyn 1:18

Wìʼ ə ko tɨmə yen Nyìngòŋ. A diʼ to wàyn Nyìngòŋ yì əmùʼ a ghə̀ diʼi nkàyntə̀ Nyìngòŋ, mu nyʉ̀ʼ to a ben nə̀ Bobo, a ghə̀ diʼi li to ando Nyìngòŋ diʼ a viʼi.

Joyn 1:3

Nyìngòŋ ə shɨtə ə fo ə tsèm ə chò fa wen, mu à mbwen fa wen mu və ko nshɨtə no tèbe ghò yi a və ndiʼ mù və shɨtə li.

Joyn 1:5

Ə bayn na ghèn ə baynə a ntìntìn kəbəŋ kə fenəkə, ali kəbəŋ kə fenəkə na kènkə nzizi ko kə lu lemsə.

Joyn 17:25

Tìʼ ə jùŋ yi a wù soʼo to ji tɨmə, viʼi mbyi ko kɨ wù ali ma kɨ, venə a wù kù a mò lə̀, kɨ la à tɨm wù tɨm mo.

Joyn 5:17

Yesò ə gàʼ a vəwenə la, “Tìʼ ghom ənè ə shwèʼè wen no məzhʉ̀ ntsèm, nkàyntə̀ mò diʼ be ə nshwèʼè tò alì.”

Shwèʼ 14:17

alì ko ghə̀ lù fàŋ ke dìʼ à viʼi a ndayn nki Nyìngòŋ a ghə̀ dìʼi wen əchò fa nyʉ̀ jùŋ və vi a ghə̀ nè. Ghə̀ nè ghʉ shiʼì fozhɨvə be kwi a təsɨm tò a zhʉ jùŋghə. Ghə̀ ku fozhɨvə à ghə̀ŋ be nè tətyɨm tyəŋtə saŋlə̀.”

1 Kolìntyàns 1:21

Nyìngòŋ ə nyen li fa wen a tof la viʼi ko lu kɨ tebè wen nə̀ ətof ə ngəŋ ə vəwenə. Ghə̀ boŋsə ghʉ̀ la ghə̀ be lù bwòŋsə viʼi vyi a və zhʉ ntɨm yì a yès ə shə̀ʼtə̀ ə byɨmə no tèbe ando viʼi vətsenvə gàʼa la à diʼ kəkoynkə kənyʉ̀.

1 Kolìntyàns 2:8

Nò wù ə soʼo ə mùʼ a mbyi a shèn ə nko kɨ ətof na ghenə. A tu ndiʼ la vəwenə nkɨ li, mu vəwenə nko ə bayntə Bobo yi a ghə̀ kiʼi kùʼsə.

1 Kolìntyàns 8:6

à diʼ a vəghəŋ, vəghəŋ kɨ la, Nyìngòŋ ə diʼ to əmùʼ, a diʼ Tìʼ. A shɨtə wen ə shɨtə no fo ə tsèm ə ne la vəghəŋ ə ntsi, gumlə wen. A be diʼ to Bobo ə mùʼ, a yi Yesò Klistò, mu və ə nshɨtə fo ə tsèm chò fa wen, vəghəŋ sə tsi to byìʼì wen.

Kòlòsyàns 1:16

Nyìngòŋ ncho fa wen ə shɨtə no tèbe ghò yi a ghə̀ diʼi akàŋ nə̀ əfo ə tsèm vi a və diʼi a nse. Nyìngòŋ ə nshɨtə əfo vi a wìʼ zi ghə̀ yenə nə̀ vi a wìʼ zi ko ghə̀ lə yenə. Ghə̀ ə nshɨtə zhwi vi a və kiʼi kədyòʼ nə̀ vi a və soʼo nə̀ vi a və tisə. Nyìngòŋ ə nshɨtə fo ə tsèm chò fa a wen. Ghə̀ nshɨtə fo na vyi a wen.

Hibùlù 11:3

A nè əbyɨmə la vəghəŋ nkɨ nəmwèʼè la Nyìngòŋ ə nshɨtə mbyi to nə̀ ghɨ chʉ̀. Kə lə diʼi la no tèbe ghò a vəghəŋ ə yenə diʼ ko və nshɨtə nə̀ kəfokə a və yenə.

1 Joyn 3:1

Ghə̀ŋ yen ə kòŋ a Nyìngòŋ ə dìʼì à vəghəŋ no ghoʼo a ghə̀ ne li və sə dzàŋə̀ vəghəŋ nə̀ vunə Nyìngòŋ. A mu diʼ nəmwèʼè. Kənàʼ kə kənyʉ̀ a viʼi mbyi ko kɨ̀ vəghəŋ dìʼ la vəwenə nko kɨ Nyìngòŋ.