Joyn 1:1 - The New Testament in the Babanki language

¹ Andiʼ no mibu mbyi zìtə̀, mu Ntɨm ə Nyìngòŋ sə diʼ. Ghə̀ ndiʼ wenə Nyìngòŋ, ghə̀ diʼ nkàyntə Nyìngòŋ.

Joyn 1:1 Iomraidhean Croise

Matìyò 1:23

“Zhʉtə a! wùwì a ghə̀ ko təmə̀ kɨ wulɨm lu gùf ə bwi wàyn wulɨm a və lu chʉ zhiʼ wen nə̀ Emanuwèl a ghə̀ dìʼì la ‘Nyìngòŋ dìʼ wenə vəghəŋ’”.

Ŋwàʼlə̀ Luk 24:53

ə sə̀ kuʼsə̀ Nyìngòŋ no me zhʉ tsèm a wen a ngə̀ŋ.

Joyn 1:14

Ntɨm Nyìngòŋ na ghèn ə kaʼkə li sə diʼ wìʼ, ə vi tsitə a vəghəŋ a ntìntìn. Yès ə yen li kədyòʼ kə kaynəkə ə wen, kədyòʼ a ghə̀ kiʼi to nə̀ wàyn Nyìngòŋ a ghə̀ diʼ to əmùʼ li. Ghə̀ nlù fa ben ə Bobo ə vi kiʼi kusə nshinsə no mwènmwèn nə̀ no tèbe a ghò yi a ghə̀ diʼ nəmwèʼè kumə Nyìngòŋ.

Joyn 1:18

Wìʼ ə ko tɨmə yen Nyìngòŋ. A diʼ to wàyn Nyìngòŋ yì əmùʼ a ghə̀ diʼi nkàyntə̀ Nyìngòŋ, mu nyʉ̀ʼ to a ben nə̀ Bobo, a ghə̀ diʼi li to ando Nyìngòŋ diʼ a viʼi.

Joyn 1:2

Ghə̀ ndiʼ wen nə̀ Nyìngòŋ no fa kənzìtə.

Joyn 16:28

Mà tə lù fa ben nə̀ Tìʼ mibu vi a mbyi, bwenə dyʉ̀ a ben nə̀ Tìʼ.”

Joyn 17:5

Lyɨ mo luwen a wù ben a Tìʼ ghom, ndi viʼi ku əkuʼsə yi a mò a yowù ə nkiʼi mibu və shɨtə mbyi.

Joyn 20:28

Tòmos ə toŋtə wen ə gàʼ la, “Bobo ghom, Nyìngòŋ ghòm!”

Joyn 8:58

Yesò ə bwensə gàʼ a vəwenə la, “Ma gaʼa a ghə̀ŋ tò no nəmwèʼè la, və sə bwi Ablaham mu ma sə diʼ.”

Lumans 9:5

Vətiʼi və vəwenə ə ndiʼ viʼi Nyìngòŋ. Yesò no nə̀ wenə wen ə nvi a nse to nə̀ wù əloʼ vəwenə. Nyìngòŋ ə ndiʼ a kətʉ kə əfo ə tsèm, viʼi diʼ ə nkuʼsə wen to məzhʉ̀ ə tsèm. Amèyn.

Efisyàns 3:9

be shə̀ʼtə̀ diʼ laynsə ji yì a shwèʼ ə kaynə ghə̀ Nyìngòŋ a ghenə nə̀ jèʼe fa tsù a no ndò. Nyìngòŋ yi a ghə̀ shɨtə əfo ə tsèm ə nko ndiʼi a no wìʼ fa viʼi ambì.

Filìbàyns 2:6

Ghə̀ ə̀ mbè ndiʼ Nyìngòŋ alì kò ghə̀ lù kwòʼtə̀ əlyɨ̀ əwen ə wen ndə̀ŋndəŋ wenə Nyìngòŋ.

Kòlòsyàns 1:15

Wìʼ zizi ko ghə̀ lu yen Nyìngòŋ. Wàyn wen diʼ kədèmdèm kə wen. Ghə̀ diʼ kənfɨsə kə Nyìngòŋ. Mibu Nyìngòŋ nsə nè no ghò mu ghə̀ nsə diʼ. Ghə̀ di Wàyn mbì ə Nyìngòŋ.

Kòlòsyàns 1:17

Wàyn Nyìngòŋ ə nsə diʼ mibu və shə̀ʼtə̀ no tèbe ghò. A diʼi wen yi a ghə̀ ne la no tèbe gho ə ndiʼ akəshi yi a kə diʼ tsu.

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

Taytùs 2:13

Adìʼ a ji aghèn a vəghəŋ diʼ ntsi fa tsu ando vəghəŋ ə kə̀ʼtə̀ kətsi kə kanəkə kì a Nyìngòŋ ə mbwòŋsə̀ vəghəŋ və Yesò Klistò a ghə̀ kiʼi kədyòʼ kə gho kə lu bwènə̀ vì.

Hibùlù 13:8

Yesò Klistò diʼ layn, to ndə̀ŋndəŋ ando ghə̀ nə̀ ndiʼ fa ambì, diʼ lu ndiʼ to ali zaʼa fa no fa ze.

Hibùlù 7:3

A diʼ a Ŋwàʼlə̀ Nyìngòŋ ko ndiʼ la və shə̀ʼtə̀ la tiʼi wen ndiʼ ndò lo, lì wen diʼ ndò lo. Və ko gàʼ tèbe kənyʉ̀ kumə vətiʼi vəwenə, ko və lù ə gàʼ kənyʉ̀ kumə ə tʉʼ yi a və mbwi wen nə̀ ə tʉ a ghə̀ mpfʉ. Kə le diʼi la ghə̀ faŋ li a pfèm ngə̀ŋ Nyìngòŋ to ə ghayn ə mùʼ to ando Wàyn Nyìngòŋ nfaŋ li to ghàyn ə mùʼ.

2 Bità 1:1

A nyoʼo mò Saymun Bità nyoʼo ŋwàʼlə̀ ghèn. Ma diʼ wù ə shwèʼè ə Yesò Klistò be diʼ wù ə ntɨm ə wen. Ma nyoʼo ŋwàʼlə̀ na ghèn a ghə̀ŋ vi a ghə̀ŋ byɨmə li a Yesò Klistò to nə̀ yes. Əbyɨmə na ghenə ə boŋə a ghə̀ŋ to ndə̀ŋndəŋ ando ghə̀ bòŋə a yès. Yesò Klistò ə ne vəghəŋ kiʼi əbyɨmə na ghenə byìʼì ando ghə̀ diʼi wu kənyʉ̀ kətɨməkə. Ghə̀ diʼ Nyìngòŋ ə vəghəŋ mu ghə̀ mbwòŋsə̀ li vəghəŋ fa mbyɨsə.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

1 Joyn 5:7

A dìʼ kəzhwì kəŋwoʼkə diʼ wu yenə a nyʉ̀ avenə byìʼàndo kəzhwì akènkə diʼ nəmwèʼè.

Kəmwetə 1:11

ə gaʼa la, “Nyòʼo ənyʉ̀ venə a wù yenə lə̀ a tì ŋwàʼlə̀ ə̀ tɨ̀m à ntsèntə̀sə viʼi və byɨməvə shì sòmbo: tɨm a Efesùs, ne Smylna, nə̀ Belgamum, a Tatiliyà, nə̀ Saldìs, nə̀ Fìlàdefìyà bènə̀ a Ladesiyà.”

Kəmwetə 1:17

Mà ə̀ nyèn ə wen no a zhʉ̀ kò ə̀ fə̀ŋ à wen a shɨ sə̀ diʼ to nə̀ ə mpfʉ nse. Ghə̀ ghʉ kəvu kəkwoŋ ə toghə wen à mò a kətʉ ə̀ gàʼ la, “Kə a fàyn! mà dìʼi ə mbì be diʼ ə bàm,

Kəmwetə 1:2

Joyn ə nshə̀ʼtə̀ li ənyʉ̀ no tsèm ando ghə̀ ə̀ yenə. Ghə̀ nə̀ diʼ əgàʼ ə wen ə kùm ə ntɨm yì fà Nyìngòŋ bènə̀ nəmwèʼè yì a Yesò Klistò ndìʼi à wen a ndayn.

Kəmwetə 1:8

Bobo Nyìngòŋ ə Tìʼ àdyoʼ ə̀ tsèm yì a ghə̀ ə̀ ndìʼ, diʼ be diʼ ə lu ndiʼ gàʼ la, “Mà dìʼ ə mbì be diʼ əbam.”

Kəmwetə 19:13

Ghə̀ ə̀ ndìʼ mu ghə̀ mòʼ ndisə mu və chʉ li a mənlyuŋ. Əzhiʼ a və ndzàŋə̀ wen tsu ə̀ ndìʼ la, “Əgàʼ ə Nyìngòŋ.”

Kəmwetə 2:8

Ghə̀ bè gàʼ la, “Nyoʼo à ntsɨ̀ŋ ngə̀ŋ Nyìngòŋ a ngə̀ŋ ntsèntə̀ viʼi və byɨməvə a Smylna la: Ghèn dìʼ ntɨm fà wìʼ yì a ghə̀ dìʼ ə mbì be diʼ ə̀ bàm, wìʼ yì a ghə̀ mpfʉ ə̀ bè bwènsə̀ lù fa pfʉ.

Kəmwetə 21:6

Ghə̀ ngaʼa li mbe gaʼa a mò la, “Ənyʉ̀ ə tsèm ə kuʼu li! Ma diʼ Alfà be diʼ Omegà, mu à lə kəzìtə̀ nə̀ kəmwètə kə nyʉ̀ ə tsèm. Ma na ku mu no tèbè a ndò yi a ətoŋ mu nə̀ zɨmtə wen, a ghə̀ nyʉ ə faŋ kò ghə̀ lə lòʼ kəfo. Mu na mèyn ə na fʉ̀ fa, ə ghoʼomə yi a ghə̀ nè viʼi tsi.

Kəmwetə 22:13

Ma diʼ Alfà be diʼ Omegà, mu à le kəzìtə̀ nə̀ kəmwètə kə nyʉ̀ ə tsèm.”

Kəmwetə 3:14

Ghə̀ bè gàʼ à mò la, “Nyòʼo à ntsɨ̀ŋ ə̀ ngə̀ŋ ə̀ Nyìngòŋ yì a ghə̀ ə diʼì a ntsèntə̀ viʼi və byɨməvə a Ladesiyà la: Ghèn diʼ ə ntɨm a ghə̀ lu fà wìʼ yì a dzàŋə̀ nə̀ Amèyn, à diʼ ə̀ wen diʼ wu jùŋ yì a diʼì wu yen nəmwèʼè byìʼì Nyìngòŋ. Nyìngòŋ ə̀ nshɨ̀tə no ghò a mbi ə chò fà wen.