Jems 5:14 - The New Testament in the Babanki language

¹⁴ A sətsèn wìʼ ndiʼ à ghə̀ŋ a ntìntìn a ghə̀ kwaʼà. Ghə̀ dzàŋə vəchəʼ və ngə̀ŋ Nyìngòŋ və vi ə̀ jɨ̀m à wen à kətʉ ə̀ zuʼu wen nə̀ məzhiʼ a zhiʼ Bobo.

Jems 5:14 Iomraidhean Croise

Ŋwàʼlə̀ Mak 16:18

Vəwenə sətsèn ghàʼ zhusə ko zhɨ ləʼ kò kənyʉ̀ kə à nè vəwenə. Vəwenə a nghʉ avu a tʉ viʼi və kwaʼkəvə, vəwenə to.”

Ŋwàʼlə̀ Mak 6:13

Vəwenə ndzɨ̀mə̀ shìsə̀ zhwì byɨvə fà viʼi a təwèn no vəghoʼo be zuʼu viʼi vəkwaʼkəvə no vəghoʼo chʉʼʉ vəwenə.

Shwèʼ 11:30

Vəwenə tsèntə̀ fo a vyi ə̀ tɨ̀m Balnabas wenə̀ Saul la vəwenə lyɨ̀ ə̀ dyʉ̀ nə̀ wenəvə à vəchəʼ və ngə̀ŋ Nyìngòŋ.

Shwèʼ 14:23

Andìʼ no a ntsèntə̀ viʼi vəbyɨməvə,ko Bol wenə̀ Balnabas ə tsuʼ vəchəʼ və ngə̀ŋ Nyìngòŋ, ə̀ kù à vəwenə. Vəwenə nè tsu, vəwenə jɨ̀mə̀ bè bàmə chʉ̀ mù ghʉ̀sə vəchəʼ a vyi a avu Nyìngòŋ yì a vəwenə nghʉ choʼsə vəwenə à wen.

Shwèʼ 15:4

Vəwenə nè dyʉ̀ zaʼa a Jelusalèm, nòyn viʼi vəbyɨməvə, nə̀ viʼi ntɨm Yesò bènə̀ vəchəʼ shisə vəwenə. Vəwenə shə̀ʼtə̀ à viʼi avenə ando Nyìngòŋ tə ngyàmtə̀ vəwenə, vəwenə nè no tè ghò a vəwenə tə nkəŋə ənè.

Shwèʼ 28:8

A ndìʼ a lì, tìʼ Bubliyus kiʼ bvìʼ, bèm ə wen be tsuʼu. Bol kwen dyʉ̀ a tì ngə̀ŋ yì a ghə̀ nyoŋ tsu, ə̀ ghʉ avu wen à wen a kətʉ ə̀ jɨ̀m, kwaʼa ayi mè.

Shwèʼ 9:40

Bità gàʼ la vəwenə no vətsèm fʉ̀ a kəbəŋ. Vəwenə fʉ̀kə̀, Bità mù gwʉ̀ʼtə alwi wen a nse ə̀ jɨ̀m à Nyìngòŋ, nè jɨ̀m ə̀ mè ə̀ fùʼtə gàʼ à bvenə ayi la, “Tabita, lu.” Ghə̀ bòʼtə̀ ashɨ wen sə lye àdìʼ Bità, ghə̀ lù ŋwʉʼʉ ŋwʉʼʉ.

Taytùs 1:5

Mà tə̀ ghʉ̀sə wù a Klete la wù myetə shyèʼ yi a ghə̀ tə̀ fàŋ tsu ə̀ bè tsùʼtə vəchəʼ və ngə̀ŋ Nyìngòŋ no a ntə̀ʼ ko ando mà tə gàʼ à wù.