Jems 4:8 - The New Testament in the Babanki language

⁸ Ghə̀ŋ vìtə̀ boʼsə Nyìngòŋ a ghə̀ a vìtə̀ ə boʼsə ghə̀ŋ. Ghə̀ŋ shʉ avu a ghəŋə fa nyʉ̀ byɨvə ghə̀ŋ ə viʼi nè nyʉ̀ byɨvə venə. Ghə̀ŋ shʉ tətyɨm ə təŋtə fa nyʉ̀ byɨvə ghə̀ŋ a viʼi tətyɨm tə̀ bò venə.

Jems 4:8 Iomraidhean Croise

Matìyò 12:33

Yesò bè ziʼì la, “Wù sətsèn lyɨ̀ la ashɨ fəkòʼ diʼ à jùŋə ghə̀ mu wù diʼi be lyɨ̀ la fəkòʼ a fìfə diʼ fə jùŋfə, ə̀ lyɨ̀ la ashɨ fəkòʼ diʼ à byɨghə mu wù diʼi be lyɨ̀ la fəkòʼ a fìfə diʼ fə byɨfə, byìʼàndo və nə̀ nkɨ fəkòʼ tò fà yì ashɨ.

Matìyò 15:2

“Byìʼì ghò a ndzɨ̀mtə̀sə bàm wù sə ko tsi ntsìnə̀ vətìʼ və vəghəŋ a? Vəwenə nə̀ mbʉʼsə nzhɨ kò vəwenə lə shʉ̀ avu vəwenə.”

Matìyò 27:24

Bilate nè yèn la ghə̀ yènə ngəʼ tò kədyàŋ mu soyn zi ghə̀ be fʉ̀, ghə̀ lyɨ̀ mu ə shʉ̀ avu wen tsu tò vəwenə a shɨ gàʼà la, “mà ko kiʼ kəvu a pfʉ wìʼ ghèn. Nsoʼ ghə̀ŋ.”

Shwèʼ 15:9

Ghə̀ ndiʼì li la nəkwoŋ ko diʼ à viʼi tɨm fà vəghəŋ a ji la ghə̀ nshʉ li mbyɨsə fà vəwenə a tətyɨm byìʼàndo vəwenə mbyɨmə̀ à Bobo.

2 Kolìntyàns 7:1

Luwen ando Nyìngòŋ ə ghʉ̀ li nyʉ̀ a venə a vəghəŋ a doŋ shomsə jùŋsə, kə bòŋ la vəghəŋ mwomsə ə nyɨŋ ə bwenə fa abàm nyʉ̀ yi a və vi nə̀ kəməŋkə a njòsə wen, be nə̀ a vəghəŋ kəzhwì. Vəghəŋ boŋsə fwàynə̀ Nyìngòŋ, laynə kwʉ̀ʼ.

1 Timotì 2:8

Mà kəŋ la lyʉmə a vəwenə ku li təwen tə vəwenə a Nyìngòŋ no te fe ə jɨ̀m, nə̀ tətyɨm tə laynə tə, kə vəwenə a nkiʼ tin əfwi ko kəngùmə̀ wenə viʼi.

Hibùlù 10:22

vəghəŋ choʼsə li to a Yesò ə kwentə dyʉ̀ boʼsə a Nyìngòŋ to nə̀ ətyɨm vəghəŋ no tsèm. Kə vəghəŋ a sə vi ə nvi nə̀ fwaynə la və a gham vəghəŋ a kənyʉ̀ byìʼì ando mənlyuŋ mə Yesò Klistò shʉ li làynsə tətyɨm tə vəghəŋ, və be shʉ̀ vəghəŋ, vəghəŋ ə làynsə to sə və shʉ̀ vəghəŋ nə̀ mu mə laynə mə.

Hibùlù 7:19

Əsoʼ ə Mosìs nko kiʼi tebè kədyòʼ ə nè la wìʼ diʼ wù kənyʉ̀ kətɨməkə ashɨ Nyìngòŋ. Alì luwen, kənyʉ̀ kə kədyàŋ a və kɨ kə kuʼmə chò əsoʼ, a kə diʼi ji la vəghəŋ nkwèntə boʼsə dyʉ̀ a Nyìngòŋ.

Jems 3:17

Tof a ghə̀ lù fà kàŋ ə chò mbì ŋwòʼə̀, kòŋə̀ mbwaʼmə̀, kòŋ əzhʉtə nyʉ̀ ə viʼi vətsenvə, kiʼ kusə nshinsə be nè nyʉ̀ juŋəvə no ghoʼo. Ghə̀ lyɨ̀ viʼi vətsèm tò ndə̀ŋndəŋ ko a ndiʼ la ghə̀ kiʼ kəmbɨ̀lə̀.

1 Bità 1:22

Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.

1 Bità 3:21

Mu na mèyn a vəwenə ə lyeʼə fa yi akwi ə bwòŋ lə ə diʼi shi a mu yì a ghə̀ŋ shi luwen əbwòŋ chò fa Yesò Klistò ə diʼ la ghə̀ŋ maʼa li mbyɨ shəŋsə. Ma ko gàʼa kumə tèbè mu mì a ghə̀ŋ shʉ əwenə ghenə tsu, ma gàʼa kumə kənyʉ̀ a ghə̀ŋ ghʉ li la tətyɨm ə təŋtə ne laynə ashɨ Nyìngòŋ. Mu a mèyn ə bwòŋsə ghə̀ŋ chò fa məlù yi a Yesò Klistò ə lùli fa pfʉ.

1 Joyn 3:3

No tè ndò a ghə̀ ŋwʉʼ ghʉ ətyɨm ə wen à wen ə ghʉ ngə̀ŋ kətʉ ə wen nə̀ laynə no tè ando Klistò ə laynə.