Jems 4:4 - The New Testament in the Babanki language

⁴ Viʼi venə a vəwenə ko ghʉ tətyɨm tə vəwenə à Nyìngòŋ lə̀, ghə̀ŋ ə be kò kɨ̀ la wìʼ a ghə̀ kòŋə̀ fo nse dìʼ wù kəbàyn à Nyìngòŋ? Kə lì dìʼì la no ndò a ghə̀ kòŋə̀ ndiʼ ndoŋ wenə̀ fo nse dìʼ wù kəbàyn ə̀ Nyìngòŋ.

Jems 4:4 Iomraidhean Croise

Matìyò 12:39

Yesò bwènsə̀ gàʼ la, “viʼi mbyi layn ə nè nyʉ̀ byɨvə kò və lə̀ nghʉ tətyɨm tə vəwenə à Nyìngòŋ mù sə bèmə̀ nchwi. Ghə̀ŋ ko a yen ə nchwi tsen a bwen tò nchwi nshə̀ʼtə̀ ə Jonà.

Matìyò 16:4

A dìʼ tò kəlyɨŋ kə byɨkə anə̀ kènkə a kə ko ghʉ tyɨm wen à Nyìngòŋ a kə zì kə mbèmə̀ kəchwitə. Ghə̀ŋ ko a yen kəchwitə kətsenkə əchò tò nchwi Jonà.” Ghə̀ gàʼ a lì ə lù mòʼtə̀ vəwenə.

Matìyò 6:24

“Wìʼ ə zi ko ghə̀ lə ə ndìʼ wù ə shyèʼ a viʼi və bò. Kə diʼ ali, a ghə̀ a bàynə̀ ghə̀ mùʼ kòŋ ghə̀ tsen; ali, ghə̀ nə̀ ngumlə̀ əmùʼ to fa əzhʉ. Wù zi ko wu lə shwèʼ a Nyìngòŋ bè shwèʼ a ə ko.

Ŋwàʼlə̀ Luk 19:27

A nə̀ viʼi kəbàyn mò a və ko tə kòŋ la və ku adyòʼ la mà nsoʼo vəwenə lə, ghə̀ŋ vì ə zhwi vəwenə tò a mò ashɨ a shə̀.’”

Joyn 15:19

Ghə̀ŋ tə ndiʼ viʼi mbyi mu vəwenə kòŋ ghə̀ŋ to nə̀ viʼi vəwenə. Luwen ə diʼ mù ma tə ə tsùʼtə shisə ghə̀ŋ fa mbyi, ghə̀ŋ ko diʼ viʼi mbyi. A le kənyʉ̀ ki a viʼi mbyi bàynə̀ ghə̀ŋ tsu.

Joyn 17:14

Ma tə shə̀ʼtə ntɨm ə wù a vəwenə, viʼi mbyi ə sə baynə vəwenə byìʼàndo vəwenə ko diʼ to nə̀ viʼi mbyi, to ndə̀ŋndəŋ ando ma ko diʼ wù ə mbyi.

Joyn 7:7

Viʼi mbyi ko bàynə̀ ghə̀ŋ, ali bàynə̀ mò byìʼàndo ma diʼi làynsə jisə nyʉ̀ ə byɨvə ə vəwenə.

Lumans 5:10

Kə diʼ alə̀ byìʼì ando andiʼ ando vəghəŋ bo diʼ viʼi kəbayn Nyìngòŋ, Wàyn Nyìngòŋ vi ə pfʉ ə nè la vəghəŋ və Nyìngòŋ bwensə mbaʼtə ə ntsi a kənyʉ̀ kə muʼ. Kə le diʼi la luwen ando vəghəŋ sə diʼ mù və bwensə li mbaʼtə ə ntsi a kənyʉ̀ kə muʼ vəghəŋ və Nyìngòŋ, Yesò lu ne la vəghəŋ shɨtə bwòŋ mwetə nəmwèʼè byìʼì ando ghə̀ diʼ.

Lumans 8:7

Wìʼ ə ghʉ̀ kətʉ kə wen a nyʉ̀ ə njòsə wen, və a ne la ghə̀ ə bàynə̀ Nyìngòŋ, ko ghə̀ zhʉ tebè əsoʼ ə wen, mu ghə̀ zizi ko ghə̀ lu kɨ ə zhʉ.

1 Kolìntyàns 1:20

Wù ə tofəvə lə ye? Ndìʼsə̀ əsoʼ ye? Nò wìʼ ə yi a ghə̀ kɨ ə kitə̀ nyʉ̀ ə mbi ghèn layn ye? A Nyìngòŋ ə ne li ətof ə viʼi mbyi ə kaʼkə ə sədiʼ to kəkoyn.

1 Kolìntyàns 1:21

Nyìngòŋ ə nyen li fa wen a tof la viʼi ko lu kɨ tebè wen nə̀ ətof ə ngəŋ ə vəwenə. Ghə̀ boŋsə ghʉ̀ la ghə̀ be lù bwòŋsə viʼi vyi a və zhʉ ntɨm yì a yès ə shə̀ʼtə̀ ə byɨmə no tèbe ando viʼi vətsenvə gàʼa la à diʼ kəkoynkə kənyʉ̀.

Gàlesìyà 1:10

Kə le diʼi luwen la, ma ne kənyʉ̀ ki a viʼi nkòŋ mò mu ki a Nyìngòŋ a kòŋ lo? A le diʼ la ma ne la viʼi ə nsaŋlə̀ mu? Mà sətsen ə nkəŋ ə ne la viʼi ə nsaŋlə̀, ko ma be a ndiʼ wù ə shwèʼè ə Klistò.

Jems 1:27

Əbyɨmə a ghə̀ nè la Nyìngòŋ tìʼ vəghəŋ ə lutə̀ su saŋlə no a nkàyn dìʼ la, wù diʼi ə ntùʼmə̀ nə̀ vunə mpfʉ bènə̀ ki mpfʉ a və yenə ngəʼ, be nyɨŋsə wen ə wu fa nyʉ̀ ə mbi.