Jems 3:6 - The New Testament in the Babanki language

⁶ Kəlyɨmə kə wìʼ kə diʼ tò nə̀ fəsèsè fə zhìʼ. Kə diʼ ntuʼ nyʉ̀ byɨvə à wìʼ a wèn no tsèm. Kə byɨsə̀ wen ə wìʼ no tsèm, kə diʼ əzhiʼ, nyùʼù no te ghò à tì mbi nəzhiʼ mu ghə̀ lù fa zhiʼ a ghə̀ ko lu mè.

Jems 3:6 Iomraidhean Croise

Matìyò 12:24

Viʼi Falàsi zhʉ kənyʉ̀ akì mù sə gàʼà la, “A ku fòyn zhwì byɨvə a dìʼì Belzibùl ku kədyòʼ à wen la ghə̀ ndzɨ̀mə̀ shìsə̀ zhwi byɨvə avenə.”

Matìyò 5:22

Ma be sə gàʼà à ghə̀ŋ luwen la no ndò a ghə̀ fwisə̀ tyin à lèmə̀ wen və le sòʼ wen, à te no ndò tè lèmə̀ wen la, ‘Kəfo kə maʼa kènkə!’ mu və lu dyʉ̀ nə̀ wen a shɨ ntsèntə̀ viʼi nsoʼ. A be tè no mə ndò tè lèmə̀ wen la, ‘Kəndzɨ̀ŋtə̀ kə kəfo kènkə!’ mu ghə̀ zì ghə̀ pfʉ̀ a zhìʼ byɨ ghə̀.

Ŋwàʼlə̀ Mak 7:15

kəfo kə ko diʼ a wìʼ zì ghə̀ zhɨ kə ne la ghə̀ ndiʼ nlaynə alì à dìʼ nyʉ̀ a və fʉ̀ fà wen à wèn a və nè ghə̀ sə diʼ ko ghə̀ lu laynə.

Ŋwàʼlə̀ Luk 16:24

Ghə̀ dzàŋ wen ə gàʼa la, ‘Ablaham, kusə nshinsə à mò a tìʼ ə tɨm Lazalùs ghə̀ chʉ̀ nyì kəvu wen a mu ə vì chì kəndòŋ kom kə tsu. Mà zhʉ əlɨ̀m toghə a tyì zhìʼ a shə̀.’

Shwèʼ 20:30

Zhʉ ne vì a viʼi ne fʉ̀ tò fà ghə̀ŋ a ntìntìn nzhò ndzɨ̀ŋsə, gùfə̀ viʼi vəbyɨməvə la və dzɨ̀mtə̀ vəwenə.

Shwèʼ 5:3

Ananyàs ne dyʉ̀ ə̀ kù kəbyəʼ kə ko akì a lì, Bità bèm à wen la, “Wù mòʼtə̀ la Satan kwen à wù a tyɨm ə̀ nè wù zho ndzɨ̀ŋ à kəzhwì kə ŋwoʼəkə ə̀ lyòmtə̀ kəbyəʼ kə ko kì byìʼì ghò?

Shwèʼ 6:13

Ando vəwenə ndyʉ̀ a lì, və lyɨ̀ viʼi vətsenvə la və kwen ə̀ zhò ndzɨ̀ŋ a kətʉ Stifèn. Vəwenə kwen ə̀ vì gàʼ la, “Wìʼ ghèn ko lu mfàŋ ke gaʼa nyʉ̀ byɨvə byìʼì ngə̀ŋ Nyìngòŋ ghoʼo vəghəŋ bènə̀ soʼ yi a Mosìs nlù ziʼi vəghəŋ tsu.

Taytùs 1:11

Wù diʼi chiʼtə təchʉ̀ tə vəwenə byìʼàndo vəwenə kwenə à wìʼ a kəbəŋ vəwenə byɨ̀sə no nyʉ̀ ətsèm nə̀ ziʼi byɨghə aghenə. Vəwenə dìʼsə̀ viʼi nə̀ nyʉ̀ a vəwenə a və ko yi ndiʼ ndìʼsə̀ tò byìʼàndo vəwenə kəŋ kiʼi ko.

Jems 2:7

A kò à dìʼ vəwenə a və gàʼà nyʉ̀ byɨvə byìʼì zhiʼ jùŋghə wìʼ yì a ghə̀ ə kiʼì ghə̀ŋ lì?

Jems 3:7

Wìʼ zì ghə̀ ghaʼtə nyamsə a mù, nə̀ sə toʼsə bènə̀ mənyin ə̀ dìʼsə̀ vəwenə ntsi a ngə̀ŋ. Adìʼ kənyʉ̀ mu və ne li,

2 Bità 3:3

Nò kənyʉ̀ kə to kə ki a ma kəŋ la ghə̀ŋ ə kɨ diʼ la, à lu ndiʼ a mətsi mə bàm ə viʼi fʉ vì, ntsi to ntsìnə̀ njòsə wen, be chəʼ ghə̀ŋ,

3 Joyn 1:10

Mà ne vì no a zhʉ kò ə shə̀ʼtə̀ ə kuʼ nə̀ nyʉ̀ vyi a ghə̀ nè, nyʉ̀ fansəvə byɨvə, benə ndzɨŋ shì, a ghə̀ gàʼà byìʼì yes. Ghə̀ ko sè tò a na kì, ghə̀ tyenə la ghə̀ ko shisə vəlèmə̀, be tàmə̀ viʼi vyi a və kəŋə nshisə vəwenə, dzɨ̀mə̀ vəwenə shìsə̀ fa ntsèntə̀ viʼi və byɨməvə.

Kəmwetə 12:9

Və mòʼ shìʼsə nyàm ə fànsə ayì a nse, zhù ə mu yì a və ndzàŋə̀ nə̀ Deblə̀ bènə̀ Satan. Adiʼ wen yì a ghə̀ lobtə̀ viʼi mbyi no vətsèm. Və mòʼ shìʼsə wen a nse wenə̀ ntsɨ̀ŋsə wen tò sətsèm.

Kəmwetə 13:14

Byìʼì ənyʉ̀ kanəvə avenə a Nyìngòŋ ə nghʉsə nyàm ətoʼ aghèn sə̀ nè a shɨ nyàm ətoʼ ə̀ mbì yì lì lobtə viʼi vətsèm a və̀ ntsi a nse ə̀ gàʼ la vəwenə shɨtə kənshyə̀ʼsə̀ kə nyàm ətoʼ kì a ghə̀ ə̀ nkìʼ əlyom ə toghə mu və bvàʼ nə̀ nyì ə ngwoləŋ alì ghə̀ bu sə diʼ tò to lì.

Kəmwetə 18:23

Wìʼ ko lu be yen əbayn ə kənkàʼtə̀ ghə̀ baynə a ntə̀ʼ ghèn. Wìʼ ko lu be zhʉ gɨsə viʼi və laməvə a shyə̀. Viʼi mbàʼànkùm ə̀ ndìʼ no viʼi vəghoʼkəvə a nse, wù be lobtə̀ viʼi nə̀ əshəŋə fənyoʼ.

Kəmwetə 19:20

Və ghaʼ nyàm ətoʼ yì wenə̀ nshə̀ʼtə̀ kənlobtə yì a ghə̀ ə̀ ndìʼì əchwitə ndzɨ̀ŋsə lobtə̀ viʼi vyi a və̀ nku əchwitə à vəwenə bènə̀ ə̀vi a və̀ nghoʼsə̀ kənshyə̀ʼsə̀ kə wen à wen ə shɨ lì. Və mòʼ ə̀ shìʼsə vəwenə venə vəbò a nkwòŋ ə̀ zhìʼ mu və we li məkàyn tsu, vəwenə bu diʼ tò vəto.