Jems 3:13 - The New Testament in the Babanki language

¹³ A dìʼ ndo à ghə̀ŋ a ntìntìn a ghə̀ tofə be zhɨ kɨ nyʉ̀ a? A zhʉ a ghə̀ diʼì, ghə̀ diʼi dìʼ ənyʉ̀ a ghə̀ nè nə̀ gumlə̀ byìʼì tof.

Jems 3:13 Iomraidhean Croise

Matìyò 11:29

Ghə̀ŋ lyɨ jì shomsə, bè ziʼi ntsìnə̀ ghom byìʼàndo mà bwaʼmə be kiʼi shiʼsə wèn. Ghə̀ŋ sətsèn nè a lì, ghə̀ŋ a kiʼi nzhʉ̀tə à ghə̀ŋ a tətyɨm.

Matìyò 21:5

“Gaʼa viʼi ntə̀ʼ Zayòn la, ghə̀ŋ yen a, fòyn ghə̀ŋ vì à ghə̀ŋ, ghə̀ bwaʼmə, vì a kwi wàyn fəmbyèʼè fo.”

Matìyò 5:5

Mbwaʼmə dìʼ a viʼi vyi a və bwaʼmə byiʼàndo vəwenə lu kiʼi fo vyi a Nyìngòŋ ghʉ li.

Matìyò 7:24

“Kə lə diʼ la no mə ndo yi a ghə̀ zhʉ̀tə̀ ənyʉ̀ venə a mà gàʼ lə ə ne to ando mà gàʼa ghə̀ a diʼ to ndo wù ə tofə yi a ghə̀ nlu sə ə əbwom ngə̀ŋ wen ə wye kəchɨ ki nə̀ nguʼsə,

1 Kolìntyàns 6:5

Kətʉ kəŋ kə ko dìʼì? Kə lə diʼ la no wu tofə ko diʼ a ghə̀ŋ a ntìntìn a ghə̀ zì ghə̀ tyinə nsòʼ sə a ntìntìn vəlemə mu?

2 Kolìntyàns 10:1

A sensə to no mò Bol sensə ghə̀ŋ luwen a zhiʼ Yesò Klistò a ghə̀ tuʼmə be bwaʼmə. Ma kɨli la viʼi vətsenvə nə̀ gàʼa la ma zhʉ sə ə nyòʼ kənyʉ̀ nyoʼo, a ghə̀ŋ ma sə gaʼa to no nə̀ ətyɨm ə to ghə̀, ali na vì zaʼa a ghə̀ŋ ntìntìn, ma sə gaʼa to kəbwaʼ kəbwaʼ.

2 Kolìntyàns 8:24

Ghə̀ŋ ə diʼ lì a viʼi a venə la ghə̀ŋ kòŋ vəwenə, la nyʉ̀ vyi a yès gàʼa kumə ghə̀ŋ diʼ to no nəmwèʼè, ndiʼ ntsèntə̀sə viʼi Nyìngòŋ yen no vətsèm.

Gàlesìyà 5:23

Gumlə, kɨ ə ghaʼ təwen. Əsoʼ ə tsenə ghə̀ ə ko tensə tebè no kənyʉ̀ kə mùʼ fa ntìntìn nyʉ̀ a ghèn.

Gàlesìyà 6:1

Vəlemə vwomə a byɨmə, wìʼ fa ghə̀ŋ sətsen nè no tèbe mbyɨ ə kò, ghə̀ŋ vətsenvə vi a kəzhwì kə Ŋwoʼkə tisə ghə̀ŋ, ghə̀ŋ mwomsə ə diʼ ji tɨmə. Ghə̀ŋ sə ne alə ghə̀ŋ to no nə̀ mbwaʼmə. Ghə̀ŋ sə diʼ, ghə̀ŋ tùʼmə̀ nə̀ təwen ə təŋtə abwen ali, ghə̀ŋ be fəŋ a mwomsə.

Gàlesìyà 6:4

Nò ndò shɨtə lye nyʉ̀ a ghə̀ ne. Sətsen nyʉ̀ vyi mbù, ghə̀ a kumə kədyʉ̀ʼ kə wen, ko diʼ ghə̀ shəʼmə wenə wìʼ tsen,

Efisyàns 4:2

Ghə̀ŋ ə ngumlə̀ təwen ə tyəŋtə, bwaʼmə be wensə, lyesə ku ənyʉ̀ shweləvə byìʼì kòŋ.

Filìbàyns 1:27

Ko a fʉ no te ghò, ghə̀ŋ tsi ando ntɨm ə jùŋ ə Klistò ə kəŋ ndi mà sətsen vi tèbe vi ə yen ghə̀ŋ, kò zhʉ byìʼì ghə̀ŋ a zhʉ a ma ko diʼ, mà ə kɨ la ghə̀ŋ ə ko kwitə fa kiʼi kwoʼtə ə mùʼ, tsi to a kənyʉ̀ kə mùʼ, shyèʼ no nə̀ kədyoʼkə be soynə ə ghaʼa əbyɨmə yì a ntɨm ə jùŋ ə ziʼi.

Kòlòsyàns 3:12

Ando ghə̀ŋ sə diʼ viʼi a Nyìngòŋ ə tsuʼ li a viʼi wen ə sə koŋə, ghə̀ŋ moʼ ntsìnə̀ ə jùŋ, tùʼmə̀ nə̀ viʼi, ə nshiʼsə təwenə təŋtə a nse, bwaʼmə, be wensə.

1 Timotì 4:12

Kə a ghʉsə la wìʼ chasə wù byìʼì ando wù dìʼ wàyndyə. Wu diʼ ə ndiʼ kəchwitə à viʼi və byɨməvə, a jisə yi a wù gaʼa fatsu. Wù ntsi ntsìnə̀ ə jùŋ, kòŋ viʼi, diʼi la wù byɨmə à Klistò bè dìʼ nə̀ layn ə.

1 Timotì 6:11

Wù dìʼ wù ə Nyìngòŋ, nyɨŋsə ə wen ə wu fa nyʉ̀ venə. Ə bòŋsə mwòmsə ə ntsi ntsìnə̀ ə təmə. Shɨtə ghaʼa kənyʉ̀ kə Nyìngòŋ, kiʼi əbyɨmə à Klistò, kòŋ viʼi, mwòmsə̀ ə kwiʼ ətyɨm bè tsi nə̀ mbwaʼmə we viʼi.

2 Timotì 2:25

Tisə viʼi vyi a və nkəmə kənyʉ̀ ki a wu gàʼà nə̀ mbwaʼmə, kɨ la Nyìngòŋ ne nè ə vəwenə kwitə tətyɨm tə vəwenə fa vəwenə mbyɨsə ə bwènə̀ vi ə kɨ kənyʉ̀ ki a kə diʼ nəmwèʼè.

Taytùs 3:2

Gàʼa à vəwenə la kə vəwenə à ngàʼà nyʉ̀ byɨvə byìʼì viʼi, la vəwenə mbòŋsə̀ tsi ntsìnə̀ ə bwaʼmə à viʼi vətsèm, ku ndoŋ wenə̀ viʼi vətsèm be tsi ntsìnə̀ shiʼsə̀ wèn.

Hibùlù 13:5

Kə ghə̀ŋ ne mbaŋbaŋ a bàm ə ko. Ghə̀ŋ nboŋsə saŋlə to saŋlə no tèbè nə̀ ghoʼ yi a ghə̀ŋ kiʼi byìʼì ando Nyìngòŋ ə gàʼa li la, “Mà ko lu moʼtə ghə̀ŋ no faphen.”

Jems 1:21

Kə mu sə diʼ la ghə̀ŋ maʼa ntsìnə̀sə byɨsə bènə̀ ntsìnə̀sə kəmɨ̀ŋ ghə̀ŋ ə̀ shìʼsə təwen təŋtə shi ntɨm yì a Nyìngòŋ ə we à ghə̀ŋ a tətyɨm a ghə̀ zì ghə̀ bwòŋsə ghə̀ŋ.

Jems 2:18

Wutsen a gàʼ la, “Wù kìʼ byɨmə mà kiʼ shyèʼ. Dìʼi ji à mò a wù zì wù kiʼi tò byɨmə kènə̀ shwèʼè, mà diʼ byɨmə ghomə chò fà mò a shwèʼ à wù.”

Jems 3:1

Kə nghoʼo ghə̀ŋ à ndiʼ ndìʼsə̀sə a vəlèmə̀ vwomə. Ghə̀ŋ ə kɨ la Nyìngòŋ lu soʼ vəghəŋ vi a və diʼì ndìʼsə̀sə chò viʼi vətsenvə.

Jems 3:17

Tof a ghə̀ lù fà kàŋ ə chò mbì ŋwòʼə̀, kòŋə̀ mbwaʼmə̀, kòŋ əzhʉtə nyʉ̀ ə viʼi vətsenvə, kiʼ kusə nshinsə be nè nyʉ̀ juŋəvə no ghoʼo. Ghə̀ lyɨ̀ viʼi vətsèm tò ndə̀ŋndəŋ ko a ndiʼ la ghə̀ kiʼ kəmbɨ̀lə̀.

1 Bità 1:15

Ghə̀ŋ kɨli la Nyìngòŋ ghə̀ŋ a ghə̀ tə tsùʼtə ghə̀ŋ la ghə̀ŋ ə diʼ viʼi wen diʼ nə̀ laynə, ghə̀ŋ be diʼ ə̀ laynə no nyʉ̀ tsèm a ghə̀ŋ ə nè.

1 Bità 2:12

Ghə̀ŋ ə ntsi ətsìnə̀sə jùŋsə ndiʼ viʼi vyi a və tsi a ghə̀ŋ a ntìntìn, a vəwenə ko kɨ Nyìngòŋ ne sə nkumə ghàm tèbe ghə̀ŋ, ali yenə nyʉ̀ ə jùŋə və vyi a ghə̀ŋ nè, a lù ndiʼ ando Nyìngòŋ ə bwenə vi a kətsi kə ə nsòʼ, vəwenə ə nkuʼsə wen.

1 Bità 2:9

Alì, fa ghə̀ŋ, ghə̀ŋ diʼ viʼi a Nyìngòŋ ə tsuʼ li. Ghə̀ŋ diʼi a nə̀ vəpfèm və ngə̀ŋ Nyìngòŋ, shyèʼè a fòyn. Ghə̀ŋ diʼ viʼi və laynəvə mu Nyìngòŋ ə lyɨ̀ li ghə̀ŋ a viʼi wen ndiʼ ghə̀ŋ ə shə̀ʼtə̀ nyʉ̀ ə kaynəvə vi a ghə̀ nè. Ghə̀ dzàŋə li ə shisə ghə̀ŋ fa a ntìntìn kəbəŋ kəfenəkə ə kwensə ghə̀ŋ a ntìntìn əbayn ə kaynəghə ə wen.

1 Bità 3:4

Əboŋ na yi ə boŋsə diʼ ə ndiʼ a ghə̀ŋ a ntsìnə̀sə. Tənki tə bòŋ nà tèntə ə diʼ bòŋ kəzhwì, məbwaʼmə, ə ko nə̀ musɨ, be kuʼmə ashɨ Nyìngòŋ.