Jems 2:25 - The New Testament in the Babanki language

²⁵ A lè nko bè ndìʼ tò ndə̀ŋndəŋ ə̀ jì a Nyìngòŋ ə̀ nlyɨ wùwì njèʼtə̀ yì a və ndzàŋə̀ wen nə̀ Lahàb a nə̀ wù kənyʉ̀ kə tɨməkə, byìʼàndo ghə̀ nshisə viʼi ntɨm ə̀ Joshùwà bè nè nyɨŋsə vəwenə, və chò fa jì kədyàŋ a?

Jems 2:25 Iomraidhean Croise

Matìyò 1:5

Salmùn ndiʼ tìʼì Bowàs a ghə̀ mbwì wenə Lahàb, Bowàs ndiʼ tìʼì Obèd a ghə̀ mbwi wenə wì wen, Obèd ndiʼ tìʼì Jesì,

Matìyò 21:31

Yesò mù bèm à vəwenə la, “A lè ne wàyn ko fa ntìntìn vunə vi vəbò nè kənyʉ̀ kì a tìʼ vəwenə nkəŋə a? Vəwenə bwènsə̀ la. ‘A ne wù mbì.’ Yesò mù gàʼ la, ‘Mà gàʼà a ghə̀ŋ’ nəmwèʼè la, viʼi vyi a və tinə kənsè bènə̀ njèʼtə̀sə lu kwen a soʼ Fòyn Nyìngòŋ à ghə̀ŋ a mbì.”

Shwèʼ 17:7

Jasòn nlyɨ vəwenə ə nshɨtə nghʉ à wen a ngə̀ŋ. Vəwenə vətsèm ə jèʼè kwàʼtə̀ təsoʼ tə fòyn ghoʼo vəghəŋ gàʼà la fòyn tsen bè dìʼ a zhiʼ wen diʼ Yesò.”

Hibùlù 11:31

Wùwì njèʼtə̀ yì a və ntoŋtə la Lahàb ə nko mpfʉ wenə viʼi vyi a və pfʉkə ando və tyènə zhʉ Nyìngòŋ byìʼì ando ghə̀ mbyɨmə li a Nyìngòŋ. Ghə̀ ə mboŋsə shwèʼè a viʼi Islel vyi a və vi ə nyotə ə ki ntə̀ʼ yi a ghə̀ ə tsi tsu.

Jems 2:18

Wutsen a gàʼ la, “Wù kìʼ byɨmə mà kiʼ shyèʼ. Dìʼi ji à mò a wù zì wù kiʼi tò byɨmə kènə̀ shwèʼè, mà diʼ byɨmə ghomə chò fà mò a shwèʼ à wù.”

Jems 2:22

Ghə̀ŋ ə yenə la byɨmə wen ə̀ njèʼè a kənyʉ̀ kə mùʼ nə̀ shwèʼè wen. A ne shyèʼè wen la byɨmə wen ə lwin.

Jems 2:24

Ghə̀ŋ ə yenə la Nyìngòŋ ə lyɨ̀ wìʼ a nə̀ wù kənyʉ̀ kə tɨməkə byìʼì shyèʼè wen, à ko diʼ tò byìʼì byɨmə zɨmghə wen.