Jems 2:23 - The New Testament in the Babanki language

²³ Kə nchò a lì mù lwinsə kəshi kì a ŋwàʼlə̀ Nyìngòŋ a kə gàʼà la, “Ablaham ə mbyɨmə li Nyìngòŋ. Byìʼì byɨmə wen ayì, Nyìngòŋ lyɨ̀ wen a nə̀ wù nəmwèʼè.” Nyìngòŋ mu sə̀ dzàŋə̀ Ablaham nə̀ wù ndoŋ ə̀ wen.

Jems 2:23 Iomraidhean Croise

Ŋwàʼlə̀ Mak 12:10

Ghə̀ŋ be ko təmə̀ dzàŋ kənyʉ̀ kènkə a ŋwàʼlə̀ Nyìngòŋ gàʼà la, ‘Ngùʼ yì a viʼi kəmbwom tə màʼà lì kaʼsə li sə diʼ ngùʼ bʉ ngə̀ŋ.

Ŋwàʼlə̀ Mak 15:27

Və ne a lì bè bantə viʼi vətsenvə vəbò. Və mbantə wù muʼ a shyə kwoŋ toghə nə̀ ghətsen a shyə kwoŋ nànkwè.

Ŋwàʼlə̀ Luk 4:21

Ghə̀ mù gàʼa vəwenə la “Nyʉ̀ na venə a mà dzàŋli ghə̀ŋə zhʉ lə və kwʉʼli layn.”

Shwèʼ 1:16

“Vəlèmə̀ vwomə, nyʉ̀ venə a və chò kùmə̀ Judàs tə ndiʼ chò ndi lwinsə kənyʉ̀ kì a kəzhwì kə ŋwoʼəkə ə̀ nè Foyn Devìt gàʼ və bè nyòʼ a ŋwàʼlə̀ Nyìngòŋ byìʼì Judàs a ghə̀ tə sùʼ Yesò la ntsɨ̀ŋsə ngə̀ŋ Nyìngòŋ sə ghaʼ.

Lumans 11:2

Nyìngòŋ ə ko maʼa viʼi wen mu ghə̀ ə ghʉ̀ li la ghə̀ lu bwaʼsə vəwenə mibu shɨtə mbi. A ghə̀ŋ kɨli kənyʉ̀ kì a Ŋwàʼlə̀ Nyìngòŋ ə ngàʼa kumə Ilajà a ghə̀ ə sensə Nyìngòŋ la ghə̀ diʼ kənyʉ̀ ki a viʼi Islel a vəwenə byɨbsə. Ghə̀ ə sensə gàʼa la,

Lumans 9:17

Və və be nyòʼò la Nyìngòŋ ə ngàʼa a fòyn Ijìb la, “Ma lu wʉ̀ wù a fòyn to no byìʼì ando ma ə kəŋ ə diʼ kədyòʼ ə komkə chò fa wù, la viʼi zhʉ mo to mbi ə tsèm.”

Gàlesìyà 3:22

Alì Ŋwàʼlə̀ Nyìngòŋ gàʼa la kədyòʼ kə mbyɨ kə diʼ a kətʉ viʼi vətsèm a mbyi. Kə diʼi alə̀ ndiʼ Nyìngòŋ ə ghʉ kənyʉ̀ kə ghʉkə ki a ghə̀ nghʉ, a viʼi vyi a və byɨmə a Yesò Klistò.

Gàlesìyà 3:6

Ghə̀ŋ yen li Ablaham a! Ŋwàʼlə̀ Nyìngòŋ gaʼa la “Ablaham mbyɨmə li a Nyìngòŋ, ghə̀ lyɨ̀ wen a wù kənyʉ̀ kətɨməkə.”

2 Timotì 3:16

No te kənyʉ̀ kə ko a və nyoʼo a Ŋwàʼlə̀ Nyìngòŋ kə diʼ mu à nkù Nyìngòŋ la və nyoʼo, kə boŋə kwʉʼmə la və nziʼi viʼi tsu, shə̀ʼtə̀ la viʼi shwe li fatsu, tomsə viʼi fatsu, dìʼsə̀ viʼi fatsu ndi və ə ntsi ntsìnə̀ ə tɨmə.

Jems 2:24

Ghə̀ŋ ə yenə la Nyìngòŋ ə lyɨ̀ wìʼ a nə̀ wù kənyʉ̀ kə tɨməkə byìʼì shyèʼè wen, à ko diʼ tò byìʼì byɨmə zɨmghə wen.

1 Bità 2:6

Kə diʼ alə̀ byìʼì ando və nyòʼo li a Ŋwàʼlə̀ Nyìngòŋ la: “Ghə̀ŋ yen a! Ma ghʉ ngùʼ a ntə̀ʼ Zayòn, a diʼ ngùʼ bù ə ngə̀ŋ a mà tsuʼ li, ghə̀ kuʼmə kʉʼʉ. No ndò a ghə̀ byɨmə a wen, mu ghə̀ ko lu kiʼi kətʉ kə diʼikə.”