Jems 2:21 - The New Testament in the Babanki language

²¹ Nyìngòŋ ə̀ lè ko nlyɨ Ablaham ə tìʼ vəghəŋ la ghə̀ dìʼ wù kənyʉ̀ kə tɨməkə chò fà wen a shwèʼ ando ghə̀ nku wàyn wen ə Izìk a kəchiʼ kə kəku a?

Jems 2:21 Iomraidhean Croise

Matìyò 12:37

Ghə̀ŋ lu zhɨ nsoʼ ko bvʉ̀ nsoʼ tò fa kənyʉ̀ a ghə̀ŋ lu gàʼ.”

Matìyò 3:9

Kə ghə̀ŋ ne kwòʼtə la ghə̀ŋ zì ghə̀ŋ nyɨŋ ngəʼ Nyìngòŋ ayì tò byiʼàndo ghə̀ŋ gàʼ à la ghə̀ŋ diʼ vu vunə Ablaham. Ma shə̀ʼtə̀ a ghə̀ŋ la Nyìngòŋ zì ghə̀ nè ngùʼ sènsə sə kaʼkə a vunə ghə̀ ku a Ablaham.

Ŋwàʼlə̀ Luk 1:73

A ndiʼ məkàyn myì a ghə̀ nkàyn a tìʼ vəghəŋ Ablaham.

Ŋwàʼlə̀ Luk 16:24

Ghə̀ dzàŋ wen ə gàʼa la, ‘Ablaham, kusə nshinsə à mò a tìʼ ə tɨm Lazalùs ghə̀ chʉ̀ nyì kəvu wen a mu ə vì chì kəndòŋ kom kə tsu. Mà zhʉ əlɨ̀m toghə a tyì zhìʼ a shə̀.’

Ŋwàʼlə̀ Luk 16:30

Ghə̀ gàʼ à Ablaham la, ‘Jòʼ a Tìʼ, wìʼ sətsen bòŋsə lu fa loʼ və mpfʉ̀ və nsè ashə̀ ə bwènə̀ dyʉ̀ a vəwenə, vəwenə à kwitə tətyɨm tə vəwenə fa vəwenə mbyɨsə.’

Joyn 8:39

Vəwenə bwensə la, “yès ə diʼ vunə Ablaham.” Yesò ə bwensə gàʼ a vəwenə la, “Ghə̀ŋ tu ndiʼ vunə Ablaham mu ghə̀ŋ nè to nyʉ̀ vyi a Ablaham ə nè.

Joyn 8:53

A wù lə gaʼa ə diʼ la wù chò Ablaham ə tiʼi yès mu? Ablaham wenə nshə̀ʼtə̀sə ghoʼkəsə sətsen diʼ mu və pfʉkə li, wù sədiʼ no ndò?”

Shwèʼ 7:2

Stifèn gàʼ la, “Vətìʼ vwomə nə̀ vəlèmə̀ vwomə, ghə̀ŋ zhʉtə a! Nyìngòŋ yì a ghə̀ kiʼi bayn ə ghoʼghə mvi à Ablaham, tìʼ vəghəŋ mbì, a tʉʼ a ghə̀ mbu tsi a loʼ Mesobotamiyà mibu ghə̀ sə lu ədyʉ̀ ntsi a ntə̀ʼ Halan,

Lumans 3:20

Kə le diʼi la Nyìngòŋ ə ko gàʼ tebè la wìʼ diʼ nti akayn a wen a shɨ byìʼì ando ghə̀ ghʉ̀ Əsoʼ. Əsoʼ ə nə̀ gyamtə ə nè la vəghəŋ kɨ kənyʉ̀ a mbyɨ diʼ wen.

Lumans 4:1

Vəghəŋ zizi və gàʼ la gho luwen byìʼì Ablaham ə tìʼ vəghəŋ a?

Lumans 4:12

Ghə̀ diʼ tomə tìʼ a viʼi vyi a və shɨtə li ndyə̀ vəwenə, a kodiʼ to byìʼì ando və shɨtə ndyə̀ vəwenə ali byìʼì ando vəwenə byɨmə kənyʉ̀ ki a Nyìngòŋ ə ghʉ̀, to ndə̀ŋndəŋ ando tìʼ vəghəŋ Ablaham ə byɨmə mibu və shɨtə ndyə̀ wen.

Lumans 4:16

Kə le diʼi la kənyʉ̀ kəwʉkə na kènkə ə diʼ byìʼì byɨmə yì a Ablaham ə nkiʼi. Nyìngòŋ ə ku kənyʉ̀ kəwʉkə na kènkə to ngwaʼ ngə̀ŋ ə Ablaham no tsèm byìʼì ətyɨm ə jùŋə yi a ghə̀ kiʼi. Ghə̀ ko ku to a viʼi vyi a və wʉ̀ Əsoʼ. Ghə̀ ku a viʼi ətɨm vi a və kiʼi byɨmə ndə̀ŋndəŋ to nə̀ Ablaham byìʼì ando Ablaham ndiʼ tìʼ vəghəŋ və tsèm.

Hibùlù 11:17

Ablaham əbyɨmə li Nyìngòŋ ə sə kəŋ ə ku wàyn ə wen ə mùʼ yi a ghə̀ ə nkiʼi a kəku a Nyìngòŋ ando Nyìngòŋ ə mwomsə wen, no tèbe ando ghə̀ ghʉ̀ a wen la ngwaʼ ə ngə̀ŋ ə wen lu fʉ̀ fa Izìk ə wàyn wen a ghèn.

Jems 2:18

Wutsen a gàʼ la, “Wù kìʼ byɨmə mà kiʼ shyèʼ. Dìʼi ji à mò a wù zì wù kiʼi tò byɨmə kènə̀ shwèʼè, mà diʼ byɨmə ghomə chò fà mò a shwèʼ à wù.”

Jems 2:24

Ghə̀ŋ ə yenə la Nyìngòŋ ə lyɨ̀ wìʼ a nə̀ wù kənyʉ̀ kə tɨməkə byìʼì shyèʼè wen, à ko diʼ tò byìʼì byɨmə zɨmghə wen.