Jems 2:20 - The New Testament in the Babanki language

²⁰ Kəngwʉ̀ʼ kə kəfo kèn! Wù kəŋə la və dìʼ à wù la byɨmə kènə̀ shyèʼè dìʼ kənzɨm kə byɨmə mu?

Jems 2:20 Iomraidhean Croise

Lumans 1:21

Vəwenə kɨ Nyìngòŋ ali ko və kuʼsə tebè wen ando və diʼ ə nkuʼsə, ko və ku tebè kəzòŋ a Nyìngòŋ. Təkwòʼtə̀ tə vəwenə diʼ to təkwòʼtə̀ tə nəkwoŋ, vəwenə ko be kwoʼtə tebè kənyʉ̀ kə nəmwèʼè bɨ̀lə̀ to bɨ̀lə̀.

Lumans 3:28

Vəghəŋ ə kɨ nəmwèʼè la wìʼ diʼ ti akàyn ashɨ Nyìngòŋ byìʼì ə byɨmə ə wen a Yesò, a ko diʼ byìʼì ando ghə̀ ghʉ̀ Əsoʼ.

Lumans 9:20

Alì wù gaʼa ali, diʼ no ndo, ə wù nkàyntə̀ wìʼ tsuʼ kənyʉ̀ fa chʉ̀ Nyìngòŋ mu? Wù lə gàʼ la ntòyn zizi a ghə̀ kaʼkə ə bèmə a wìʼ yi a ghə̀ bwomə vəntòyn la ghə̀ ə bwomə wen alə byìʼì ghò a?

Gàlesìyà 5:6

Kə diʼ alə̀ byìʼì ando vəghəŋ sətsen ə ndiʼ vəghəŋ və Yesò Klistò, kò wìʼ shətə li ndyə̀ wen kò ghə̀ ko shətə, na kì kə ko kiʼi tebè kənyʉ̀ ə nè. Kənyʉ̀ kə tokə diʼ to la, wìʼ na ndiʼi əbyɨmə ə wen chò fa ji a ghə̀ ne koŋə viʼi fa tsu.

Gàlesìyà 6:3

No ndò a ghə̀ sətsen kwoʼtə la ghə̀ diʼ kəfo, ali ko ghə̀ diʼ kəwenkə, mu ghə̀ lobtə to wen ə wen.

Kòlòsyàns 2:8

Ghə̀ŋ tuʼmə kə wìʼ ne lobtə ghə̀ŋ nə̀ ətof ə zɨmghə ə lyɨ̀ ghə̀ŋ a əkòs. Tənki tə ətof tèntə kiʼi kənyʉ̀ kumə to ətsìnə̀sə lòʼ viʼi di əzhwi vi a və soʼo mbi. Ətof na yi ko kiʼi kənyʉ̀ kumə Klistò.

1 Timotì 1:6

Viʼi vətsenvə ghʉsə li əziʼi a ghenə ə ghaŋtə̀ faŋ tò tə gaʼa tə kədyàŋ kədyàŋ.

Taytùs 1:10

Mà gàʼà alə̀ byìʼàndo viʼi diʼ no vəghoʼo a və ko zhʉ gɨ̀, gàʼà tò əgàʼ zɨmghə be lobtə̀ viʼi. Nyʉ̀ avenə tùʼù nè vəjew vyi ə bwensə li ə sə dzɨ̀mtə̀ Klistò.

Jems 1:26

No ndò sətsèn ə nkwòʼtə̀ la ghə̀ dìʼ wu byɨmə ke nkɨ jì ə tisə kəlyɨmə kə wen mu ghə̀ lobtə̀ wen ə wen kò a ndiʼ la byɨmə wen ə kwʉʼʉ̀ tè a kənyʉ̀ kətsenkə.

Jems 2:17

A bè dìʼ tò ndə̀ŋndəŋ ando byɨmə sətsèn ə ndiʼ tò wenə ghə̀ kènə̀ shyèʼè mu à dìʼ kəmpfʉ kə byɨmə.

Jems 2:26

Kə mù sə diʼ la ando ə̀ kətsoʼ kə wèn kènə̀ kəzhwì kə diʼ mu kə pfʉ li, à bè dìʼ tò ndə̀ŋndəŋ ando byɨmə kènə̀ shyèʼè diʼ kəmpfʉ kə byɨmə.