Jems 2:18 - The New Testament in the Babanki language

¹⁸ Wutsen a gàʼ la, “Wù kìʼ byɨmə mà kiʼ shyèʼ. Dìʼi ji à mò a wù zì wù kiʼi tò byɨmə kènə̀ shwèʼè, mà diʼ byɨmə ghomə chò fà mò a shwèʼ à wù.”

Jems 2:18 Iomraidhean Croise

Lumans 14:23

Alì, wìʼ sətsen ə nkəŋ zhɨ̀ kəfo, kwoʼtə kwoʼtə la ghə̀ zhɨ mu kə ghə̀ a zhɨ lo ə be zhɨ to zhɨ mu ghə̀ ne li mbyɨ byìʼì no ghò a wìʼ ne byɨmə la kə ko bòŋ mu a diʼ mbyɨ.

Lumans 3:28

Vəghəŋ ə kɨ nəmwèʼè la wìʼ diʼ ti akàyn ashɨ Nyìngòŋ byìʼì ə byɨmə ə wen a Yesò, a ko diʼ byìʼì ando ghə̀ ghʉ̀ Əsoʼ.

Lumans 4:6

Devìt ə mbe ngaʼa to kənyʉ̀ na kènkə ando ghə̀ ə ngaʼa kumə mbwaʼmə yì a Nyìngòŋ ə ku a wìʼ azhʉ̀ a ghə̀ lyɨ̀ wen a wù kənyʉ̀ kətɨməkə ko andiʼ la ghə̀ shyèʼ kənyʉ̀. Ghə̀ ə ngàʼa la:

Lumans 8:1

Kə le diʼi la viʼi vyi a və mbyɨmə li a Yesò Klistò sə diʼ viʼi wen ko və zizi və lu be fəŋ nsòʼ ashɨ Nyìngòŋ ə luwen.

Lumans 9:19

Ma kɨli la wìʼ fa ghə̀ŋ zizi ko ghə̀ lù bèm a mò la, kə le diʼ a ji na ghèn, Nyìngòŋ ə be na ghamə viʼi byìʼì ghoʼ. A zizi a tensə ndo tensə kənyʉ̀ ki a ghə̀ kəŋ a?

1 Kolìntyàns 13:2

Mà sətsen ə nkiʼ kəku ə nshɨtə kɨ ə shə̀ʼtə̀ kənyʉ̀ kə Nyìngòŋ, zhʉ kɨ nyʉ̀ ə lyomtəvə, no ə tsèm, kiʼi ətof kumə əfo ə tsèm be kiʼi əbyɨmə a ghə̀ zì ghə ne la mà ə məʼtə phènsə alì ko ndiʼ la ma kiʼi əkòŋ, ko mà na kwʉ̀ʼʉ̀ no kəfo no fa mpfen.

2 Kolìntyàns 5:17

Wìʼ sətsèn ndiʼ wenə Yesò a kənyʉ̀ kə muʼ, mu ghə̀ sə diʼ wu fi, mu ntsìnə̀ mu wen ə mè li, ghə̀ sə kiʼi ghə̀ fi.

2 Kolìntyàns 7:1

Luwen ando Nyìngòŋ ə ghʉ̀ li nyʉ̀ a venə a vəghəŋ a doŋ shomsə jùŋsə, kə bòŋ la vəghəŋ mwomsə ə nyɨŋ ə bwenə fa abàm nyʉ̀ yi a və vi nə̀ kəməŋkə a njòsə wen, be nə̀ a vəghəŋ kəzhwì. Vəghəŋ boŋsə fwàynə̀ Nyìngòŋ, laynə kwʉ̀ʼ.

Gàlesìyà 5:6

Kə diʼ alə̀ byìʼì ando vəghəŋ sətsen ə ndiʼ vəghəŋ və Yesò Klistò, kò wìʼ shətə li ndyə̀ wen kò ghə̀ ko shətə, na kì kə ko kiʼi tebè kənyʉ̀ ə nè. Kənyʉ̀ kə tokə diʼ to la, wìʼ na ndiʼi əbyɨmə ə wen chò fa ji a ghə̀ ne koŋə viʼi fa tsu.

1 Timotì 1:5

Mà gaʼa kənyʉ̀ a kenkə à wù alə byìʼì ando ma kəŋ la viʼi və byɨməvə ə kiʼ əkòŋ yi a ghə̀ fʉ̀ fa tətyɨm tə laynə tə, kə və wenə a nkiʼ kwòʼtə̀ ə byɨghə, bè nkiʼ əbyɨmə yi a ghə̀ diʼi nəmwèʼè.

Taytùs 2:7

No nkàyntə̀ wù a Taytùs diʼ ndìʼì kəchwitə kə jùŋə kə no tè a gho yì a wù nè. Ghaʼ əziʼi wu ghə̀ to; kə wù lyɨ̀ a dem a dem.

Hibùlù 11:31

Wùwì njèʼtə̀ yì a və ntoŋtə la Lahàb ə nko mpfʉ wenə viʼi vyi a və pfʉkə ando və tyènə zhʉ Nyìngòŋ byìʼì ando ghə̀ mbyɨmə li a Nyìngòŋ. Ghə̀ ə mboŋsə shwèʼè a viʼi Islel vyi a və vi ə nyotə ə ki ntə̀ʼ yi a ghə̀ ə tsi tsu.

Hibùlù 11:33

Viʼi a venə əbyɨmə li a Nyìngòŋ, vətsevə temə zhɨ̀ təloʼ a ghòŋ, vətsevə sə be tsi ntsìnə̀ kənyʉ̀ kətɨməkə ashɨ Nyìngòŋ, vətsevə nkiʼi əfo vi a Nyìngòŋ ə nghʉ̀. Vəwenə vətsenəvə nchiʼ tə li təchʉ̀ tə nyamsə kəbo la kə sə phiʼ vəwenə.

Hibùlù 11:6

Wìʼ faŋ ke nkiʼi əbyɨmə ko ghə̀ a ne kənyʉ̀ kə ne Nyìngòŋ saŋlə. No ndò a ghə̀ kəŋ ə nkuʼsə Nyìngòŋ, diʼ ə byɨmə la ghə̀ diʼ, bwaʼsə viʼi vyi a və kəŋ kɨ Nyìngòŋ.

Jems 2:14

Vəlèmə̀ vwomə, wìʼ ə lè sətsèn ə ngàʼà la ghə̀ kìʼ byɨmə alì kò byɨmə ayi lu ndìʼì à wen à shwèʼ, se yi nè ndiʼ ghò? Byɨmə wen ayi lè zì ghə̀ bwoŋsə wen a?

Jems 3:13

A dìʼ ndo à ghə̀ŋ a ntìntìn a ghə̀ tofə be zhɨ kɨ nyʉ̀ a? A zhʉ a ghə̀ diʼì, ghə̀ diʼi dìʼ ənyʉ̀ a ghə̀ nè nə̀ gumlə̀ byìʼì tof.