Jems 2:14 - The New Testament in the Babanki language

¹⁴ Vəlèmə̀ vwomə, wìʼ ə lè sətsèn ə ngàʼà la ghə̀ kìʼ byɨmə alì kò byɨmə ayi lu ndìʼì à wen à shwèʼ, se yi nè ndiʼ ghò? Byɨmə wen ayi lè zì ghə̀ bwoŋsə wen a?

Jems 2:14 Iomraidhean Croise

Matìyò 5:20

Ma mù sə gàʼà à ghə̀ŋ la ntsìnə̀ shəŋsə sətsèn dìʼ ke nti a nkàyn ando Nyìngòŋ kəŋə chò sə ndìʼsə̀sə təsoʼ bènə̀ sə viʼi Falàsi, kò ghə̀ŋ lù kwèn a soʼo fòyn Nyìngòŋ.”

Ŋwàʼlə̀ Luk 3:11

Ghə̀ gàʼ a vəwenə la “No məndò a ghə̀ kiʼi ndisə sə̀ bò, ghə̀ ku sə̀ mùʼ a wi a ghə̀ ko kiʼ no fa mpfen. No məndo a ghə̀ kiʼi fozhɨvə, ghə̀ boŋ gə̀tə̀ ku viʼi vətsen və”

Ŋwàʼlə̀ Luk 6:49

Alì wìʼ yì a ghə̀ zhʉ gɨ ghom, faŋ ke nè ando ma gàʼà diʼ tò nə̀ wìʼ yì a ghə̀ sə mbwom ngə̀ŋ wen kò ghə̀ lə̀ tem kəchɨ ki. Kəkuŋ kə lù vì pfen ngə̀ŋ ayì ghə̀ beykə bè sàykə no tsèm.”

Shwèʼ 15:9

Ghə̀ ndiʼì li la nəkwoŋ ko diʼ à viʼi tɨm fà vəghəŋ a ji la ghə̀ nshʉ li mbyɨsə fà vəwenə a tətyɨm byìʼàndo vəwenə mbyɨmə̀ à Bobo.

Shwèʼ 8:13

No tè Simon fà wen a ngeŋ be byɨmə ntɨm jùŋ ayì, ə̀ shì mu ə̀ faŋ sə diʼ tò wenə̀ Filib, be diʼ nə̀ kaynə byìʼì chwitə vi a Filib ndìʼì bènə̀ nyʉ̀ kaynəvə vi a ghə̀ ə̀ nè.

Shwèʼ 8:21

Wù ko kiʼ no kəshi, ko kənyʉ̀ kətsenkə ənè à yès a tì shwèʼ byìʼàndo Nyìngòŋ lye li tyɨm wu, nyen la wu ko dìʼ wù kənyʉ̀ kə tɨməkə à wen a shɨ̀.

Lumans 2:25

Ghə̀ŋ kɨli la ə shətə ndyə̀ wìʼ ə diʼ kənyʉ̀ to azhʉ̀ a wìʼ a yi ə wʉ Əsoʼ ali mu wìʼ sətsen kwaʼ Əsoʼ, kə nə̀ diʼ to sə və ko shətə ndyə̀ wen.

1 Kolìntyàns 15:2

A diʼ ntɨm ə jùŋ na ghèn a ghə̀ zizi ghə̀ bwoŋsə ghə̀ŋ, azhʉ̀ a ghə̀ŋ shətə ghaʼa kənyʉ̀ ki a mà tə shə̀ʼtə̀ a ghə̀ŋ, bwen ali, əbyɨmə ə ghəŋə a lè to kədyàŋ.

1 Kolìntyàns 16:22

Wìʼ sətsèn diʼ ke kòŋ Bobo, Ndòyn a wen a kətʉ. Bobo vi a yès!

Gàlesìyà 5:13

Vəlemə vwomə a byɨmə, Nyìngòŋ ntsuʼtə li ghə̀ŋ la kə ghə̀ŋ be andiʼ əkòs a əsoʼ ali, kə ghə̀ŋ ghʉ la ando ghə̀ŋ sə diʼ fa ngə̀ŋ la ghə̀ŋ zizi ghə̀ŋ ə nkwetə tèbe ghò yi a ghə̀ fwomə a ghə̀ŋ njòsə wen, ghə̀ŋ sə ne to ne. Ghə̀ŋ ə boŋsə kòŋ təwenə təŋtə. Ə kòŋ a yi ne ghə̀ŋ shyèʼè a vəlemə vəŋə vətsenvə.

Gàlesìyà 5:6

Kə diʼ alə̀ byìʼì ando vəghəŋ sətsen ə ndiʼ vəghəŋ və Yesò Klistò, kò wìʼ shətə li ndyə̀ wen kò ghə̀ ko shətə, na kì kə ko kiʼi tebè kənyʉ̀ ə nè. Kənyʉ̀ kə tokə diʼ to la, wìʼ na ndiʼi əbyɨmə ə wen chò fa ji a ghə̀ ne koŋə viʼi fa tsu.

1 Tèsàlonyà 1:3

Yes ə zhʉsə njɨ̀mə̀ a Nyìngòŋ ə, Tìʼ vəghəŋ, yes ə sə kwoʼtə ando ghə̀ŋ nè shyèʼ ə jùŋ ghə̀ byìʼì ando ghə̀ŋ byɨmə a Bobo vəghəŋ Yesò Klistò be kwoʼtə ando ghə̀ŋ tə nshyèʼ no nə̀ kədyoʼkə byìʼì ando ghə̀ŋ kòŋ wen. Yes be kwoʼtə ando ghə̀ŋ kəʼtə wen, kɨ kɨ la ghə̀ lu bwenə vi.

1 Timotì 1:5

Mà gaʼa kənyʉ̀ a kenkə à wù alə byìʼì ando ma kəŋ la viʼi və byɨməvə ə kiʼ əkòŋ yi a ghə̀ fʉ̀ fa tətyɨm tə laynə tə, kə və wenə a nkiʼ kwòʼtə̀ ə byɨghə, bè nkiʼ əbyɨmə yi a ghə̀ diʼi nəmwèʼè.

1 Timotì 4:8

Kə bo kiʼ se a wu sətsen ə mwòmsə ə nzaŋsə ə wen wu, alì mu wu sətsen mwòmsə ə kɨ kənyʉ̀ kə Nyìngòŋ, mu wu kiʼi se tò təshyə tətsèm. Kə diʼ alə byìʼì ando wu kiʼ ntsìnə̀ yi luwen a Nyìngòŋ sə diʼ mu ghə̀ ghʉ li, ə lu bè kiʼ to mə ntsìnə̀ a ghèn no məzhʉ ntsèm.

Taytùs 1:16

Vəwenə gàʼà la vəwenə kɨ Nyìngòŋ alì ntsìnə̀sə vəwenə sə dìʼì la vəwenə tyenə wen. Ntsìnə̀sə vəwenə sə nyèlə̀. Vəwenə to kətʉ ko a ndiʼ la vəwenə kwʉ̀ʼʉ̀ ənè tè kənyʉ̀ kə jùŋə kə kətsenkə.

Taytùs 3:8

Əgàʼ aghenə diʼ nəmwèʼè. Mà kəŋə la wù ə nshɨ̀tə̀ dìʼsə̀ ənyʉ̀ venə a mà gàʼà lə̀ ndi viʼi vyi a və byɨmə li à Nyìngòŋ ə ntùʼmə̀ be ghʉ tətyɨm tə vəwenə ə nè tò ənyʉ̀ juŋəvə. Ənyʉ̀ avenə gyàmtə̀ viʼi.

Hibùlù 11:17

Ablaham əbyɨmə li Nyìngòŋ ə sə kəŋ ə ku wàyn ə wen ə mùʼ yi a ghə̀ ə nkiʼi a kəku a Nyìngòŋ ando Nyìngòŋ ə mwomsə wen, no tèbe ando ghə̀ ghʉ̀ a wen la ngwaʼ ə ngə̀ŋ ə wen lu fʉ̀ fa Izìk ə wàyn wen a ghèn.

Hibùlù 13:9

Kə ghə̀ŋ a moʼtə və lobtə ghə̀ŋ no tèbe nə nki əziʼi ə kò. Kə bòŋ la a ne ətyɨm ə jùŋə Nyìngòŋ ə nè tətyɨm ə təŋtə tə totə, kə a ndiʼ byìʼì təsoʼ tyitə a ghə̀ŋ ghʉ̀ kumə nyʉ̀ ə fozhɨvə. Təsoʼ na tentə ko gyàmtə̀ tebè viʼi vi və ghʉ̀ təwen tə no fa mphen.

Jems 1:16

Kə ghə̀ŋ be ghʉsə la viʼi vətsenvə lobtə ghə̀ŋ a vəlèmə̀ və kòŋ mò.

Jems 2:16

Ghə̀ŋ ə lè sətsèn mù gàʼ à wen la, “Wù jeʼ tò a nkàyn. Wù dyʉ̀ wù ə mòʼò kəfo kəlɨmtəkə be ə zhɨ no a nkàyn.” Alì fàŋ ə̀ ke ku kəfo fa ntìntìn fo avenə à wen, se yi ne ndiʼ ghò?

Jems 2:18

Wutsen a gàʼ la, “Wù kìʼ byɨmə mà kiʼ shyèʼ. Dìʼi ji à mò a wù zì wù kiʼi tò byɨmə kènə̀ shwèʼè, mà diʼ byɨmə ghomə chò fà mò a shwèʼ à wù.”

Jems 2:26

Kə mù sə diʼ la ando ə̀ kətsoʼ kə wèn kènə̀ kəzhwì kə diʼ mu kə pfʉ li, à bè dìʼ tò ndə̀ŋndəŋ ando byɨmə kènə̀ shyèʼè diʼ kəmpfʉ kə byɨmə.

2 Bità 1:5

Ando ghə̀ŋ sə diʼ viʼi və byɨməvə lə̀, ghə̀ŋ mwomsə no nə̀ kədyòʼ kə ə nè nyʉ̀ ə jùŋə və ə kwʉ̀ʼsə əkwi a ghə̀ŋ a byɨmə. Ghə̀ŋ ə ntsi ntsìnə̀ ə jùŋ na ghèn, be tsi to nə̀ viʼi və tofəvə.