Jems 1:4 - The New Testament in the Babanki language

⁴ Ghə̀ŋ tuʼmə la əghaʼa tyɨm ghə̀ŋ aghenə shyèʼ əshyèʼ wen ə zaʼa fa kəmwètə̀ ndi ghə̀ŋ ə nlansə̀ diʼ viʼi və juŋəvə a nyʉ̀ tsèm kò a ndiʼ la ghə̀ŋ ə̀ gho kəfo.

Jems 1:4 Iomraidhean Croise

Matìyò 10:22

Viʼi lu ə bàynə̀ ghə̀ŋ tò və tsèm byìʼì mò, alì mu à wensə no ndo ə zaʼa kəmwetə, ghə̀ a bwoŋ.

Matìyò 19:20

Wàyn wùlɨm ayì bwènsə̀ gàʼ à wen la,“Mà ghʉ li təsoʼ tèntə no tətsèm. A bè fàŋ ghò tsen mà ne a?”

Matìyò 5:48

Ntsìnə̀ shəŋsə diʼ ŋwòʼə̀ ando ntsìnə̀ Tiʼi ghə̀ŋ a kàŋ ŋwòʼə̀.”

Ŋwàʼlə̀ Mak 10:21

Yesò ki wen alə̀ nə̀ kòŋə mù gàʼ à wen la, “kənyʉ̀ kə mùʼ kə diʼ a wù ko təmə̀ nè. Dyʉ̀ baʼlə fo vyə no tsèm ə̀ ku ko yi à viʼi kəmfem, ndi lu kiʼi ghoʼo a kàŋ. Wù nè a lì, wu vì ə̀ dzɨ̀mtə̀ mò.”

Ŋwàʼlə̀ Luk 18:22

Yesò zhʉ alì ə gàʼ à wen la, “Wù bù kiʼi kənyʉ̀ kə mùʼ ənè, dyʉ̀ ə baʼlə fo vyə tsèm ə ku ko yi a viʼi kəmfem ndi lu kiʼi ghoʼo wu a kàŋ. Wù nè ne alì, wu vi ə dzɨ̀mtə̀ mò.”

Ŋwàʼlə̀ Luk 21:19

Mətɨmə ghə̀ŋ a nkàyn a ghə̀ŋ a byɨmə lu nè ghə̀ŋ bwoŋ.”

Ŋwàʼlə̀ Luk 8:15

Sətsensə shì a sə nfəŋkə a nse jùŋ diʼ tò nə̀ viʼi vyi a və zhʉ kənyʉ̀ kə Nyìngòŋ, ə ghaʼ no nəmwèʼè nə̀ tətyɨm tə jùŋtə, sə mwòmsə̀ əzaʼa fa zhʉ a ghə̀ a kumə ashɨ a vəwenə ntsìnə̀sə.

Joyn 17:23

Ma jɨ̀mə̀ ə ndiʼ to kənyʉ̀ kə mùʼ yo vəwenə, yowù diʼ to a kənyʉ̀ kə mùʼ ndiʼ vəwenə kaʼkə ndiʼ to a kənyʉ̀ kə mùʼ no fa vəwenə ngeŋsə, ndi nè la mbyi kɨ la wù tə ə tɨm mo, ə kòŋ vəwenə to ndə̀ŋndəŋ ndo wù kòŋ mò.

1 Kolìntyàns 2:6

Nò tèbe ando ma gàʼà nyʉ̀ a venə no tsèm lə̀, yès ə ziʼi nyʉ̀ nə̀ ətof a nə̀ viʼi vyi a və kwi li a vəwenə a byɨmə. Ətof a yi ə ko diʼ ətof ə mbi ghenə kò ətof ə viʼi vyi a və soʼo mbyi ghèn, a diʼ viʼi le dyʉ̀ nə̀ kədyòʼ kə vəwenə.

Gàlesìyà 6:9

Kə vəghəŋ a bwaʼ ə nè jùŋ, byìʼì ando vəghəŋ sətsen faŋ ke bwaʼ, kətsi kə tsen lù kwʉ̀ʼ, a vəghəŋ pfi nyʉ̀ jùŋ və to kədə̀ŋ.

Kòlòsyàns 4:12

Èbafàlàs yi a ghə̀ diʼi tamə wù ənòyn ə ghə̀ŋ, be diʼ wù ə shwèʼè a Yesò Klistò gaʼa li la mà toŋtə ə ghə̀ŋ. Ghə̀ zhʉsə jɨm no zhʉ̀ko, ghə̀ sə kwoʼtə ghə̀ŋ a wen a jɨ̀m no akayn, sensə la Nyìngòŋ ə nè ghə̀ŋ faŋ to ati əbyɨmə ghə̀ŋ, ə kwi tsù, ə shɨtə kɨ be ne nyʉ̀ ə tsèm vi a ghə̀ kəŋ.

1 Tèsàlonyà 5:23

Nyìngòŋ yi a ghə̀ kù mbwaʼmə a vəghəŋ na nè ghə̀ŋ ndiʼ nə̀ laynə ə no tèbe a ji ə kò, ə wʉ̀ ntsìnə̀ ə ghəŋə nə̀ kəzhwì ə kəŋkə̀ nə̀ əwen ghenə, ko wìʼ lu ghàm ghə̀ŋ a kənyʉ̀ no fa mphen a kətsi yi a Bobo vəghəŋ Yesò Klistò bwenə vi.

2 Timotì 3:17

Ənyʉ̀ a venə ə diʼ ə nè la wù ə shyèʼ ə Nyìngòŋ ə kwʉʼ myetə̀ ə ne no tənkì tə təshwèʼ tə jùŋtə tə tsèm.

Jems 1:5

No te ndo a ghə̀ gho ətof fà ghə̀ŋ a ntìntìn, ghə̀ jɨm ə̀ bèm à Nyìngòŋ a ghə̀ a ku à wen. Nyìngòŋ ə ku à viʼi vətsèm nə̀ kəvu kə boʼtəkə bènə̀ boŋə tyɨm.

Jems 3:2

Vəghəŋ vətsèm lu nè shwè. No ndò sətsèn ə ngàʼà ke nshwè mu ghə̀ dìʼ wù kənyʉ̀ kə tɨməkə, be diʼ mu ghə̀ zì ghə̀ tuʼmə nə̀ sò kətʉ wen.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.

2 Bità 1:9

Alì viʼi vyi a və ko tsi a ji na ghèn diʼ to nə̀ viʼi a və fɨfə li, ko və yenə kəfo. Vəwenə diʼ mu və lyesə li la Nyìngòŋ ə nshʉ laynsə vəwenə fa vəwenə a mbyɨsə.