Jems 1:3 - The New Testament in the Babanki language

³ Gaʼa kò ghə̀ŋ ə kɨ la və sətsèn ə mwòmsə̀ byɨmə ghəŋə, ghə̀ a nè la ghə̀ŋ nkɨ əghaʼ tyɨm.

Jems 1:3 Iomraidhean Croise

Ŋwàʼlə̀ Luk 21:19

Mətɨmə ghə̀ŋ a nkàyn a ghə̀ŋ a byɨmə lu nè ghə̀ŋ bwoŋ.”

Lumans 15:4

Nò tèbe ghò a və nyoʼo a Ŋwàʼlə̀ Nyìngòŋ ə ndiʼ ziʼi a vəghəŋ ndiʼ vəghəŋ ə kɨ nəmwèʼè la kənyʉ̀ kì a vəghəŋ ə ki dyʉ̀sə nə̀ kəwenkə lu kwʉ̀ʼ byìʼì mə̀ wensə nə̀ ətyɨm ə to ghə̀ yi a kənyʉ̀ kə Nyìngòŋ kə ku a vəghəŋ.

Lumans 2:7

Nyìngòŋ ə lu ku əbwòŋ yì a ghə̀ ko lu mè a viʼi vyi a və ghaʼa tyɨm ati shwèʼè ə jùŋ ghə̀, kəŋ to la ghə̀ ku əghoʼ a vəwenə nə̀ zhiʼ ə jùŋ ghə̀. Viʼi a vyi lu kiʼi əbwòŋ a ghèn nə̀.

Lumans 8:25

Alì mu vəghəŋ sətsen ə ki dyʉ̀sə nə̀ kəfo kə a vəghəŋ ko təmə kiʼi, vəghəŋ a ndiʼ ə kəʼtə wensə, kɨ nəmwèʼè la və lu kiʼi.

Lumans 8:28

Vəghəŋ ə kɨ la à fʉ̀ no tèbe ghò, Nyìngòŋ ə shɨtə a sə diʼ njùŋ a viʼi vyi a və kòŋ wen, a diʼ viʼi vi a ghə̀ dzàŋ la vəwenə ə nè ando ghə̀ bàtə.

2 Kolìntyàns 4:17

Ngəʼ shisə a yès ə yənə luwen diʼ to nfam, diʼ to fəshyinə fə zhʉ̀. Ngəʼ a sensə baʼtə̀ yès a jùŋ ə ghoʼo yi a ghə̀ vi, ko ndiʼ la ghə̀ lu mè, mu və zizi ko və lu ə shəʼmə ngəʼ a sensə nə̀ jùŋ ayi.

Kòlòsyàns 1:11

Yès ə jɨ̀mə̀ la Nyìngòŋ ə ku kədyòʼ kə kaynə kə wen a ghə̀ŋ no kə tsèm ndi ghə̀ŋ tuʼtə, kwiʼ ətyɨm akayn, be əwensə, be saŋlə,

2 Tèsàlonyà 1:4

A le kənyʉ̀ ki a yès ə zhʉsə ngaʼa a nòynə viʼi və byɨməvə vətsenvə, yès sə naynə kumə ghə̀ŋ. Yès nə̀ nè alə̀ byìʼì ando ghə̀ŋ timə li to a ghə̀ŋ a byɨmə no tèbe ando viʼi ə tsuʼ kəghʉ ə kəŋkə̀, ghə̀ŋ be yenə ngəʼ sə tsensə ali wensə to wensə.

2 Tèsàlonyà 3:5

Yès ə jɨ̀mə̀ la Bobo nè ghə̀ŋ yen əkòŋ yì a Nyìngòŋ ə kòŋ ghə̀ŋ ə be nè la ghə̀ŋ ə wensə to wensə to nə̀ Klistò.

Hibùlù 10:36

Ghə̀ŋ diʼ ə nto a ghə̀ŋ əbyɨmə ndiʼ ghə̀ŋ nè kənyʉ̀ kì a Nyìngòŋ ə kəŋ la ghə̀ŋ nè, ghə̀ lu ku kəfo kì a ghə̀ ghʉ̀ la ghə̀ lu ə ku a ghə̀ŋ.

Hibùlù 12:1

Ando vəghəŋ sə diʼ mù və yen li ənòyn ə nchwò nsòʼ kumə əbyɨmə mu və kaʼ li mbum vəghəŋ to kədə̀ŋ lə, vəghəŋ maʼa li no tèbe kəbyèʼè kə kò ki a kə taʼsə vəghəŋ be maʼa no mbyɨ ə kò yi a ghə̀ kwiʼi vəghəŋ ə wensə nyɨŋə kənyɨŋ ki a Nyìngòŋ ə ghʉ̀ la vəghəŋ nyɨŋə.

Hibùlù 6:12

Yès ko kòŋ tebè la ghə̀ŋ ə bwaʼa. Yès ə boŋsə kəŋ to la ghə̀ŋ nshəmə viʼi vyi a və byɨmə li a Nyìngòŋ ə sə wensə, diʼ lù kiʼi kəfo kì a Nyìngòŋ ə ghʉ̀ li.

1 Bità 1:7

Təmwòmsə̀ na tentə ə vi a ghə̀ŋ ə ne la viʼi yen əkɨ la ghə̀ŋ kiʼi no nkàyntə̀ əbyɨmə. Və nə̀ mwomsə gul nə̀ zhiʼ ali a diʼ kəfo a kə ko kuʼmə zàʼa tebè a nə̀ əbyɨmə, mu kə zi kə byɨf. Kə le diʼi la, və diʼ mwomsə əbyɨmə ə ghəŋə byìʼì ando à diʼ kəfo a kə kuʼmə chò gul ndiʼ à lù ndiʼ a kətsi a Yesò Klistò bwenə vì, Nyìngòŋ ə bwomsə ghə̀ŋ ə be ku əghoʼ ə wen a ghə̀ŋ.

2 Bità 1:6

Ghə̀ŋ sə tsì to nə̀ viʼi və tofəvə, ghə̀ŋ be ə nghaʼa təwen ə təŋtə, kɨ ə nwensə̀, kə ghə̀ŋ a wensə to wensə ghə̀ŋ be tsi ntsìnə̀ yì a ghə̀ nè Nyìngòŋ ə saŋlə.