Jems 1:26 - The New Testament in the Babanki language

²⁶ No ndò sətsèn ə nkwòʼtə̀ la ghə̀ dìʼ wu byɨmə ke nkɨ jì ə tisə kəlyɨmə kə wen mu ghə̀ lobtə̀ wen ə wen kò a ndiʼ la byɨmə wen ə kwʉʼʉ̀ tè a kənyʉ̀ kətsenkə.

Jems 1:26 Iomraidhean Croise

Matìyò 15:9

Vəwenə ghoʼsə̀ mò tò kədyàŋ kədyàŋ byìʼàndo vəwenə dìʼsə̀ təsoʼ mu a shɨ̀tə̀ viʼi ə ghʉ la à dìʼ təsoʼ tyomtə?”

Ŋwàʼlə̀ Mak 7:7

Vəwenə yenə ngəʼ tò kədyàŋ gàʼà vəwenə ghoʼsə̀ mò, byìʼàndo vəwenə dìʼsə nyʉ̀ mu à shɨ̀tə̀ viʼi, ə̀ ghʉ la andiʼ təsoʼ tə Nyìngòŋ.’

Ŋwàʼlə̀ Luk 8:18

“Ghə̀ŋ tùʼmə̀ li nə̀ jì a ghə̀ŋ zhʉtə fa tsu byìʼì no məndo, a ghə̀ kiʼi, və a ku kwùʼsə̀ a wen, no məndo, a ghə̀ ko kiʼ və a shi tè kətyetə kyì a ghə̀ kwòʼtə̀ la ghə̀ kiʼi.”

1 Kolìntyàns 15:15

Kə sətsen ə ndiʼ ali, a kə ne be diʼi la yès ə zhò to ndzɨŋ kumə Nyìngòŋ byìʼì ando yès ə gàʼ la Nyìngòŋ ə nlùsə Yesò fa pfʉ. Kə sətsen ndiʼ nəmwèʼè la viʼi ko lu lù fa pfʉ, a kə a ndiʼi la ghə̀ nko lùsə wen fa pfʉ.

1 Kolìntyàns 15:2

A diʼ ntɨm ə jùŋ na ghèn a ghə̀ zizi ghə̀ bwoŋsə ghə̀ŋ, azhʉ̀ a ghə̀ŋ shətə ghaʼa kənyʉ̀ ki a mà tə shə̀ʼtə̀ a ghə̀ŋ, bwen ali, əbyɨmə ə ghəŋə a lè to kədyàŋ.

1 Kolìntyàns 3:18

Kə wìʼ na lobtə wen ə wen. Wìʼ sətsen ə ndiʼ a ghə̀ŋ ntìntìn kwoʼtə la ghə̀ tofə a ji yi a viʼi mbyi ashə nə̀ lyɨ fa tsù, ghə̀ boŋsə kaʼkə a kəkoyn ndiʼ ə̀ kiʼi nkàyntə̀ ətof.

Gàlesìyà 2:6

Viʼi vi a və nlyɨ la a diʼ tʉtʉ tsu nko be kiʼ kənyʉ̀ ə kwʉ̀ʼsə akwi kənyʉ̀ yi a ma ziʼi. Ko vəwenə ndiʼ tèbe tʉtʉ ko vəwenə ko diʼ, na ki ə ko diʼi tebè kənyʉ̀ kə tsen kə a mò byìʼì ando Nyìngòŋ ə ko ki fa kəʼ la wìʼ diʼ ndo lo.

Gàlesìyà 2:9

A sə diʼ to ando Jems wenə Bità nə̀ Joyn a ndiʼ no nàʼ tovə ghaʼ nyʉ̀ a ntsèntə̀sə ə viʼi vəbyɨməvə yen la Nyìngòŋ ə diʼi li ətyɨm ə jùŋə ghə̀ a mò ə ne ma sə be shə̀ʼtə̀ ntɨm ə jùŋ na ghèn, vəwenə ku kəvu a yo Bànabàs, ə diʼi la yo vəwenə sə diʼ to a kənyʉ̀ kəmùʼ. Yo vəwenə mù ghʉ la, yès a nshə̀ʼtə̀ ntɨm ə jùŋ a viʼi a ko diʼ viʼi Jus vəwenə shə̀ʼtə̀ a viʼi Jus.

Gàlesìyà 3:4

Kə lə diʼ la ghə̀ŋ tə yenə ngəʼ no nànto alə to kədyàŋ mu? Ghə̀ŋ ə zizi ko ghə̀ŋ lu yen ngəʼ alì to kədyàŋ.

Gàlesìyà 6:3

No ndò a ghə̀ sətsen kwoʼtə la ghə̀ diʼ kəfo, ali ko ghə̀ diʼ kəwenkə, mu ghə̀ lobtə to wen ə wen.

Efisyàns 4:29

Kə əgaʼa byɨkə ə lu fʉ̀ fa wìʼ chʉ̀. Ghə̀ŋ ə boŋsə gàʼa to kənyʉ̀ ki a ghə̀ŋ zizi ghə̀ŋ gyamtə viʼi və tò a vəwenə byɨmə ndiʼ no ndo a ghə̀ əzhʉ əgàʼ ə ghəŋə, ghə̀ a sè kənyʉ̀.

Efisyàns 5:4

Kə ko bòŋ la gàʼà a ghə̀ fʉ̀ fa ghə̀ŋ əchʉ̀ ndiʼ gàʼà ə fwaʼlə ghə, gàʼa nyʉ̀ kəkoyn be gàʼà gàʼa demə byɨghə a viʼi. Ghə̀ŋ ə̀ boŋsə ku to kəzòŋ a Nyìngòŋ.

Kòlòsyàns 4:6

Əgàʼ ə ghəŋə ndiʼ ə nə̀ mbwaʼmə be fwomə to məzhʉ̀ ə tsèm, ndi ghə̀ŋ kɨ ə shɨtə ə bwensə no ndo.

Jems 1:19

Ghə̀ŋ kɨ kènkə a vəlèmə̀ və kòŋə̀ mò: Ghə̀ŋ ntùʼù zhʉtə̀ kənyʉ̀ a mà gàʼà no a nkàyn, kə ghə̀ŋ a zàŋsə̀ gàʼà, kə ghə̀ŋ a zàŋsə̀ fwisə tin.

Jems 1:22

Kə ghə̀ŋ a nzhʉtə̀ kənyʉ̀ kə Nyìngòŋ tò zhʉtə. Ghə̀ŋ diʼi ə nè kənyʉ̀ a kə gàʼà a bwen a lì mu ghə̀ŋ ə lobtə̀ təwen təŋtə.

Jems 2:20

Kəngwʉ̀ʼ kə kəfo kèn! Wù kəŋə la və dìʼ à wù la byɨmə kènə̀ shyèʼè dìʼ kənzɨm kə byɨmə mu?

1 Bità 3:10

Kə diʼ alə̀ byìʼì ando və nyoʼo li a Ŋwàʼlə̀ Nyìngòŋ la: “Wìʼ ə sətsen ə kòŋ ə tsi a akayn, saŋlə, kə ghə̀ŋ na gaʼa ə gaʼa ə əbyɨghə, kə ghə̀ ne gaʼa gaʼa ə kənlobtə.